Marcos 10:52 - Biblia Mixe de Quetzaltepec

⁵² Ënät ja Jesús y'ënëmaayë: Nëjkxnë, tëë mtso'oky, jä'ä ko të xymyëpekyës. Jëtu'un ja ja'ay wiintspë ënätyë y'ijxpëjky ets ja Jesús tpatso'ony.

Biblia Dc en Mixe de Quetzaltepec

⁵² Ënet ja Jesús y'ënëmaayë: Nëjkxnë, tëë mtso'oky, jä'ä ko të xymyëpekyës. Jëtu'un ja ja'ay wiintspë ënätyë y'ijxpëjky ets ja Jesús tpatso'ony.

Marcos 10:52 ပူးပေါင်းရင်းမြစ်များ

Mateo 9:22

Tääts ja Jesús wya'akwinpijty ets tni''ijxwinpijty ja to'oxytyëjk ets t'ënëmaay: Nnëëxës, jotkujk yajpaat, yë mmëpëjkën yë'ë të myajtso'okyë. Ënätyë tsyoky ja to'oxytyëjk.

Lucas 7:50

Tääts ja Jesús tjaaknëmaay ja to'oxytyëjk: Jä'äkyëjxm të mnitso'oky ko mijts të xymyëpekyës, oy mnëjkxnëty akujk jotkujk.

Marcos 8:25

Tä ja Jesús jatëkok ojts wyinkumatsëty ets ja ja'ay ja wiintspë ojts oy y'ijxpëky, aak wa'ats winë t'ijxnë, jëtu'un ojts tsyo'oky akëtä'äky.

Marcos 5:34

Tä ja Jesús t'ënëmaay ja to'oxytyëjk: U'unk, paaty të mtso'oky jä'ä koos të xymyëpëky. Nëjkx akujk jotkujk ets tso'oky akëtä'äky xëmë m'itëty.

Juan 9:32

Nimaa kyayajmëtoy'äty ja'ay y'ijxë'ëky mëti'ipë tëë myëxu'unk'atyën wiints.

Mateo 15:28

Ënät ja Jesús y'ënëmaayë: To'oxytyëjk ja'ay, janty mëj ja mmëpëjkën. Wä'än jëtu'un tunyë tjatyë ijxtëm mijts xytsyokyën. Ënätyë ja to'oxytyëjk ja nyëëx tsyoky.

Hechos 26:18

Mijts yam nkejxyp ets xyaj'ijxwa'kxëty ets pyëtsëmtëty ma akoots itën ets ye'eytyëty xëënytyuuy, këtiipë yajpaatëty ma ja mëjku'u yajkutukyën, yë'ë Tios pyanëjkxtëp. Jëtu'unts ja pyoky yajnimä'kxtëty ets yajmo'otëty ja kuma'ayën mëti'ipë ijtëpën ma ja Tios ja kyajpnën jä'äkyëjxm koos xymyëpëktë.

Marcos 1:31

Tääts ja Jesús tmëwinkoony ja pa'amja'ay ets ojts twijtsë'ëky, ënätyë ja jëënpa'am nyiwatsë ets tyëjkëy kuwijts kukë'ëyëpë.

Mateo 21:14

Ënät myiintë jap tsajptëkoty ja wiintstëjk ets tekymya'atëjk ma ja Jesúsën ets ojts ja Jesús tyajtsokta'ay.

Mateo 12:22

Ojts ja Jesús tukninëjkxtë tu'uk ja ja'ay wiintspë ets uumpë, mëti'ipë myëët'ajtyp yë ku'oypyë. Ënät ja Jesús tyaj'ijxë'ky, tyajkajpxë'ky ets jëtu'un tjëpëjky ja ku'oypyë.

Juan 9:39

Tääts ja Jesús y'ënëmaayë: Yë'ëjës të niminy naaxwiinyëtë etsës ja ja'ay mëtëy nipaye'eyëty; nyaj'ijxpëka'anyës mëti'ipë wiintsën ets nyajwiintsëja'anyës mëti'ipë ijxtëpën.

Mateo 11:5

Tukmëmëtya'aktë ko ja ja'ay wiintspë y'ixë'ëktë, ko ja pajk ma'atpë ye'eytyë, ko ja pu'uts mëëtpë tsyo'oktë, ja natpë tëë myëtoowpëktë, ja o'kpë tëë jyuukpyëktë ets ko ja ëyoopëja'ay ja oy aaw oy ayuk yajtuk'ëwaanëtë.

Isaías 35:5

Ënät nëjkx y'ijxë'ëktë ja wiintstëjkëty ets myëtoowë'ëktë ja ja'ay mëti'ipë natëtyën

Salmos 146:8

Yë Wintsën yaj'ijxë'kpy yë ja'ay mëti'ipë wiintsën, yajjotkujktäkpy yë ja'ay mëti'ipë ëyo'ontum yajpatpën; tsyojkpy jya'ap näjyëtu'un yë ja'ay mëti'ipë oy yajxon juuky'ajtëpën.

Salmos 33:9

Ko ojts kyäjpxy, ënät ojts winë kyojy; ko ojts winë tni'ënä'ämë, ënät ojts winë wyi'imy ta'tspëky.

Lucas 9:48

ets y'ënëmaayëtë: Pën ya'atë pi'k ëna'k kyupëjkpy ëjtskyëjxm, nän ëjts ënäty xykyupëjkp ets pën xykyupëjkpës, yë'ë näjyëtu'un kyupëjkpy mëti'ipës xykyäjxpën. Pën mutsk näpyëjktakëp ma miitsëtyën, yë'ë mëj najxp.

Mateo 8:3

Tääts ja Jesús ojts tony ets t'ënëmaay: Ntsojkpyës ets mtso'okëty ets mwa'atsëty. Tso'ok ets wë'ëm wa'ats. Je'eyë ja Jesús jëtu'un y'ënäny ets ja ja'ay ja pyu'uts ënätyë tsyokaay ets wyatstaay ja nyini'kx.