Marcos 16:9 - Biblia Mixe de Quetzaltepec

⁹ Ko ja Jesús jyuukpyijky, sëmaan'ëjxy jopyëp; Maria Magdalena ojts y'ixyë jëyëjp, mëti'ipë ënäty tëë ja ku'oypyë niwëxtujk y'ëxmatsyën.

Biblia Dc en Mixe de Quetzaltepec

⁹ Ko ja Jesús jyuukpyijky, sëmaan'ëjxy jopyëp; Maria Magdalena ojts y'ixyë jëyëjp, mëti'ipë ënety tëë ja ku'oypyë niwëxtujk y'ëxmatsyën.

Marcos 16:9 ပူးပေါင်းရင်းမြစ်များ

Lucas 8:2

Näy tam ja to'oxytyëjk jënaakën mëti'ipë ja Jesús ënäty të yajtso'okëtën, Maria, mëti'ipë yajtijpën Magdalena, mëti'ipë ja ku'oypyë ënäty niwëxtujk të tmëët'atyën;

Juan 20:12

ënät t'ijxpaty nimäjtsk ja tsajpjotmëtë kukäjpxy, poop xoxyëty, jam y'u'unyëtë ma ja Jesús ënäty ja nyi'kx kyopk të y'ityën; tu'uk këpäjky ets tu'uk teky'ix'am.

Marcos 15:47

Ja Maria Magdalena mëët ja Maria, mëti'ipë ja José tyaak'ajtypën ojts t'ixtë ma ja Jesús ënäty të yajpëjktä'äkyën.

Lucas 24:10

Ja Maria Magdalena, Juana ets Maria, mëti'ipë Santiagë tyaak'ajtypën ets ja wiinkëtypë to'oxytyëjkëty, yë'ë ojts tmënëjkxtë ja mëtyä'äky ets tukmëmëtyaktë ja ijxpëjkpëtëjk.

Mateo 27:56

Ma tääpë ja to'oxytyëjkëtyën tam ënäty yajpaaty ja Maria Magdalena, ja Maria mëti'ipë ja Santiago ets ja José tyaak'ajtëpën ets ja tyaakëty ja Zebedeo y'u'unk y'ëna'k.

Marcos 15:40

Jam ja to'oxytyëjkëty jëkäm y'ijx'itë. Tam ënäty ja Maria Magdalena, ja Salomé ets ja Maria mëti'ipë tyaak'ajtypën ja Santiagë ets ja José.

Apocalipsis 1:10

Wintsën ënäty ja xyëëw ko ja Kënu'kxymyëkajtën ojts xynyikëtä'äkyës ets janty mëk nmëtooyës ja ayuk njëxkë'ëmës ijxtëm tu'uk yë pujxnxuxn y'ënä'änyën,

1 Corintios 16:2

Wintu'ktominkë xynyikoonpätëty ja putëjkën, jëtu'un xypyukontëty wi'ix ënäty tii xypyaatën ets xypyëjkë'ëktëty. Koos nja'tëty, ka'ap jää myukëty ja putëjkën.

Hechos 20:7

Sëmaan'ëjxy ojts nye'eymyuktës ets ja tsajpkääky yajkayä'äny ijxtëm ja Wintsën Jesús tnajtstu'unëyën. Tu'ktsu'um ojts ja Pablo yaj'ixpëky, jä'ä ko ënäty tsyoona'any komjëpom.

Marcos 16:8

Tääts pyëtsëëmtë pëyi'ikyë jap o'kpëjutjoty, mëët ja tsë'ëkë ets ja jotmay. Ets ka'ap pën t'ëwa'anëtyë jä'ä ko tsë'këtyëp ënäty.

2 Reyes 5:4

Tä ja Naamán ojts tninëjkxy ja yajkutujkpë jampë Sirië yajpaatyën ets tukmëmëtyäky wi'ix ënäty ja to'oxy'ëna'k të y'ënä'änyën.