Marcos 3:5 - Biblia Mixe de Quetzaltepec

⁵ Tääts ja Jesús wyintë'kxëtë mëët yë joot'an ets moonp tujkp jä'äkyëjxm ko juun ja jyot wyinma'anyëty tpëjkta'aktë. Paaty t'ënëmaay ja ye'etyëjk mëti'ipë ënäty ja kyë'ëjën ooky: Xajtëw. Tääts ja ye'etyëjk xyajtëëy ets ja kyë'ë tsyoky.

Biblia Dc en Mixe de Quetzaltepec

⁵ Tääts ja Jesús wyintë'kxëtë mëët yë joot'an ets moonp tujkp jä'äkyëjxm ko juun ja jyot wyinma'anyëty tpëjkta'aktë. Paaty t'ënëmaay ja ye'etyëjk mëti'ipë ënety ja kyë'ëjën ooky: Xajtëw. Tääts ja ye'etyëjk xyajtëëy ets ja kyë'ë tsyoky.

Marcos 3:5 ပူးပေါင်းရင်းမြစ်များ

Lucas 6:10

Ënät twin'ijxpejty ni'ëmukë mëti'ipë ënäty jamëtyën winkon ets t'ënëmaay ja pa'amja'ay: Xajtëw. Tääts ja ja'ay xyajtëëy ets ja kyë'ë ojts tsyo'oky.

Efesios 4:18

kupi'its kukoots ja jyot wyinma'anyëty. Yë'ëjëty ka'ap tukxoonta'aktë ja juukyajtën mëti'ipë tso'onpën ma Tiosën, jä'ä ko tsuu yajpaatë ets ka'ap tii tjawëtë jyootjoty wyinma'anyjoty.

1 Reyes 13:6

Ënät ja yajkutujkpë ojts ënätyë yë käjpxynyajxpë tninëjkxy ets t'ënëmaay: Tun yë mëyajtën, mëpëjktsow yë mWintsën wä'änës yë nkë'ë xyajtsokë. Tä ja käjpxynyajxpë ojts ja Wyintsën tmënu'kxtä'äky ets ja yajkutujkpë ojts ja kyë'ë tsyo'oky, je'eyëm tä ënäty të y'oy'ätyën.

Romanos 11:25

Mëku'uktëjkëty, yë'ëjës ntsojkpy ets miits xynyijawëtëty mëti'ipë ijty ka'ap yajnijawën, jëtu'unts ka'ap mnämyëjpëjkta'akëtëty. Yë jutiis ja'ay juun yë y'aaw jyot të tpëjkta'aktë, ka'ap yë Tios të tmëmëtowtë, jëtu'un y'ita'antë koonëm tpata'atëty ja oyajtën mëti'ipë ka'ap jyutiis'atën.

Mateo 12:13

Ënät ja Jesús ja ye'etyëjk t'ënëmaay: Xajtëw. Tääts ja ye'etyëjk xyajtëëy ets ja kyë'ë oy mëk ojts wyi'imy ijxtëm ja oypyën.

Apocalipsis 6:16

ets nëëmëtë ja tun kopk ets ja tsaakopk: Nija'apäjtëk ets yu'tstëk ëëtsëty, këtiipës xy'ixtëty mëti'ipë u'unyääpyën jam ma kutujktaknën, këtiipës xypyaatëty ja tyiytyu'unën mëti'ipë yajtijpën Kupixyny U'unk.

Hebreos 5:9

Ets ko ojts tyaj'apaatë ja tyuunk, ënät ojts nyäxy yajnitsokpë xëmëkyëjxm ma ja mëti'ipë mëmëtoowëpën,

Hebreos 3:17

¿E pën jëtää ja Tios tyukjoot'anpëjk wëxtyikxy jëmëjt? Yë'ë mëti'ipë pokytyuuntën jam të'ëts'itjotm ets y'o'ktë, ¿këtiijë?

Efesios 4:30

Këtii nëkoo xyajjotmaytyëkëtëty ja Tios ja kyënu'kxymyëk'ajtën, mëti'ipë të myajtuk'ijxwë'ëmtën ko Tios mjä'ä'atëtë mapaat ja nitsokën ënäty tu'ukyë myajmooynyëtën.

Efesios 4:26

Ko mjoot'anpëkëty, këtii mpokytyuntëty; këtii tu'kxëëwpaaty mjoot'anpëkëty.

2 Corintios 3:14

Je'eyëp ko yë'ëjëty ka'ap ojts tja'akyukëtë, tyampaat je'eyëm jëtu'un tyajtu'uye'eytyë. Ko tjakajpxtë ja tukpë ja ënä'ämën, jëtu'un nyäpyëjkta'akëtë je'eyëm yowë twinkuwitsë'atë ja wit, jä'ä ko ka'ap pën të tyukwinwijtstu'utëtë, jä'ä ko ënät jeexyë jyënäky ko jeexyë yë Kristë tmëpëktë.

Juan 9:7

Tä t'ënëmaay: Nëjkx jam mwinpujy ma ja Siloé nëëjën. Jä'ä nyiwijy Kexyye'epyë. Tääts ja wiints ojts nyijkx winpujpë. Ko wyiinpujtaay, ënätyë y'ijxë'ky.

Lucas 17:14

Ko ja Jesús y'ijxpatëtë, tääts y'ënëmaayëtë: Nëjkx mwa'këxë'ëktë ma ja teetyën. Tääts ojts nyëjkxtë. Tamnëm ënäty tyu'uye'eytyë ko tsyoktaaytyë.

Lucas 13:15

Ënät ja Wintsën y'ëtsooy: Win'ë'ënpë ¿Këtii jëtää miits ja mjëyujk mtsajpkaa xymyëkäjëtëty po'kxënxëëwjoty ets nëjkx xyajnëë'uuktë?

Salmos 95:10

Wëxtyikxy jëmëjt ojts tääpë kajpn ntukjoot'anpëkyës, etsës n'ënany: Tyaapë ja'ayëty xit ko'ow të jyajta'atë, jä'ä ko ka'ap të tuntë ijxtëm të njatuk'ënä'ämtënës.

Nehemías 13:8

Ojtsës xyajjoot'anpëky, paatyës ojts njantyjyëpijpëtsëëmtaayë yë y'apëjk y'atu'unën mëti'ipë jap yajtuumpyën yë Tobías ma y'ityën.

Jueces 10:16

Ënät ja Israel ja'ayëty ojts tyajma'ta'atë ets tukpu'ujëtyääytyë ja wiink tios, ets ja Wintsën t'ënëmaaytyë ko yë'ë t'ëwtata'antë tu'ukyë, ko jëtu'un yë Tios t'ijxy ka'ap ojts jeky tmëmëtä'äky ets ja Israel ja'ayëty y'ëyowtëty.

Génesis 6:6

Mëk ja Wintsën tja'awëy jä'ä ko kë'ëm ënäty të t'ëkyajkojy ja ja'ay. Mëët ja mëkjotmay,

Hebreos 3:10

Paaty ojts ntukjoot'anpëktës tääpë ja'ayëty, ets n'ënanyës: Xëmë tëkatsy yë jyot winma'any tmëët'atë, ka'ap tkupëktë ja nnë'ë ntu'ujës.

Marcos 3:4

Tääts ja Jesús tyajtëëy mëti'ipë ënäty jamëtyën: ¿Mëpaat'ajtp po'kxënxëëwjoty ntu'unmëty ja oypyë ëkë ja ëxëëkpë, ko ja ja'ay nyajtsokmëty ëkë ko ja ja'ay nyaj'o'kmëtyë? Amonyë ja ja'ay wyë'ëmtaaytyë.

1 Samuel 20:34

Ënät ja Jonatán wyä'ätsë'ky, jam kaaypyäjn wintum, ka'ap ojts ja xëëw t'ëktuktëjkënë ma ja mëmäjtsk xëëwpë xyëëwtuntën. Jä'ä ko yë'ë ënäty myëmääpy myëtäjpy ja David mëët ko ënäty ja tyeety të tyukjoot'anpëkyë.