Marcos 4:12 - Biblia Mixe de Quetzaltepec

¹² Jëtu'un ka'ap tja'akyukëtëty oy tii tja'ixtëty, oy tii tjamëtowtë, ka'ap tmëtoowkukëtëty; këtiipë jyootwinpitëty ma Tiosën ets ka'ap ja pyoky yajnimä'kxtëty.

Biblia Dc en Mixe de Quetzaltepec

¹² Jëtu'un ka'ap tja'akyukëtëty oy tii tja'ixtëty, oy tii tjamëtowtë, ka'ap tmëtoowkukëtëty; këtiipë jyootwinpitëty ma Tiosën ets ka'ap ja pyoky yajnimä'kxtëty.

Marcos 4:12 ပူးပေါင်းရင်းမြစ်များ

Isaías 44:18

Tääpë ja'ayëty ka'ap tnijawëtë, ka'ap tja'akyukëtë; wiints yajpaatë, ka'ap tii t'ixtë, ninu'un kyamay kyatajtë paaty ka'ap jyä'äkyukëtë.

Jeremias 5:21

Kajpn, ja ka'apë jyä'äkyukën ets ka'apë wyinma'anyën, mëti'ipë jyamëët'ajtypyën wyiin ets ka'ap y'ixy, mëti'ipë jyamëët'ajtypyën yë tyatsk ets ka'ap myëtoy.

Deuteronomio 29:4

E tyampaat yë Wintsën ka'ap tyajkutukynyëm ets xyjyä'äkyukëtëty ets xywyinjawëtëty wi'ix'äämpy ko tëkokyë ya'atë të tuny.

Lucas 8:10

Tääts ja Jesús y'ëtsoowëtë: Miits ja Tios të mtuknijawëtë mëti'ipë yu'utsy'ijtpën ma ja kyutujktaknën. E ja wiinkëtypë ja ja'ay, ijxpäjtën mëët yajtukmëmëtya'aktë këtiipë tja'akyukëtëty oy tja'ixtëty, ets ka'ap tmëtoowkukëtëty oy tjamëtowtëty.

2 Timoteo 2:25

ets tkajpxwijëty mëët yë yu'unk'ajt naxym'ajtën mëti'ipë käjpxy kyumëtoownajxtëpën, yaj'ëwxitëty ets ja Tios niwinpittëty ets nijawëtëty ja tëyajtën.

Hebreos 6:6

ko jatëkok pyokykya'atëty, ka'ap t'ëkjëkyäjpnëty ets jatëkok jyootwinpitëty ma Tiosën. Jëtu'un nëjkx tpaaty ijxtëm jeexyë ja Tios U'unk jatëkok tyajkruutspätën ets ijxtëm ja Tios ja jyä'ä yajnëxi'iky yajtukxi'ikyën.

Ezequiel 12:2

Mijts ye'etyëjk, jap mjuuky'äty ma naax kajpnën mëti'ipë je'eyë käjpxy kyumëtoownajxpën. Myëët'ajtëp yë wyiinëty mëti'ipë tyuk'ixtëpën je'eyëp ko ka'ap y'ixtë; myëët'ajtëp yë tyatskëty mëti'ipë tyukmëtoowtëpën je'eyëp ko ka'ap myëtowtë, jä'ä ko tääpë naax kajpn käjpxy kumëtoownajxpë yë'ë.

Hechos 3:19

Paaty xy'ëxmatstëty ja m'ëxëëk winma'anyëty ets mwinpitëty ma Tiosën, jëtu'unts ja mpoky yajmä'kxtëty,

Isaías 43:8

Yajmiintëkës yë nkajpn, mëti'ipë jyamëët'ajtypyën yë wyiin je'eyëp ko ka'ap y'ixy; ets tam jyatatsk, ka'ap myëtoy.

Jeremias 36:3

Wä'änxyëp yë Judá ja'ayëty tyaj'oyëtëty yë jyot wyinma'anyëty; ko nijawëtëty tëkokyë yë ëyo'on jotmay mëti'ipës ntuknikäxantëpën ets jyëkyäpëp npokymyä'kxtëtyës.

Marcos 8:18

¿Tam mjawiinëty ets ka'ap m'ixtë? ¿Tam mjatatskëty ets ka'ap mmëtowtë? ¿ka'ap tii xyjyä'ämyätstë?