Marcos 2:16 - Biblia Mixe de Quetzaltepec

¹⁶ Ja fariseë ja'ayëty, mëti'ipë tuk'ijxpëjktëpën ja jutiis ja y'ënä'ämënëty, ko t'ijxtë ko ja Jesús ënäty tmëëtkay ja yajkukëpäjtpëtëjk ets mëti'ipë yajtijtëpën pokyjyä'äy, ënät tyajtëëwtë ja Jesús y'ijxpëjkpëtëjk: ¿Tii ko yë mwintsën tmëëtkay yë yajkukëpäjtpëtëjk ets pokyjä'äytyëjk?

Biblia Dc en Mixe de Quetzaltepec

¹⁶ Ja fariseë ja'ayëty, mëti'ipë tuk'ijxpëjktëpën ja jutiis ja y'ënä'ämënëty, ko t'ijxtë ko ja Jesús ënety tmëëtkay ja yajkukëpäjtpëtëjk ets mëti'ipë yajtijtëpën pokyjyä'äy, ënät tyajtëëwtë ja Jesús y'ijxpëjkpëtëjk: ¿Tii ko yë mwintsën tmëëtkay yë yajkukëpäjtpëtëjk ets pokyjä'äytyëjk?

Marcos 2:16 ပူးပေါင်းရင်းမြစ်များ

Lucas 19:10

Yë naaxwiinyëtë ja'ay yë y'U'unk, yë'ë të niminy ets t'ixta'aja'any, tyajtso'oka'any mëti'ipë tëkoy'ijtpën.

Lucas 18:11

Ja fariseë ja'ay, tënääpy ja Tios tmëkäjpxy ets në'ix pa'at'ix, jëtu'un y'ënä'äny: Tios Teety, mijts yam nkukajpxëp ko ka'apës njëtu'unëty ijxtëm yë ja'ayëtyën, mëti'ipë mä'tstëpën, mëti'ipë ëxëëk ja'ay'ajtëpën, mëti'ipë ka'ap ja nyiye'etyëjk ëkë ja nyito'oxytyëjk twintsë'ëkën; ets ka'ap njëtu'unëtyës ijxtëm xiipë yajkukëpäjtpën.

1 Corintios 2:15

Ja ja'ay mëti'ipë ja Kënu'kxymyëkajtën myëët'ajtypyën, jyëkyejpy nikajpx nimëtya'akëty oytyiijëty ets ka'ap pën myäyëtëty tyuk'ojëtëty.

Hechos 23:9

Ni'ëmukë mëk yujk'ënantë; näjyëtu'un ja fariseë ja'ayëty, ojts wya'kukëtë ets mëk y'ënantë: Ya'atë ja'ay ka'ap tii poky tuuntëkoy tkajpxtëkoy. Wä'änxyëp yë anklësëty të myëkäjpxyë.

Lucas 19:7

Ko jëtu'un t'ijxtë, ënätyë tyëjkëtyë kajpxpë ets ni'ojëtë ja Jesús, ko të jyajtä'äky ma ja pokyjyä'äy ja tyëjkën.

Isaías 65:5

Ets y'ëna'antë: Jääyë ëwxit, këtiis nëkoo xytyony; ëjts kënu'kxyës mëj këjää, ka'ap tjëkyepy nëkoo xytyonëtyës. Tääpë ja'ayëty jëtu'un tä jëënën tu'kxëëwpë yeenyën; je'eyës xyajja'antyixy koos xyjyëjp kujokë.

Hebreos 12:3

Mëmay mëtajtë mëti'ipë yë Jesús të tnajtstunën, mëti'ipë kyu'ëyo'owën ja pokyjyä'äy ja nyëë pyoky; paaty miitsëty këtii m'ënu'kxëtë ets këtii mmontëty mtuktëty.

Marcos 2:7

¿Tii ko ya'atë ja'ay jëtu'un y'ënaanpë? Tios yë myëkajpxtëkoopy, Tios tu'ukyë pokymyä'kxp.

Mateo 18:17

Ets pën ka'ap näjyëtu'un yajmëjpëjkta'aktë, ënëëmë ja mëpëjkpëtëjk ma ye'eymyuktën. E pën kajts näjyëtu'un yajmëjpëjkta'aktë, jëtu'un tääpë ja'ay nëjkx xyajnajxnëtë tä mëti'ipë ka'ap myëpëkyën, ëkë ijxtëm ja yajkukëpäjtpëtyën mëti'ipë Roma myëtuuntëpën.

Mateo 9:11

Ko ja fariseë ja'ayëty jëtu'un t'ijxtë, ënät tyajtëëwtë ja Jesús ja y'ijxpëjkpëtëjk: ¿Tii ko yë mwintsën tmëëtkay tmëët'uuky yë yajkukëpäjtpëtëjk ets pokyjä'äytyëjk?

Mateo 5:46

Pën yi'iyë miits mtsojktëp mëti'ipë mtsojkëtëpën, ¿tii kuma'ayën mpëktëp mpaatëp? Yë yajkukëpäjtpëtëjkëty mëti'ipë Roma myëtuuntëpën yë'ë jëtu'un ëtëtstëp.

Marcos 2:15

Mëkääpy ënäty ja Jesús jam ma Leví tyëjkën mëët ja y'ijxpëjkpëtëjk ets ja yajkukëpäjtpëtëjk ets ja ja'ayëty mëti'ipë yajtijtëpën pokyjyä'äy, jä'ä ko may ënäty ja ja'ayëty mëti'ipë Jesús pajëtijtëpën.

Lucas 5:30

Tääts ja fariseë ja'ayëty ets ja tsajptëkotyëtë yaj'ijxpëjkpë ojts tuknëëmëtë ja y'ijxpëjkpëtëjk ets t'ënëmaaytyë: ¿Tii ko yë Jesús ets miitsëty xymyëëtkaytyë yë yajkukëpäjtpëtëjk ets pokyjä'äytyëjkëty?