Marcos 2:1 - Biblia Mixe de Quetzaltepec

¹ Komjeky, ënät ja Jesús tyëjkëy jatëkok Capernaúm ets ja ja'ay tnija'awëtyë ko ënäty të jyä'ty jam tëjkwintum.

Biblia Dc en Mixe de Quetzaltepec

¹ Komjeky, ënät ja Jesús tyëjkëy jatëkok Capernaúm ets ja ja'ay tnija'awëtyë ko ënety të jyä'ty jam tëjkwintum.

Marcos 2:1 ပူးပေါင်းရင်းမြစ်များ

Juan 4:47

Ko ja yajkutujkpë ja tyuunpë tnija'awëy ko ja Jesús ënäty të tsyoony jam Judea y'itjotm ets të jyä'ty Galilea, ojts tninëjkxy ets tmënu'kxtäky ets tyajtso'okëty ja myaank mëti'ipë ënäty ookanëpën.

Marcos 7:24

Tääts ja Jesús jam tsyo'ony ets ojts nyijkx Tirë ets Sidón. Ko ja tëjk jam tpaty, jamts tyëjkëy; ka'ap ja ja'ay tjatuknijawëja'any ko ënäty jam të jyä'ty. E ka'ap ojts jëtu'un jyäty.

Lucas 5:18

Ënät ja ja'ay tkëëyjya'ajtë tu'uk ja pa'amja'ay kë'ëxujxpë tekyxyujxpë ets jap tëkoty tjayajtëkëjantë ets tpëjkta'aka'antë Jesús wyintuuy.

Marcos 1:45

E ja ja'ay ni'ikyë ojts tmëtyaakwä'kxy wi'ix ënäty të tsyo'okyën. Paaty ja Jesús ka'ap oymyaajëty y'ëktëjkënë kajpnjoty, jëkäm jyëtity ma apak itën. Oyjyënu'un jyajëkämëty, ninëjkxëp ja ja'ay, oy tyimmaajëty tsyoontë.

Mateo 9:1

Tääts ja Jesús tyëjkëy kepy nëëwinye'epyëjoty ets ojts nyijkxy jamtsow nëë'awinm, jam Capernaúm ma ënäty tsyëënën.

Hechos 2:6

Ko tmëtoowtë ko amuup tsyoony jam tsajpwinm, tää ja ja'ay may myujktë ets ka'ap tnija'awëtë tii tuunëp jajtëp; tääts ja mëpëjkpëtëjk ojts kanaakjëjp ja ayuk tkajpxtë këëkjä'ä.

Mateo 4:13

Jam tsyo'ony Nazaret ets ojts nyijkxy ma ja Capernaúm kajpnën tsënääpyë nëë'akëyë pë'am ma ja Zabulón it ets Neftalí itën.

Marcos 2:2

Tääts ja ja'ay may myujktë, a'ujtsnajx ja tëjk, ni ma kya'ëwaatsëty ma tëjk'aawën. Ja Jesús jä'ä nyikäjpxyp nyimëtyäkpy ja Tios ja y'aaw y'ayuk,

Marcos 3:20

Tääts ja Jesús tyëjkëy tëkoty. Ënät ja mayjyä'äy ënätyë myujkpäjtë, ka'apaat ja Jesús y'ëkkaaynyë mëët ja y'ijxpëjkpëtëjk.

Marcos 7:17

Ko ja Jesús t'ëxmajtsy ja ja'ay ets tyëjkëy jap tëkoty. Ënät ja y'ijxpëjkpëtëjk ojts yajtëyë tii jëtu'un jyatijäämpy ko jëtu'un y'ënä'äny.

Marcos 9:28

Ok ja Jesús wyimpijty ets jyä'äjty ma tu'uk yë tëjkën, Tä ja y'ijxpëjkpëtëjk yajtëëwëtë ma ënäty jap aakyë'ë yajpaatën: ¿Tii koos ja ku'oypyë ka'ap të xymyäytyë etsës n'ixkäxtëty?

Lucas 4:23

Tääts ja Jesús y'ëtsoowëtë: Njëjp'ijxypës ko miits ya'atë ayuk xykyajpxa'antë: Tsooyëpë, näyajtso'okët kë'ëm. Ets xynyëëmëja'antës näjyëtu'un: Mëti'ipë ëëts të nmëtowtën të xytyuny jam Capernaúm, tun yaa näjyëtu'un ma mkë'ëmkajpnën.