Lucas 9:29 - Biblia Mixe de Quetzaltepec

²⁹ Ko ja Jesús ënäty ja Tios jam tmëkäjpxy, tääts ja wyiin jyëjp tyëkajtsy ets janty ajajp atë'kxp ja wyit yaj'ixy.

Biblia Dc en Mixe de Quetzaltepec

²⁹ Ko ja Jesús ënety ja Dios jam tmëkäjpxy, tääts ja wyiin jyëjp tyëkajtsy ets janty ajajp atë'kxp ja wyit yaj'ixy.

Lucas 9:29 ပူးပေါင်းရင်းမြစ်များ

Mateo 17:2

Ma ënäty jam jëtu'un yajpaatën ënät ojts ja Jesús tyëkatsy. Ajajp atë'kxp ja wyiin jyëjp ijxtëm ja xëëw y'änyën ets ja wyit ojts pyoopë ijxtëm ja ajajkën.

Apocalipsis 20:11

Ënät n'ijxyës tu'uk mëti'ipë u'unyääpyën ma ja poop kutujktaknën. Winëjaty tyimtëkooytyääy yë'ë wyintum wyinkujkm: ja tsajp ets ja naax, nimaa tii kya'ëkyaj'ijxnë.

Isaías 53:2

Wintsën kë'ëm të t'a'ixë ets tyuunpë yääkëty pyätëty tä aay ujtsën wintë'ëtstuuypyë. Ka'ap ijty oy yaj'ixy ets ka'ap ijty nijënu'un ja wyiin jyëjp tyäky, ja jyot nyini'kx aak tëkatsy ets aak ma'at ijty;

Isaías 33:17

Nëjkxëp jatëkok ja yajkutujkpë ja myëj'ajtën xy'ijxë; ja naax tsëpa'an jëkämpaat nëjkx nyäxy.

Hechos 6:15

Tam ënäty jëtu'un y'ëna'antë, ko ja yajjuntë'ajtpë t'ijxtë ko ja Esteban ja wyiin jyëjp tyë'kxpëky ijxtëm ja Tios kukäjpxy.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Tios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Marcos 16:12

Ko jëtu'un y'ëknajxy, ënät ja Jesús wiink nyänyikëxë'kë ma ënäty nimäjtsk ja ja'ay tyu'uye'eytyën, kyamjotm nyëjkxtë.

Lucas 3:21

Jëtu'un ojts tyunyë jyätyë, ko ja Juan ënäty jam ja mayjyä'äy tyajnëëpety, ënät ja Jesús näjyëtu'un nyëëpejty; ko ja Tios tja'amyejtsy ënät ja tsajp y'ëwatsy,

Lucas 5:16

Kanaak'ok ja Jesús tnikeky ja mayjyä'äy ets ojts nyijkx jam apak itum, jamts ja Tios tja'amyejtsy.

Lucas 6:12

Jää po'o ja Jesús ojts nyijkx Tios mëkajpxpë kopkëjxm, tu'ktsu'um ja Tios ojts tja'amyetsy.

Lucas 9:18

Jam ënäty tëkok ja Jesús ja Tios tja'amyetsy nätyu'uk, ënät ja y'ijxpëjkpëtëjk tyajtëëy: ¿Wi'ix yë ja'ay y'ëna'antë, pën ëjts?

Lucas 9:30

Ënät jam nimäjtsk ja ja'ay kyëxë'ktë mëti'ipë mëët myëtya'aktën ja Jesús. Jä'ä ja Moisés ets ja Elías,