Lucas 9:45 - Biblia Mixe de Quetzaltepec

⁴⁵ Ja y'ijxpëjkpëtëjk ka'ap tja'akyujkëtyë ko jëtu'un y'ënä'äny, jä'ä ko ka'ap ënäty ja wijyajtën yajmo'otënëm ets tja'akyukëtëty; tsë'këtëp näjyëtu'un paaty ka'ap ja Jesús tyajtëëwtë tii jyatijäämpyën.

Biblia Dc en Mixe de Quetzaltepec

⁴⁵ Ja y'ijxpëjkpëtëjk ka'ap tja'akyujkëtyë ko jëtu'un y'ënä'äny, jä'ä ko ka'ap ënety ja wijyajtën yajmo'otënëm ets tja'akyukëtëty; tsë'këtëp näjyëtu'un paaty ka'ap ja Jesús tyajtëëwtë tii jyatijäämpyën.

Lucas 9:45 ပူးပေါင်းရင်းမြစ်များ

Lucas 18:34

Tios të tyajkutuky ets ka'ap ja y'ijxpëjkpëtëjk tja'akyukëtëty tii ja Jesús tukmëmëtyakëtëp ets ka'ap tnijawëtëty tii ja Jesús jyatijpy.

Juan 12:16

Më''ëka'any, kä'äp ojts ja y'ijxpëjkpëtëjk tja'akyyukëtë; oknëm tja'akyyukëtë ko ja Jesús yajmëjja'aw yajjaantyjya'awëy, jäänëm ojts tja'amyätstë wi'ix ja Jesús ënäty të jyäty të kyëpetyën, näjyëtu'un wi'ix ja Tios ja y'aaw y'ayuk ënäty y'ënä'änyën.

Lucas 2:50

Ja tyaak tyeety kä'äp twinja'awëtyë tii ko jëtu'un y'ënä'äny ja Jesús.

Marcos 9:32

Ka'ap ja y'ijxpëjkpëtëjk tja'akyujkëtyë ko jëtu'un yaj'ënëëmëtë ets tsë'këtëp ko tyajtëwtëty.

Juan 14:5

Ënät ja Tomás t'ënëmaay ja Jesús: Wintsën, ka'apës nijawëtë maa mijts mnëjkxy, ¿Wi'ixës nnijawëty ja tu'u?

Juan 12:34

Ënät ja ja'ay y'ënantë: Mëët ja ënä'ämën ëëts nijawëtë ko ja Kristë jyuuky'ata'any xëmëkyëjxm. ¿E wi'ix ko mijts m'ëna'any ko pyëtë'ëka'any ja naaxwiinyëtë ja'ay ja y'U'unk? ¿Pën mtijpy, ja naaxwiinyëtë ja'ay ja y'U'unk?

Marcos 9:10

Paaty ja y'ijxpëjkpëtëjk kyuyu'tsëtë, je'eyë aak ayi'iyë nyäyajtëëwëtë tii jëtu'un jyatijäämpy ko jyuukpyëka'any jatëkok.

Mateo 16:22

Ënät ja Pedro ëpëky wyoownëjkxë ets y'ojyë tä y'ënëmaayë: Ka'ap mëpaat yë Tios jëtu'un tyajkutuky Wintsën, ka'ap mëpaat jëtu'un mjaty.

Lucas 9:46

Tääts nyäyajtëwëtë nixim niyam ma yë'ëjëtyën, pën ni'ik mëj'äämpy.

Mateo 17:22

Tam ënäty të ye'eymyuktë ja Jesús mëët ja y'ijxpëjkpëtëjk Galilea y'itjotm, ko ja Jesús y'ënëmaayëtë: Yajkë'ëyakaanp yë naaxwiinyëtë ja'ay yë y'U'unk ma mayjyä'äyën,

Juan 4:33

Tääts ja y'ijxpëjkpëtëjk nyäyajtëëwëtë nixim niyam: ¿Wä'än jëtää pën kääky uuky të myo'oyë?