Lucas 7:29 - Biblia Mixe de Quetzaltepec

²⁹ Ko ja mayjyä'äy ets ja yajkukëpäjtpëtëjk jëtu'un tmëtoowtë ja Jesús y'ënä'äny, ënät ojts tkupëktë ko Tios ja jyä'ä ko y'oyëty jä'ä ko tëë ënäty ja Juan yajnëëpätëtë.

Biblia Dc en Mixe de Quetzaltepec

²⁹ Ko ja mayjyä'äy ets ja yajkukëpäjtpëtëjk jëtu'un tmëtoowtë ja Jesús y'ënä'äny, ënät ojts tkupëktë ko Dios ja jyä'ä ko y'oyëty jä'ä ko tëë ënety ja Juan yajnëëpätëtë.

Lucas 7:29 ပူးပေါင်းရင်းမြစ်များ

Lucas 3:12

Tääts näjyëtu'un myiintë ja yajkukëpäjtpëtëjk nëëpäjtpë ets y'ënantë: ¿Wintsën, ¿tiijës ntuntëp?

Lucas 7:35

Oy jyajëtu'unëty, ja wijyajtën kejyajtën mëti'ipë Tios yäjkpyën, jam ja nyikëxë'ëky ma ja ja'ayën mëti'ipë myëët'ajtypyën.

Apocalipsis 16:5

Ënät nmëtooyës ko y'ënä'äny ja tsajpjotmëtë kukäjpxy mëti'ipë kyëwent'ajtypyën ja nëë: Tios, mijts m'ijtp ets mijts m'itaanp, mëtëy winë xynyipaye'ey. Jëtu'un mijts të mtëytyuny ets të mpaye'ey ijxtëm pyaat'atyën.

Apocalipsis 15:3

Ets t'ëwtë ja ëy mëti'ipë ja Moisés y'ëëwën ets näjyëtu'un ja nyi'ëy ja Kupixynyën U'unk. Jëtu'un y'ëwtë: Wintsën Mëti'ipë Maaytyääyëpën Winë, mëj këjää mijts winë të xytyuny, tëy ets mëtëy mijts ja mnë'ë mtu'u, mijts myajkutujkp ma ni'ëmukë ja naaxwiinyëtë ja'ayën.

Romanos 10:3

Jä'ä ko ka'ap tja'akyyukëtë ko Tios yë'ë ja'ay yajnajxyp wa'ats, e yë'ëjëty kë'ëm tyäty nyäyajnaxa'anëtë wa'ats, ets jëtu'un ka'ap ja Tios tmëmëtowa'antë.

Hechos 19:3

Tääts ja Pablo tyajtëëwkojnëpë: Pën jëtu'un, ¿wi'ixën mnëëpätë? Tääts y'ëtsoowtë: Jëtu'unës ojts nnëëpätës ijxtëm ja Juan Yajnëëpäjtpë ja ja'ay tyajnëëpejtyën.

Hechos 18:25

Tëë ënäty tni''ijxpëkë ja Wintsën ja nyë'ë tyu'u, ëmuumtu'ukjot tnimëtyä'äky ja Jesús. E oy jyajëtu'unëty, yi'iyë nyija'ap mëti'ipë ja Juan Yajnëëpäjtpë ja ja'ay tyuk'ijxpëjkën.

Salmos 51:4

Mijts të nmëtëkoy, koos të ntuny ja ëxëëkpë mëti'ipë ka'ap xy'oy'ixyën. Paatykyëjxm ja mtëytyu'unën xypyaat'ajtpës; e ëjts ka'apës mëpaat njëjpmëwa'akë mëti'ipë mijts mtëy'ajtën'ajtypyën.

Jueces 1:7

Tääts y'ënäny: Ëjts tëkë'px majkës ojts näjyëtu'un yë kyë'ëkaa tyekykyaa njëjptsujkë yë yajkutujkpëtëjkëty. Ets yë'ëjës ojts ntukjë'kxtë mëti'ipës nkaaypyäjnpa'tkë'p ka'apën. E tyam näjyëtu'unës yë Tios të xytyuny tääjës yë'ë ntuuntën. Tää ojts jam tyajnëjkxtë ma Jerusalén kajpnën ets jam tyaj'o'ktë.

Mateo 5:46

Pën yi'iyë miits mtsojktëp mëti'ipë mtsojkëtëpën, ¿tii kuma'ayën mpëktëp mpaatëp? Yë yajkukëpäjtpëtëjkëty mëti'ipë Roma myëtuuntëpën yë'ë jëtu'un ëtëtstëp.

Lucas 7:28

Jëtu'un miits n'ënëëmëtë ko ni pën ja'ay jëtu'un kyamëjjëty ijxtëm yë Juankën. Oy jyajëtu'unëty, ja ni'ik mutskpë ma ja Tios ja kyutujktaknën, wäänë mëj jä'ä këtiinëm yë Juan.

Lucas 20:6

e ko nëmä'ämyëty ko ja'ay ojts kyexyë, tsojk mayjyä'äy xykyuka'tsmëty, jä'ä ko nyija'awëtyë ko ja Juan Tios ja kyäjpxynyajxpë.