Lucas 9:19 - Biblia Mixe de Quetzaltepec

¹⁹ Tääts y'ëtsoowtë: Tam mëti'ipë ënantëpën ko mijts Juan Yajnëëpäjtpë; wiinkpë y'ëna'antë ko mijts m'Eliësëty, nän tam mëti'ipë ënantëpën ko mijts Tios kyäjpxynyajxpë të jyuukpyiky mëti'ipë tëëyëp juukyajtpën.

Biblia Dc en Mixe de Quetzaltepec

¹⁹ Tääts y'ëtsoowtë: Tam mëti'ipë ënantëpën ko mijts Juan Yajnëëpäjtpë; wiinkpë y'ëna'antë ko mijts m'Eliësëty, nän tam mëti'ipë ënantëpën ko mijts Dios kyäjpxynyajxpë të jyuukpyiky mëti'ipë tëëyëp juukyajtpën.

Lucas 9:19 ပူးပေါင်းရင်းမြစ်များ

Juan 1:21

Tääts tjaakyajtëëwtë: ¿Mpënxën mijts? ¿Tios kyäjpxynyajxpë Elías? Ets ja Juan y'ënäny: Ka'ap y'ëjtsëty. Ets tjaaknëmaaytyë: ¿Yë'ë mijts ja Tios kyäjpxynyajxpë mëti'ipë minaanpën? Ets ja Juan y'ëtsooy: Ka'ap y'ëjtsëty.

Marcos 6:15

Tam ja wiinkëtypë mëti'ipë ënantëpën: Elías yë'ë, Tios kyäjpxynyajxpë. Ets mëti'ipë ënantëpën: Tios yë kyäjpxynyajxpë ijxtëm tëëyëp myiintën.

Mateo 14:2

ets t'ënëmaay ja tyuunpëtëjk: Yë'ë ja Juan Yajnëëpäjtpë të jyuukpyiky, paaty tuny winë mëët yë mëj'ajtën.

Malaquías 4:5

Ëk'ixtë: Ëjts yë'ëjës yam nkäxäämpy yë Elías yajkutujkpë, ma ka'anëm tpaatyën ja xëëw po'o ma ëyo'on jotmay y'ita'anyën.

Juan 9:17

Ënät ojts jatëkok tyajtëëwkojnëtëpë mëti'ipë ënäty wiints të yajpaatyën: E mijts, ¿wi'ix m'ëna'any, pën yë'ë mëti'ipë të myaj'ijxë'ëkyën? Ets ja ye'etyëjk y'ënäny: Jëtu'unës n'ëna'any ko Tios yë kyäjpxynyajxpë.

Juan 7:40

Jam may mayjyä'äyjyotm y'ënantë ko jëtu'un tmëtoowtë: Tëy ko ya'atë yë'ëjëty yë Tios yë kyäjpxynyajxpë.

Juan 1:25

Yë'ë ojts tyajtëwtë: Pën ka'ap mijts mKristëty ets ka'ap mijts mElíasëty ets ka'ap myijtsëty Tios kyäjpxynyajxpë, ¿tiixë ko myajnëëpety?

Mateo 3:1

Komjeky ja Juan Yajnëëpäjtpë ojts yajnijawë'aty jam yajpaaty të'ëts'itjotm ma Judea y'itjotmën,

Marcos 6:14

Tääts ja yajkutujkpë Herodes tmëtoopaty ko ja Jesús ni'ik yajnikäjpxy yajnimëtyä'äky ets ja myëj'ajtën tëë ënäty ja naax kajpn tnija'awëtya'atë. Tam mëti'ipë ënaanpën: Jä'ä ja Juan Yajnëëpäjtpë të jyuukpyiky, paaty tmëëtëty ja mëk'ajtën ets tyaj'ixëtëty ja mëj'ajtën.

Lucas 9:18

Jam ënäty tëkok ja Jesús ja Tios tja'amyetsy nätyu'uk, ënät ja y'ijxpëjkpëtëjk tyajtëëy: ¿Wi'ix yë ja'ay y'ëna'antë, pën ëjts?

Lucas 9:20

Ets tjaakyajtëëy: E miitsëty, ¿wi'ix m'ëna'antë, pën ëjts? Ënät ja Pedro y'ëtsooy: Mkristë mijts, Tios U'unk.