Lucas 8:37 - Biblia Mixe de Quetzaltepec

³⁷ Jä'äkyëjxm ja Gerasa ja'ayëty ni'ëmukë tmëpëjktsoowtë ja Jesús ets jam tsyoonëty, tsë'këtëp ja ni'ik. Ënät ja Jesús kepy nëëwinye'epyëjoty tyëjkëy ets tsyo'ony.

Biblia Dc en Mixe de Quetzaltepec

³⁷ Jä'äkyëjxm ja Gerasa ja'ayëty ni'ëmukë tmëpëjktsoowtë ja Jesús ets jam tsyoonëty, tsë'këtëp ja ni'ik. Ënet ja Jesús kepy nëëwinye'epyëjoty tyëjkëy ets tsyo'ony.

Lucas 8:37 ပူးပေါင်းရင်းမြစ်များ

Hechos 16:39

Tä ja kutuunk ojts nyëjkxtë ma ja Pablo ets ja Silas jamëtyën ets yajpëtsëëmëtë je'eyëp ko jëyëjp ja mä'kxën tpëjktsoowtë ma ja Pablo ets ja Silas: Tuntë mëyajtën, pëtsëmtë yaa kajpnjoty.

Lucas 10:16

Ënät ja Jesús t'ënëmaay ja y'ijxpëjkpëtëjk: Pën myëtoow'ijtëp mëti'ipë miits mnimëtyaktëpën, nän ëjts ënäty xymyëtoow'ijtëp; pën kyamëtoow'ijtyp mëti'ipë ënäty miits mnimëtyaktëpën, nän ëjts ënäty xykyamëtoow'ijtp; pën xykyakupëjkpës, näjyëtu'un ja nteetyës ka'ap tkupëky mëti'ipës të xykyexyën.

Lucas 9:56

Tääts tsyo'ontë ets ojts nyëjkxtë ëpëkykyajpn.

Lucas 9:5

Pën ka'ap mkupëkëtë, pëtsëmtë jam kajpnjotm ets ja pu'uxm xywyinxitëty mtekykyëjxm jëtu'un xytyuk'ixtëty ko pokymyëët wyë'ëmtë.

Lucas 8:28

Ko t'ijxpaty ja Jesús ets twinkoxtënaay, tääts y'ënäny ayaxp ajojkp: Jesús, Tios ni'ik këjxmëpë y'u'unk, ¿tii mtsojkpy mëët ëjts? Tun ja mëyajtën, këtiis xyajjotkëxy.

Lucas 5:8

Ko ja Simón Pedro jëtu'un t'ijxy, ënät ojts nyäkyoxtënaaytyä'äkyë ma ja Jesús ets t'ënëmaay: Wintsën, winwa'ktutkës, ëjts pokyjyä'äyës.

Marcos 5:17

Ënät ja Jesús tmëpëjktsoowtë ets jam tsyoonëty ma nyaaxjotëtyën.

Mateo 8:34

Tääts ja ja'ay jam ni'ëmukë tsyo'ontaaytyë kajpnjotm ets ojts nyëjkxtë ma ja Jesúsën ets ko jëtu'un t'ijxtë, ënät ja Jesús tmëpëjktsoowtë ets pyëtsëmëty jam y'itjotmëty.

1 Reyes 17:18

Ënät ja ku'ookytyo'oxy t'ënëmaay ja Elías: ¿Tii tsipës ëjts mëët mijts nmëët'ajtyp, mijts mëti'ipë Wintsën myëtuumpyën? ¿Ëkë je'eyës mijts nëkoo ja nnëë npoky xypyaye'eyanë etsës ja n'u'unk nmaay y'ookëty tyëkoytyë?

1 Samuel 6:20

Paaty y'ënantë ja Bet-semes ja'ayëty: Pën jëtää jampaat jeky y'ëk'ity juuky Tios wintum mëti'ipë wa'atsën? ¿Pën jëtää jam ëxëëk winë y'ëktuunpy ko yaa tsyoonëty ma ëëtsajtëmën?

Deuteronomio 5:25

E ka'ap yowë y'oy'atëty ko ya'atë jëën yë'ë ntimnyätyukyaj'o'këmëty. Ko ënät njaaktimmyëto'owmëty ja Wintsën ja kyäjpxy myëtyä'äky jëën'akujky tsojk n'o'kmëty.

Lucas 8:36

Ets ja ja'ay mëti'ipë ënäty të t'ixtën, yë'ë nyimëtyaktë wi'ix ënäty ja ja'ay ja ku'oypyë të y'ëxmatsyën.

Lucas 8:38

Ja ja'ay mëti'ipë ënäty ja ku'oypyë të y'ëxmatsyën, ojts mëk'äämpy tmënu'kxtä'äky ja Jesús ets mëët nyëjkxëty kepy nëëwinye'epyëjoty. E ja Jesús jëtu'un y'ënëmaayë ets wyë'ëmëty::