Lucas 8:23 - Biblia Mixe de Quetzaltepec

²³ Jam ënäty mejy itkujkm nyëjkxtë ko ja Jesús myaanajxy ets ja mëkpoj myiiny ets ja nëë jap kepy nëëwinye'epyëjoty kyujä'tsëy, mëpaatëp kyiinëtë.

Biblia Dc en Mixe de Quetzaltepec

²³ Jam ënety mejy itkujkm nyëjkxtë ko ja Jesús myaanajxy ets ja mëkpoj myiiny ets ja nëë jap kepy nëëwinye'epyëjoty kyujä'tsëy, mëpaatëp kyiinëtë.

Lucas 8:23 ပူးပေါင်းရင်းမြစ်များ

Salmos 148:8

Xëëw'an, tëtsn tuu, tip ets yoots. Tuupoj mëti'ipë pyatuumpyën ijxtëm të yatuk'ëne'emyën.

Salmos 44:23

¿Wi'ix ko mma'ay Wintsën? Ëkwij, këtii mmaanaxy. Këtiis xëmë xyjyä'äytyëkoytyë.

Isaías 54:11

Mijts naax kajpn ka'apë mjotkujk'atyën, ma ëxëëk mjaty mkëpetyën mëët ja mëktuupoj, ma ka'ap pën mniminyën ets jeexyë myajjotkujk'atyë. Ëjts n'oytyunäämpy yë mtëjk, yë'ëjës ntuk'ëjx'atäämpy yë juuntsaa; ets tsuxktsaajës ntukpojtsë'ëkäämpy;

Lucas 5:1

Jam ënäty ja Jesús tëkok yajpaaty ma tu'uk ja nëë'akëyë nëëpa'ajën Genesaret xyëëwajtyp. Jamts ja mayjyä'äy myiintë mëpaatëp ja Jesús t'atijmujknëtë ko tmëtoow'ita'antë ja Tios ja y'aaw y'ayuk.

Lucas 8:22

Tëkok ja Jesús ja y'ijxpëjkpëtëjk t'ënëmaay: Oy nja'amëty jamtsow mejypyë'am. Ënät tyëjkëtyë kepy nëëwinye'epyëjoty ets ojts nyëjkxtë.

Hechos 27:2

Täätsës ntuktëjkëtyë ja kepy nëëwinye'epyë jam Adramitio mëti'ipë ënäty nëjkxaanpën Asia y'itjotm ma ja kajpn ja mejypyë'ampën. Tam ënäty ja Aristarco mëët ëëtsëty yajpaaty, Tesalónica kyukajpnëty, Macedonia y'itjotm.

1 Corintios 15:30

¿E tii ko ëëtsajtëm xëmë janaam jatsojk atsë'ëkëtuuy n'ijtëmë?

Hebreos 4:15

Jä'ä ko ja nteety wintsën'ajtëmë, xypya'ëyo'owëm yë'ë ets nyija'awëp wi'ix nkamëtakëmën, jä'ä ko näjyëtu'un të yajpëjktä'äky wi'ix jeexyë pyokytyunyën, jëtu'un ijxtëm ëëtsajtëm nyaj'ijxmajtsëmën.