Lucas 6:6 - Biblia Mixe de Quetzaltepec

⁶ Wiinkpë po'kxënxëëw ënäty, ko ja Jesús tyëjkëy tsajptëkoty ets yaj'ijxpëjktso'ony. Japts ënäty tu'uk ja ja'ay mëti'ipë kyë'ëjën të'ëts tu'k'atu'um aka'anypë;

Biblia Dc en Mixe de Quetzaltepec

⁶ Wiinkpë po'kxënxëëw ënety, ko ja Jesús tyëjkëy tsajptëkoty ets yaj'ijxpëjktso'ony. Japts ënety tu'uk ja ja'ay mëti'ipë kyë'ëjën të'ëts tu'k'atu'um aka'anypë;

Lucas 6:6 ပူးပေါင်းရင်းမြစ်များ

1 Reyes 13:4

Ko ja Jeroboam tmëtooy wi'ix ja käjpxynyajxpë y'ënä'änyën mëëtpë ja wintsë'këntyakn jampë Betel y'ityën, ënät ja kyë'ë nëkooyë txajë'ky jam tyänë ma ja wintsë'këntyaknën ets y'ënäny: Matstë. E ja kyë'ë mëti'ipë ënäty të txajtëyën jëtu'unyë ojts wyi'imy ka'ap t'ëkjëkyäjpnë t'otsëty.

Zacarías 11:17

Janty mon janty tuk yajpaaty yë kupixyny këwent'ajtpë mëti'ipë nyikekpyën yë kyupixyny. Wä'än jam tka'ay yë tëypyujxn ma y'a'oykyë'ëjën ets ma a'oypyë wyiinën.

Mateo 4:23

Tääts ja Jesús t'aye'ey ja kajpn Galilea y'itjotm ets yaj'ixpëky ma ja tsajptëjkën maajëty tu'uktu'uk ja kajpnën, tuk'ëwaanë ja ja'ay ja oy aaw oy ayuk ma ja kutujkën tsajpjotmëpë yajnimëtyä'äkyën ets ni'ëmukë ja pa'amja'ay tyajtsoky.

Lucas 13:10

Tëkok jyäjty kyëpejty jam ënäty ja Jesús yaj'ixpëky po'kxënxëëwëtë tsajptëkotm.

Lucas 14:3

Ënät ja Jesús tyajtëëy ja tsajptëkotyëtë yaj'ijxpëjkpë ets ja fariseë ja'ayëty: ¿Mëpaat'ajtp jëtääjë ets ja pa'amja'ay tsyo'okëty po'kxënxëëwjoty ëkë ka'apë?

Lucas 4:16

Ja Jesús ojts nyijkx jam Nazaret, ma ënäty të yeeky të pyetyën. Ko tpaty ja po'kxënxëëw, ënät ojts tyëkë jap tsajptëkoty, ijxtëm ijty tuunk'atyën, tääts wya'kujkëy ets ja Tios ja y'aaw y'ayuk ojts tkajpxë.

Lucas 4:31

Ënät ja Jesús ojts nyijkxy jam Capernaúm, Galilea y'itjotm, po'kxënxëëw ënäty ko ja ja'ay tyaj'ijxpëky.

Lucas 6:1

Po'kxënxëëw ënäty, ko ja Jesús jam nyäjxy tsajpmok yon kamjotm mëët ja y'ijxpëjkpëtëjk. Tääts ja y'ijxpëjkpëtëjk tkutsëptë ja tsajpmok yon ets twinxatstë ja pyajk ets tjë'kxtë.

Lucas 6:5

Tääts jyaak'ënany: Yë naaxwiinyëtë ja'ay y'U'unk myëët'ajtyp ja kutujkën po'kxënxëëwjoty.

Juan 5:3

Jamts ja maypya'am ja'ay kyo'knëtë ets ja wiintspë, kë'ëma'atpë tekymya'atpë ets ja xujxpë.

Juan 9:16

Ënät jënaakën ja fariseë ja'ayëty y'ënantë: Ja ja'ay mëti'ipë ya'atë tyuunpyën ka'ap yë'ëjëty Tios yajtunyë, jä'ä ko ka'ap yë po'kxënxëëw t'ëmaay'äty. Ets ja wiinkpë y'ënantë: ¿Wi'ix jëtää mëj'ajtën tunëty pën pokyjyä'äy? Tääts ojts nyäpyëjkwa'kxëtë xim yam.