Marcos 3:8 - Biblia Mixe de Quetzaltepec

⁸ Ko tnija'awëtyë ja'ay mëti'ipë tyuunpy kyäjpxypën ja Jesús, tääts may ojts ninëjkxtë. Tam mëti'ipë tso'ontëpën Judea, Jerusalén, Idumea; tam mëti'ipë tso'ontëpën nëë'awinm ma Jordán mëjnëë nyäxyën ets tam mëti'ipë tso'ontëpën Tirë ets Sidón.

Biblia Dc en Mixe de Quetzaltepec

⁸ Ko tnija'awëtyë ja'ay mëti'ipë tyuunpy kyäjpxypën ja Jesús, tääts may ojts ninëjkxtë. Tam mëti'ipë tso'ontëpën Judea, Jerusalén, Idumea; tam mëti'ipë tso'ontëpën nëë'awinm ma Jordán mëjnëë nyäxyën ets tam mëti'ipë tso'ontëpën Tirë ets Sidón.

Marcos 3:8 ပူးပေါင်းရင်းမြစ်များ

Ezequiel 35:15

Mijts ojts mxoontä'äky ko kyutëkooy ja it naaxwiinyëtë mëti'ipë yë Israel ja'ayëty yajmooytyën ets tjä'ä'atëty, je'eyëp ko mijts nän timjëtu'un mjata'any: Mijts Seir kopk aanë'ëk tëëtsë'ëk mkawinpita'any, mëti'ipë Edom jyä'ä'ajtypyën. Ënätnëm xynyijawëtëty ko ëjts Wintsën.

Mateo 11:21

Mon tuk myajpaatë miitsëty Corazín ja'ayëty ets Petsayëtë ja'ayëty, mëët ko të mkamëpëktë ets ko të xykyayaj'oyëtë mjot mwinma'anyëty. Ko jeexyë ja Tios ja myëj'ajtën të tyuny të jyätyë jam Tirë ets Sidón ijxtëm të tyuny të jyätyën ma miitsëtyën, tëëyëp ja nyajjootwinpijnëtë ets tëëyëp ja u'kxypyë wit natuktëjkënëtë, ets ja kuyjaam nyanätyukniwëjënëtë.

Ezequiel 36:5

Jëtu'un yë Wintsën y'ënä'äny: Yë n'aaw n'ayukës jëën mëëtpënës yam nkäjpxy mëët yë äkë ma ja wiinkpë ja naax kajpnën, ni'ik yë Edom kajpn, jä'ä ko yë'ëjëty mëët ja xoontakën ojts niwa'aktë ja nnaax nkajpnës ets mëët ja tsip äkë tyajpëtsëëmtaaytyë jap winë.

Isaías 34:5

Jëtu'un jam tsyoona'any ja amay jotmay tsajpkëjxm tä ja'ay tëypyujxn tjëpijpminy tjëpijxëpyën, jam kyëta'aka'any Edom, mëti'ipë tëë yajtuknipëjktaakën ets kyutëkoyëty.

Marcos 7:24

Tääts ja Jesús jam tsyo'ony ets ojts nyijkx Tirë ets Sidón. Ko ja tëjk jam tpaty, jamts tyëjkëy; ka'ap ja ja'ay tjatuknijawëja'any ko ënäty jam të jyä'ty. E ka'ap ojts jëtu'un jyäty.

Salmos 87:4

Ja kajpn mëti'ipës xy'ixy'ajtëpën, jyëkyejpyës nikajpxëty Egiptë ets Babilonyë, Filistejë, Tirë ets Etiopíë; tëkokyë yë'ëjëty jam ojts myintë jya'të ma mijtsën.

Salmos 45:12

Yë to'oxytyëjk mëti'ipë mëj'äämpy ijtëpën jam Tirë, ets kumeenyjyä'äyëty mëti'ipë muum kajpntum yajpatëpën mayëty winë tmëmintë jä'ä ko yë'ë tsyojktëp ets xy'oyjyawëty.

Marcos 7:31

Ojts jatëkok ja Jesús jam tsyoony Tirë ets ojts nyijkx Sidón ets jam jyä'äjty ma Galilea mejyën Decápolis y'itjotm.

Josue 15:1

Ja it naaxwiinyëtë mëti'ipë ojts ja Judá ja jyä'äy tyuka'ayën ko yaj'ijxpëtsëëmy, ja tsëpa'an jampaat ojts jyä'ty ma mëët ja Edom nyäpyäätyë; e ëpa'tkë'ëmtsow jampaat jyä'äjty ma ja të'ëts'it txëëwatyën Zin.

Josue 15:21

Ja naax kajpn mëti'ipë jam yajpatëpën ëpa'tkë'ëmtsow ma mëët ja Edom ja y'itjot nyäpyaatëtën, jä'ä yajtijtë: Cabseel, Éder, Jagur,

Mateo 4:25

May ja ja'ay ja Jesús ojts pyatsoonyë, mëti'ipë tsënaaytyëpën jam Galilea y'itjotm, jam ma Decápolis kajpnën, Jerusalén kajpnën ets Judea y'itjotm. Näy tam mëti'ipë tso'ontën nëë'awinmtsow ma Jordán nëëjën.

Lucas 6:17

Tääts ja Jesús tsyo'ony jam kopkëjxm mëët nimay ja y'ijxpëjkpëtëjk ets wya'ak'o'oyëy ma tu'uk ja joyën. Tam ënäty nimay ja ja'ayëty të myuktë mëti'ipë tso'ontëpën Judea y'itjotm, Jerusalén ets mejy ëkë'ëmpë tsyoontën ma ja Tirë kajpnën ets Sidón kajpnën.