Lucas 8:41 - Biblia Mixe de Quetzaltepec

⁴¹ Tääts tu'uk ja ye'etyëjk jyä'äjty mëti'ipë xyëëwajtypyën Jairo, wintsën'ajtp jam tsajptëkotm. Ënät naaxkëjxy nyäkyoxtënaaytyakë Jesús wyintuuy ets tmënu'kxtäky ets mëët nyëjkxëty ma tyëjkën.

Biblia Dc en Mixe de Quetzaltepec

⁴¹ Tääts tu'uk ja ye'etyëjk jyä'äjty mëti'ipë xyëëwajtypyën Jairo, wintsën'ajtp jam tsajptëkotm. Ënet naaxkëjxy nyäkyoxtënaaytyakë Jesús wyintuuy ets tmënu'kxtäky ets mëët nyëjkxëty ma tyëjkën.

Lucas 8:41 ပူးပေါင်းရင်းမြစ်များ

Lucas 13:14

E ja tsajptëjk wintsën ojts tukjoot'anpëky ja Jesús ko ja to'oxytyëjk ojts tyajtso'oky po'kxënxëëwjoty paaty ja ja'ay t'ënëmaay: Tëtujkxëëw nyikutukyëty ets ja'ay tyuntëty. Pën mtso'okantëp, mintë oyjyëna'ajëty ets ka'ap pyo'kxën xëëwjotyëty.

Lucas 17:16

Tääts naaxkëjxy nyäkyoxtënaaytyakë Jesús wyintum. Ya'atë ja'ay jä'ä mëti'ipë Samaria tso'onpën.

Lucas 5:8

Ko ja Simón Pedro jëtu'un t'ijxy, ënät ojts nyäkyoxtënaaytyä'äkyë ma ja Jesús ets t'ënëmaay: Wintsën, winwa'ktutkës, ëjts pokyjyä'äyës.

Lucas 8:42

Ookanëp ënäty ja nyëëx, tu'kpajkpë t'u'unk'atyën, majkmäjtsk ënäty ja jyëmëjt. Ko ja Jesús ojts nyijkx, may ja ja'ay pyanëjkxë.

Lucas 8:49

Tam ënäty ja Jesús jëtu'un y'ënä'änyëm ko jyä'äjty tu'uk ja ja'ay mëti'ipë tso'onpën ma ja Jairo tyëjkën, ënät t'ënëmaay ja tsajptëjk wintsën: Tëë ja mnëëx y'o'knë, këtii nëkoo xyajjotkëxy yë Wintsën.

Juan 11:21

Tääts ja Marta t'ënëmaay ja Jesús: Wintsën, ko jeexyë yaa të myajpaaty, ka'ap jeexyë yë n'ayës të y'ooky.

Hechos 13:15

Ko tkajpxtaaytyë ja Moisés ets ja käjpxnyajxpëtë ja y'ënä'ämën, ënät ja tsajptëkotyëtë wintsënëty t'ënëmaaytyë ja Pablo ets ja Bernabé: Mëku'uktëjkëty, pën jam tii xynyikajpxa'antë, oy tyam yë ja'ay xytyuk'ëwaanëtëty.

Hechos 18:17

Ënät tmajtstë ja Sóstenes, ja tsajptëjk wintsën, ets twojptë tka'tstë. E ja Galión ka'ap wi'ix y'ënäny.

Hechos 18:8

Jamts ënäty ja Crispo, mëti'ipë ja tsajptëjk nyiwintsën'ajtypyën. Ojts mëët ja y'u'unk tyo'oxytyëjk myëpëky ma ja Wintsënën. Näyjyëtu'un ja Corinto ja'ayëty nimay myëpëjktë ma Tiosën ets nyëëpäjtë.

Hechos 9:38

Winkon ja Lida kajpn ënäty wyi'im. Ko ja mëpëjkpëtëjk tnija'awëtyë ko ja Pedro jam Lida, ënät nimäjtsk ja kukäjpxy tkäjxtë ets ja Pedro tuk'ëwa'anëtyë ets myinëty jotëkoy ma ja Dorcas të y'ookyën.

Apocalipsis 5:8

Ko t'ëxajëy, ënät ja nimajktaxkpë ja juuky'ajtpë ets ja i'px taxkpë ja mëjja'aytyëjk nyäkyoxtënaaytyakëtë jam wyintum ma ja mëti'ipë yajtijpën Kupixynyën U'unk. Ja mëjja'aytyëjk, këëkjä'ä tmëët'atë ja kow, ets näjyëtu'un tmëët'atë ja poom ato'oyën aak pu'ts pujxnpë. Jä'ä jëtu'un nyiwijy ja Tios ja'amyäjtsën mëti'ipë tyuuntëpën ja mëpëjkpëtëjk.