Lucas 9:26 - Biblia Mixe de Quetzaltepec

²⁶ Pën xytyuktsëtyuumpës ets n'aaw n'ayukës tuktsëtyuunë; näjyëtu'un tyuktsëtyuna'anyë ja naaxwiinyëtë ja'ay ja y'U'unk, ko ënäty myiny mëët ja Tios Teety ets ja wa'ats anklëstëjk ja myëj'ajt y'oyajtën.

Biblia Dc en Mixe de Quetzaltepec

²⁶ Pën xytyuktsëtyuumpës ets n'aaw n'ayukës tuktsëtyuunë; näjyëtu'un tyuktsëtyuna'anyë ja naaxwiinyëtë ja'ay ja y'U'unk, ko ënety myiny mëët ja Dios Teety ets ja wa'ats anklëstëjk ja myëj'ajt y'oyajtën.

Lucas 9:26 ပူးပေါင်းရင်းမြစ်များ

Isaías 53:3

Jëkäm jëxkë'ëm ja'ay pyëjktakë ets ka'ap pën tsyojkë, myëënajx yajnajx ja pëjkën ijxën, ojts y'ëyoy jyotëkoy; jëtu'un kyëxë'ky ni'ikyë yowë ojts një'ijxëmë ko ojts xyjyawintë'kxa'anëmë, ka'ap ja'ay nijënu'un tyim'ijxpatë, ets ka'ap ojts yajtsoky yajjawë.

Daniel 7:10

ets jam wyintum mëjnëëjën jam yaj'ixy tsyoony ja jëën. Mil'am jam yaj'ixy ja tuunpëtëjk ets millonk'am nyatänëty. Ja mëti'ipë ja aaw ayuk yäjkpyën ënät ojts kyajpxtsoony ets ojts yajkëëywyä'kxy ja noky.

Mateo 16:27

Jä'ä ko minaanp yë naaxwiinyëtë ja'ay Y'u'unk mëët ja tyeety ja myëj'ajt y'oyajtën ets ja y'anklëstëjk ets tmo'oja'any nitu'ukjaty pën wi'ixëty pën të jyuuky'ätyën.

Mateo 25:31

Ko myinëty ja naaxwiinyëtë ja'ay ja y'U'unk mëët ja të'kxën jajën ets ja y'anklëstëjk ni'ëmukë, ënät nyaaxwäätsa'any ma ja kyutujktaknën mëti'ipë myëët'ajtypyën ja mëj'ajt oyajtën.

Mateo 26:64

Ënät ja Jesús y'ëtsooy: Tëy jëtu'un ijxtëm mijts m'ëna'anyën. Tyam miits n'ënëëmëtë ko tyam xy'ixa'antë ja naaxwiinyëtë ja'ay ja y'U'unk jam y'u'unyë maatsow ja Tios y'a'oykyë'ëjën, jam jatëkok myina'any yootsjotm, tsajpwinm.

Marcos 8:38

Pën xytyuktsëtyuumpës ets pën ja n'aaw n'ayukës tyuktsëtyuumpy ma ya'atë pokyjyä'äyëtyën, näjyëtu'unës nëjkx ntuktsëtyuny koos jatëkok nminëty mëët ja nTeetyës ja myëj'ajt y'oyajtën ets ja y'anklëstëjk wa'atspë.

Juan 12:43

Yë'ë ni'ik myëjpëjktaktë ja naaxwiinyëtë ja'ay ja myëj'ajt y'oyajtën këtiinëm ja Tios ja myëj'ajt y'oyajtën.

Juan 5:44

¿Wi'ixës miits xymyëpëktëty pën mëj këjxm mnäyajnaxëtë nixim niyam ets ka'ap xy'ixta'atë ja mëj'ajt jaanty'ajtën mëti'ipë Tios yäjkpyën?

Hechos 10:22

Tää ja kukäjpxy y'ëtsoowtë: Ja tsiptuunpë wintsën Cornelio, yë'ëjës xykyäjxtëp. Oy ets mëtëy jyuuky'äty ets wyintsë'këp ja Tios, oyjya'awëyëp ets tsojkëtëp ja jutiis ja'ayëty. Tu'uk ja Tios ja y'anklës të nyë'ëmxëty ets mijts myajwowëty ets nja'amëty ma ja Cornelio ja tyëjkën ets xytyuk'ëwaanëty mëti'ipë mkajpxäämpyën.

Romanos 1:16

Ka'apës ntuktsëtyuny ja oy aaw oy ayuk, jä'ä ko ja Tios ja myëk'ajtën ets tpaatëty ja nyitsokën ni'ëmukë ja ja'ayëty mëti'ipë mëpëjktëpën, jëyëjp yë jutiis ja'ayëty ets näjyëtu'un ja ka'apë jyutiisëty.

2 Corintios 12:10

Ets jotkujkës näjyawëty koos n'ëyoy, koos nyajwinkäjpxy nyajjëjpkäjpxy, koos nyaj'ixjëtity nyajpajëtity ets koos ëxëëk ja Kristë nkujatë. Koos npëkyë n'ixyë jääjës näjyawëty nmëktä'äky.

Gálatas 6:14

Ëjts ka'apës tii nätyukumayë, yi'iyës nmëjpëjktäkpy ko ja Wintsën Jesús të xykyu'ookës kruutskëjxm ets jä'äkyëjxm ko të xykyu'ookës kruutskëjxm ets ko të nmëpekyës, jëtu'un tpaaty ijxtëmës jeexyë të nkruutspety mëët ja naaxwiinyëtë juukyajtën.

1 Timoteo 5:21

Y'ijxyp myëtoopy ja Tios Teety ets ja Jesukristë ja tsajpjotmëtë kukäjpxy winwityëtsypë, ko ya'atë yam ntuknipëky ets xykyuuytyunëty. Tu'knax mpaye'eyëty, ka'ap wyin'ixy wyinkexyëty.

2 Timoteo 1:12

Paatyës tyam nku'ëyowë ya'atë. Je'eyëp ko ka'apës ntuktsëtyuny, jä'ä ko nnija'apës koos yë'ë ntuk'ijxpety; ets nnija'apës ko yë'ë myëët'ajtyp ja mëk'ajtën es tpëjkë'ëkëty ja kuma'ayën jekpyaat mëti'ipës të xytyukwinwanën.

2 Timoteo 2:12

Pën nku'ëyo'owëm, näjyëtu'un mëët nyajkutuka'anëm. Pën nkuyu'tsëm, näjyëtu'un yë'ë xykyuyu'tsa'anëm.

Hebreos 11:26

Paaty tyimwinmaay nikë oy ko ja Yajnitsokpë tku'ëyowëty ets këtii ko tukjotkujk'atëty ja mëj'ajtën jaanty'ajtën mëti'ipë japën Egiptë, jä'ä ko ja wyinma'any ojts tpëjktä'äky ma ja kuma'ayënën mëti'ipë ja Tios yakäämpyën.

Hebreos 13:13

Tsojk mpanëjkxëm ja Jesús kajpnpë'am, tsojk n'ëyo'owëm ijxtëm ja Jesús y'ëyooyën.

Judas 1:14

Näyjyëtu'un yë Henoc, ja mëwëxtujkpë y'ijtyën jëwyiin yë Adán, ojts kyäjpxy ets nimëtyäky ya'atë ja'ay: Tëës n'ixy ja Wintsën, mëët mil'am ja y'anklëstëjk,

Apocalipsis 1:7

Nijawëtë. Ko yë Kristë jam myina'any yootsjotm. Ni'ëmukë ja ja'ay t'ixa'antë, yë'ëpaat mëti'ipë ojts tyajkruutspätën. Jë'ëjan ya'axantëp ja naaxwiinyëtë ja'ayëty ko ënäty t'ixtë. Tëy jëtu'un, jëtu'un y'itëty.

Apocalipsis 20:11

Ënät n'ijxyës tu'uk mëti'ipë u'unyääpyën ma ja poop kutujktaknën. Winëjaty tyimtëkooytyääy yë'ë wyintum wyinkujkm: ja tsajp ets ja naax, nimaa tii kya'ëkyaj'ijxnë.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Apocalipsis 3:5

Pën mëtaktëp, näjyëtu'un poop witxë y'ita'antë ets ka'apës ja xyëëw nyajtëkoyanëtë jap nokyjoty mëti'ipë ja juukyajtën myë'ijtypyën, ni'ikyës nkajpxkëxë'ëka'antë maajës yë nTeetyën ets ma ja anklëstëjkëtyën.