Lucas 7:21 - Biblia Mixe de Quetzaltepec

²¹ Tääts nän jää it ja Jesús tyajtsoky may ja ja'ay mëti'ipë pëjkëtëpën ets tyajpëtseemy ja ku'oypyë ma ja'ayën ets nimay ja ja'ay wiintspë tyaj'ijxë'ky,

Biblia Dc en Mixe de Quetzaltepec

²¹ Tääts nän jää it ja Jesús tyajtsoky may ja ja'ay mëti'ipë pëjkëtëpën ets tyajpëtseemy ja ku'oypyë ma ja'ayën ets nimay ja ja'ay wiintspë tyaj'ijxë'ky,

Lucas 7:21 ပူးပေါင်းရင်းမြစ်များ

1 Reyes 8:37

Ko ënäty jyää'aty ja yuu xëëw, ja pa'am ëyo'on, ja ëyo'on jotmay, ëkë myinëty ja aay ujts ja nyipa'am, tyëtstaaynyëty mëët ja xëëw'an ëkë ko y'ëyo'onpëjkta'akëty ja mëkuk, poo, kumtënë'k, mu'u ets oynatii jëyujk, ëkë ja mëtsip tyajku''ëtukëty ja naax kajpn, ëkë myinëty tiijaty ëyo'on tiijaty pya'am, tun mëyajtën mpa'ëyowëp yë mnaax mkajpn, mëtoow'ijtë ja jyiiytyak nyu'kxtakën.

Levitico 14:48

E ko ja teety jap tyëkëty tëkoty ets t'ixa'any pën wi'ix ja pa'am jap yajpaaty ets t'ixëty ko ja ëxëëkpë ka'ap nëkooyë të kyëjääjë, ma ënäty ja tsaa ja wiinkpë të yajpëjktä'äkyën, mëët näjyëtu'un ja wa'ats ja mo'onts. Ënät nëjkx tnikäjpxy, ko tääpë ja tëjk wa'ats jä'ä. Jä'ä ko ja pa'am tëë ja kyutëkoy.

Mateo 4:23

Tääts ja Jesús t'aye'ey ja kajpn Galilea y'itjotm ets yaj'ixpëky ma ja tsajptëjkën maajëty tu'uktu'uk ja kajpnën, tuk'ëwaanë ja ja'ay ja oy aaw oy ayuk ma ja kutujkën tsajpjotmëpë yajnimëtyä'äkyën ets ni'ëmukë ja pa'amja'ay tyajtsoky.

Mateo 4:24

Ojts yajnimëtyä'äky ja Jesús ma Sirië y'itjotmën mëti'ipë tyuun kyajpxën ets ja ja'ay tyajmiintë ja pa'amja'ay, mëti'ipë mëk pëjkëpën, mëti'ipë ja ku'oypyë myëët'ajtëpën, mëti'ipë mo'tëp ets mëti'ipë kë'ëxujxp tekyxyujxtëpën. Ni'ëmukë ja Jesús ojts tyajtsokta'ay.

Marcos 3:10

Jä'ä ko tëë ënäty kanaak tyajtso'oky ja ja'ay; jëtu'unts ni'ëmukë ja pa'amja'ay myäymyiintë, mëpaatëp ja Jesús tyajkëtaawnëtë ko tona'antë.

Marcos 5:29

Ënätyë ja ne'pny y'ëtujky ets ja pya'am nyäjxy, tyimja'awëy kë'ëm ko ënäty të tsyo'oky.

Marcos 5:34

Tä ja Jesús t'ënëmaay ja to'oxytyëjk: U'unk, paaty të mtso'oky jä'ä koos të xymyëpëky. Nëjkx akujk jotkujk ets tso'oky akëtä'äky xëmë m'itëty.

Lucas 7:20

Tääts ja Juan ja kyäjpxynyajxpë ojts nyëjkxtë ets t'ënëmaaytyë ja Jesús: Ja Juan Yajnëëpäjtpë ëëts të xykyäxtë ets nyajtëwtëty pën janty mijts ja Tios të mkexyë mëti'ipë minaanpën ëkë njëjp'ixtëpës ja wiinkpë.

Hebreos 12:6

Jä'ä ko ja Wintsën, yë'ë wyijtswinpijtyp mëti'ipë tsyojkpyën ets tsyäätsytyuunpy ni'ëmukë mëti'ipë y'ëxajëpën, jä'ä ko t'u'unk'aty.