Marcos 13:7 - Biblia Mixe de Quetzaltepec

⁷ Ko miits xymyëtoy'atëty ko tsip tyunyë ets tyuna'anyë, këtii mtsë'ëkëtëty. Kopkpëky ko jëtu'un tyunëtëty jyatëtëty. E ka'anëm ënäty tnapaaty ets naaxwiinyëtë kyëxëty.

Biblia Dc en Mixe de Quetzaltepec

⁷ Ko miits xymyëtoy'atëty ko tsip tyunyë ets tyuna'anyë, këtii mtsë'ëkëtëty. Kopkpëky ko jëtu'un tyunëtëty jyatëtëty. E ka'anëm ënety tnapaaty ets naaxwiinyëtë kyëxëty.

Marcos 13:7 ပူးပေါင်းရင်းမြစ်များ

Juan 14:27

Tyam ntukmëwë'ëmtë ja jotkujk'ajtën. Nmooytyëp miits ja jotkujk'ajtën, je'eyëp ko ka'ap yë'ëjëty jëtu'unpë mëti'ipë yajktëpën yë naaxwiinyëtë ja'ay. Këtii mmaytyëty mtajtëty ets këtii mtsë'ëkëtëty.

Hechos 17:3

Tnimëtyä'äky ko kopkpëky ko ja Kristë ënäty jëtu'un y'ëyo'onpaata'any ets jatëkok jyuukpyëka'any. Ojts y'ënä'äny: Ja Jesús mëti'ipë miits tyam ntuk'ëwa'anëtëpën, yë'ë jëtu'un ja Kristë.

Mateo 18:7

Ëxëëk tjapaaty ko yaa naaxwiiny naaxkëjxy yi'iyë jää'ajtp wi'ix ja'ay pyokytyunëtyën. Jää'ataanp yë xëmë, je'eyë ko ja ja'ay mëti'ipë ja myëku'uk yajpokytyuunpyën ëxëëk ja jyata'any kyëpäta'any.

Jeremias 51:46

Këtii mtsë'ëkëtë, këtii xymyëmay xymyëtajtë ja aaw ayuk mëti'ipë ja'ay nyimëtyaktëpën naaxjoty kajpnjoty. Winjëmëjt wiinkjatyëty yë ayuk jyëtita'any, yi'iyë tsip käjpxy ja'ay nyimëtya'akäämpy naaxjoty kajpnjoty ets wi'ix yë kutujkëntëjk tsyiptuntën.

Isaías 8:12

Këtii xypyakajpxtëty tääpë naax kajpn ko y'ëna'antëty tsojk nikäjpxytyu'unën, këtii xytsyë'ëkëty mëti'ipë yë'ëjëty tsyë'këtëpën.

Proverbios 3:25

Ka'ap mtsë'ëkëja'any oy atsë'ëk ajawë myin wyinkonëty, ets ni jää mkatsë'ëkëja'any ko ënäty ëxëëk jyatë kyëpätë ja ëxëëkja'aytyëjkëty,

Salmos 112:7

Ka'ap tsyë'ëkë ko tii aaw tii ayuk tmëtoy atsë'ëk ajawëpë; ja jyot wyinma'any mëk xëmë yajpaaty, jä'ä ko yë'ë Wintsën tyuk'ijxpejtyp.

Salmos 27:3

Oyës yë mayjyä'äy xyjyana'ëwtity, ëjts nijënu'unës yë n'aaw njot kyatsë'ëkë; oy tjatuknipëjktaakëtëty xyaj'ooka'antës, ëjts akujk jotkujkës nyajpaaty.

2 Samuel 14:14

Yë'ë tëyajtën yë'ë ko kopkpëky ko jëna'a n'o'kmëty; ëtsajtëm jëtu'un'ajtëm tä nëëjën ko nyajtstämë ka'ap tjëkyepy n'ëkyajpëtë'kënëty. Yë'ë tëy yë Wintsën ni pën yë jyuukyajtën tkapëjkë, ni'ikyë tsoky tjawë ets ja'ay jyuuky'atëty ets ja mëti'ipë ke'ekyjyëtijtpën yajwinpijtyp jatëkok ma jyëën tyëjkën.

Juan 14:1

Këtii mjotmay'ooktëty, mëpëktë ja Tios Teety ets mëpëjktëk ëjts näjyëtu'un.

Mateo 2:3

Ko ja yajkutujkpë Herodes jëtu'un tmëtooy, tääts ojts tmëmay tmëtajy, näjyëtu'un mëët ni'ëmukë ja Jerusalén ja'ayëty.

Marcos 13:6

Nimay ja ja'ay nëjkx myintë etsës xy'atuunnaxa'antë ets y'ëna'ana'antë: Ëjts yë Kristë, ets may ja ja'ay nëjkx twin'ëëntë.

Marcos 13:8

Nëjkxëp ja ja'ay xim yam tsyiptuntë, naax kajpn nyänyipëtë'ëkëtëty mëj mutsk. Minaanp ja mëj ujx xii yaa, minaanp ja yuu. Ya'atë yë'ë jëtu'un ënäty tyuktso'ontäkpy ja ëyo'on.