Lucas 6:49 - Biblia Mixe de Quetzaltepec

⁴⁹ Pën ja n'aaw n'ayukës myëtoow'ijtypyën ets ka'ap tpatuny, jëtu'un yë'ë ijxtëm ja ja'ayën mëti'ipë ja tyëjk të tkojyën naaxwiinkëjxy, ka'ap këk të tnitajë ets ja nëëkom të tyukja'tyë ets të jyë'ëtë'ëky.

Biblia Dc en Mixe de Quetzaltepec

⁴⁹ Pën ja n'aaw n'ayukës myëtoow'ijtypyën ets ka'ap tpatuny, jëtu'un yë'ë ijxtëm ja ja'ayën mëti'ipë ja tyëjk të tkojyën naaxwiinkëjxy, ka'ap këk të tnitajë ets ja nëëkom të tyukja'tyë ets të jyë'ëtë'ëky.

Lucas 6:49 ပူးပေါင်းရင်းမြစ်များ

Proverbios 28:18

Yë ja'ay mëti'ipë oy winë tyuunpyën, nëjkxëp yajmo'oy ja nitsokën; e mëti'ipë ëxëëk ja jyot wyinma'any, jam kya'aja'any ëyo'ontum.

Ezequiel 33:31

Ets jëtu'un ja nnaax nkajpnës mniminyë ets nyaaxwäätstë mijts mwintuuy, jëtu'un tä xëmë tuunk'atën ets tmëtoow'ita'antë ja n'aaw n'ayukës. Je'eyëp ko ka'ap tpatuntë. Jëtu'un t'akajpxëtë janaam jatsojk tä ja'ay tkuuy'iyën yë nätsyok näjyawë, e ma jyot wyinma'anyëtyën, yi'iyë myëmaay myëtajtëp wi'ix wit meeny tpaatëty t'ixtëty.

Oseas 4:14

Ëjts ka'apës ntëytyuna'any yë mnëëx ko jyot nyini'kx tooky tyäky ets mxäkxytyëjk ko tyajtëkoy yë pëjkën ukën wyintsë'kën, jä'ä ko miitsëty ye'etyëjktëjk nän mninëjkxtë yë to'oxytyëjk mëti'ipë jyot nyini'kx tyo'ktëpën; ets miitsëty ko yë wintsë'kën xyaktë, myajmiintëp yë to'oxytyëjk mëti'ipë jyot nyini'kx tyo'kpy yäjkpyën. Jëtu'un ja naax kajpn nyätyunyë mëti'ipë ka'ap wyijyëtyën.

Mateo 23:3

Paaty miitsëty, mëmëtowtë ets patuntë wi'ix m'ënë'ëmxëtën; je'eyëp ko ka'ap tii xynyi''ijxtu'utëty ijxtëm winë tuntën, jä'ä ko yë'ëjëty jëëmpit winë tuntë ets ka'ap jyëtu'unëty ijxtëm winë tnimëtya'aktën.

Mateo 24:10

Nimay nëjkx ja ja'ay jää t'ëxmatstë ja myëpëjkën ets nyäkyë'ëyakëtëty ets nyämyëtsip'atëtëty nixim niyam.

Marcos 4:17

Jëtu'un jä'äjëty ijxtëm ja tsajpmokyonën mëti'ipë ka'ap tyiktsk kyëkëtyën. Ka'ap jeky y'ity jä'äkyëjxm ko ja Tios ja y'aaw y'ayuk tku'ëyo'onpatëtë ëkë yajpajëtijta'aktë ets ënätyë t'ëxmatstë mëti'ipë ënäty të tja'amëtoow'itën.

Lucas 12:47

Ja tuunpë mëti'ipë nyija'apën wi'ix ja wintsën tjatsoky je'eyëp ko ka'ap tjëjp'ixy ets nän ka'ap tmëmëtoy wi'ix të y'ëne'emyën; yajxon nëjkx yajtsaatytyuny ets kanaak ok nëjkx yajwopy.

Lucas 19:14

E jam ma kyajpnën may ja ja'ay jam myëtsip'atyë, paaty tkäjxtë ja kukäjpxy ets nëëmëtëty: ka'apës ntsoktë ets ya'atë ja'ay yë'ë xy'ënä'ämtëtyës.

Lucas 19:27

E ja nmëtsipës mëti'ipë ka'ap të tsoktën etsës ëjts nyajkutukëty, yaa yajmintë ets xyaj'ooktëty ëjts nwintuuyës.

Lucas 6:46

Wintsën, Wintsën, jëtu'unës miits xynyëëmëtë, je'eyëp ko ka'ap xypyatuntë ja ënä'ämën mëti'ipës nikäjpxypën.

Lucas 6:48

Jëtu'un yë'ë ijxtëm ja ja'ay ja tyëjk tkojyën. Jëwyiin yajxon këk tnitajë ets tsaakëjxy tpojtsë'ëky. Tääts ko ja nëë kyomy, mëk ja nëë jyatukja'tyë ets niwi'ix kyajaty, jä'ä ko tsaa y'ëjx'ajtyp.

Lucas 7:1

Ko ja Jesús jëtu'un tmëëtmëtyaktaay ja mayjyä'äy, ënät ojts nyijkxy jam Capernaúm.

Juan 15:2

Ko tu'uk ja tsatym xe'enty ka'ap tyëëmyäky, tääts tkatspuxy; e ko tyëëmyäky ni'ikyë twinpëky twintuny ets nëpuxy nëpooty mëti'ipë atsijpën tääts yajxon tyëëm'atëty.

Hechos 20:29

Nija'apës, ko yaa ntsoonëtyës, minantëp mëti'ipë win'ëënantëpën ets ja mëpëjkpëtëjk tyajwinma'anytyëkoya'antë. Jëtu'un jyata'antë ijxtëm ja pa'uk tyajkutëkoyën ja kupixyny.

Hechos 26:11

Kanaak'okës të ntsaatsytyuntë ma ja tsajptëjkën ets atsip ja Jesús ntukmëkajpxtëkoya'antës. Jä'ä koos nëkooyë njoot'anpëjknë, paatykyëjxm ojts npajëtijtä'äkyës jëkämpaat ma tsyëënëtën ja ja'ay mëti'ipë ka'ap jyutiis'atën.

1 Tesalonicenses 3:5

Paaty, koos ënäty ëjts ka'ap n'ëkmëmëta'akanë, ënätës nkejxy mëti'ipë myajtëwëtëpën wi'ix ja mëpëjkën xymyëët'attëty, jä'ä ko tsë'këpës ënäty ko ntij yë mëjku'u tëë myajtuuntëkoyëtë ets ja ntuunkëtyës ka'ap tsyoowpaatëty.

2 Pedro 2:20

Mëti'ipë të tnijawëtën ja Wintsën Jesukristë Yajnitsokpë ets të tsyo'oktë ma ja ëxëëkpën, pën jam jatëkok nyäyajka'ajëtë pokyjotm, wäänë o'ktëy nëjkx jyatë këtiinëm ijxtëm ënäty të y'itën.

1 Juan 2:19

Yë'ëjëty tëë jam yajpaatë ma ëëtsajtëmën. Je'eyëp ko ka'ap oy të myëpëktë. Ko jeexyë tu'ukyë ja jyot wyinma'any të tpëjkta'aktë, ka'ap jeexyë të xypyuye'eytyutëmë. Jëtu'un të nyikëxë'ëky ko ka'ap ëëtsajtëm nja'ay'ajtëmë.