Lucas 6:48 - Biblia Mixe de Quetzaltepec

⁴⁸ Jëtu'un yë'ë ijxtëm ja ja'ay ja tyëjk tkojyën. Jëwyiin yajxon këk tnitajë ets tsaakëjxy tpojtsë'ëky. Tääts ko ja nëë kyomy, mëk ja nëë jyatukja'tyë ets niwi'ix kyajaty, jä'ä ko tsaa y'ëjx'ajtyp.

Biblia Dc en Mixe de Quetzaltepec

⁴⁸ Jëtu'un yë'ë ijxtëm ja ja'ay ja tyëjk tkojyën. Jëwyiin yajxon këk tnitajë ets tsaakëjxy tpojtsë'ëky. Tääts ko ja nëë kyomy, mëk ja nëë jyatukja'tyë ets niwi'ix kyajaty, jä'ä ko tsaa y'ëjx'ajtyp.

Lucas 6:48 ပူးပေါင်းရင်းမြစ်များ

Salmos 62:2

Yë'ë tu'kpajk xyajnitsokpës ets xykyuwaanpës Nijënu'un tkajëkyepy xymyëmëta'aktëtyës yë nmëtsiptëjkës jä'ä ko yë'ëjës ntsoktakn'ajtyp.

Isaías 28:16

Paaty ja Wintsën y'ënä'äny: Ëjts npëjkta'akäämpyës yam tu'uk yë tsaa jam Sión, tu'uk yë mëjtsaa, oytsyaa ets tsoowpaatypë, mëti'ipë mëj'äämpy itëpën, ets yë'ë potsy ëjx'atëp. Pën ënäty tyukjotkujk'ajtypyën, nëjkxëp jam tpaaty ja po'kxtakn.

Judas 1:24

Ja tu'kpajkpë ja Tios, mëti'ipë të xyajnitsokëmën, myëët'ajtyp yë mëk'ajtën ets mkëwent'atëtëty këtiipë mka'atëty pokytyum, ets myaja'tëtëty ma ja xyoontakënën, ma yë'ë yajpaatyën tsuj xoontä'äky. Yë'ë patëp ja mëj'ajt oyajtën, ja kutujkën, ja ënä'ämën, mëët ko ja nWintsën'ajtëm Jesukristë të nmëpëjkëm, tëëyëp, tyam ets xëmëkyëjxm. Jëtu'un y'itëty.

Isaías 26:4

Yë'ë xëmë tyuk'ijxpäjtëp yë Wintsën, jä'ä ko yë'ë tsoktakn'ajtp winë xëëw winë jëmëjt.

Efesios 2:20

Jëtu'un miitsëty ijxtëm ja potsyën; ets ja ijxpëjkpëtëjk ets ja Tios ja kyäjpxynyajxpëtëjk jëtu'un ijxtëm ja potsy ëjxën; ja Jesukristë yë'ë jëtu'un ijxtëm ja tsaajën mëti'ipë ja potsy myëtënääpyën.

1 Juan 2:28

E tyam, u'unk maayëty, itë tu'ukyë mëët ja Kristë, ets akujk jotkujk npatmëty n'ijxmëty ko ënäty myiny jatëkok; nitii tsë'ëkë ets nitiitsëtyu'un ënäty nkamëët'ajtëm ko myinëty.

2 Timoteo 2:19

E Tios tëë tu'uk ja potsy ëjx tpëjktä'äky ta'tspëkpyë, ma kyëxja'ayëtyën: Wa'ats ja Tios t'ixy'äty mëti'ipë jyä'ä'ajtypyën, ets Ni'ëmukë mëti'ipë kyajpxpatëpën ja Wintsën ja xyëëw, näjyëpëkëtëp ma ja ëxëëkpën.

Salmos 32:6

Paaty ko ënäty jyääjëty yë monyëtukyë, yë wa'ats ja'aytyëjkëty jää mëkajpxa'anëtë, e oyts ënäty jënu'un yë nëë jyanëje'etsy jyayujkje'etsy ka'ap nëjkx jam jyä'ty ma yë'ëjëtyën.

2 Samuel 22:32

¿Jää jëtää muum nän jëtu'unpë y'ëktios'atyën, tä yë Wintsënën? ¿Jää jëtää jëtu'unpë muum wiinkpë tios mëti'ipë mëpaat jëtu'un xy'ëkkuwa'anëmë?

Proverbios 10:25

Ko yë mëkpoj nyäxy, yë ëxëëk ja'ay jëtu'unyë pyojtëkoy; e yë wa'ats ja'ay xëmë jotkujk y'ity.

2 Samuel 22:47

Juuky'ajtp yë nWintsënës. Kënu'kxy xëmë xyëëw y'itëty mëti'ipës xypyëjk'ijtp xymyajts'ijtpën. Wä'än mëj'äämpy tyajjawë yë Wintsën mëti'ipës të xyajnitso'okyën. Mëti'ipës xy'akëëytyujkp xy'axajtujkpën këtiipës nka'ajëty ëxëëktum

Isaías 59:19

Oy jyamëty maatsow xëëw pyëtsimyën ets oy jyamëty maatsow kyëtä'äkyën, kopkpëky ko ja'ay tnija'awëtya'aja'antë ko yë Wintsën, yë'ëjën tu'uk mëj ko ënäty t'ixtë myëj'ajtën kyënu'kxyajtën, jä'ä ko yë'ë jëtu'un myina'any tä tu'uk mëknëëkomën ets mëët yë mëkpoj.

2 Pedro 1:10

Mëku'uktëjkëty, yë'ëkyëjxm ko ja Tios të mtsokëtë ets të mwin'ixëtë, yajkopkpëktë ja oypyë winma'any këtiipë ja poky xy'ëktuunëtëty.

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënäty ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Tios ja kyutujkënën, kopkpëky ko nku'ëyo'owëmëty.

Juan 16:33

Ntuk'ëwa'anëtëp miits tyam ya'atë tu'kë'ëyë ets ja kijpxyajtën jyää'atëty ma miitsëtyën. M'ëyowantëp miits yaa naaxwiiny, je'eyëp ko amëk jotmëk myajpaatëty, ëjts tëëjës nmëmëtä'äky ja naaxwiinyëtë winma'any.

Nahúm 1:8

E ko pën yajjoot'anpëkyë jëtu'un ëxëëk y'ëti'itsy y'ënä'äny tä mëj nëëkomën; yë myëtsip jëtu'unyë tyajkukootsëja'any.

Salmos 95:1

Mintë ni'ëmukë, tsojk nwin'ë'ëw nwinyaxëm yë Wintsën mëët yë xoontakën; tsojk nja'amyäjtsëmë ets ntukxoontakëmë mëti'ipë xykyëwent'ajtëmën ets xyajnitsokëmën.

2 Samuel 22:5

Jä'ä ko yë o'kën jëtu'unës të xyjyaniminy tä yë nëë nyijä'tspetyën; jëna'ajëty të näjyawëtyës tsë'këpës yowë ko myiny jëtu'un tä mëk pojën ja yaja'ay o'kpë.

Deuteronomio 32:15

Yë Jesurún ja'ayëty yajxon të nyi'kxëtë, je'eyë y'atë'kxnëtë mëët ko ku'uxyë jotkëtä'äky të jyë'kxtë; tyam amëj akëjxm nyäjya'awënëtë. Ko jëtu'un të y'ixë'aty ënät ja Wintsën të tja'atyëkoyëtë mëti'ipë ojts yajkoj pyëjkta'akëtën; tyam ixtijy tyajnajxnëtë ja mëti'ipë këwent'ajtëtëpën ets mëti'ipë yajnitsokëtëpën.

2 Samuel 23:3

Yë Wintsën, mëti'ipë yë Israel ja'ayëty y'ëwtajtëpën; mëti'ipë kyuwäämpy nyixäjpyën ja Israel kajpn, jëtu'unës të xy'ënëëmë: Mëti'ipë tyu'uwinye'epyën ja ja'ayëty mëët ja tëyajtën, mëti'ipë winë tyuunpyën mëët ja Wintsën ja wyinkutsë'kën,

2 Samuel 22:2

Tä y'ënäny: Mijts Wintsën, mijtsës xykyuwaanp xynyixajp, mijts ntsoktakn'ajtyp, mëti'ipës xyaj'ëwaatsëpëtsëëmpën,

1 Samuel 2:2

Ni pën jëtu'un kyawa'atsëty tä mijtsën Wintsën. Ni pën jëtu'un kyakëwent'aty, tä mijtsën, Tios mëti'ipës n'ëwtajtëpën, ka'ap ma wiinkpë jëtu'unpë tä mijtsën.

Deuteronomio 32:31

Yë mëtsip wa'ats tnijawëtë, ko yë kyuwaanpëty, ka'ap jyëtu'unëty tä nkuwaanpë'ajtëmën.

Deuteronomio 32:18

Mijts Israel ja'ayëty tëë ja mteety xyjyä'äytyëkooynyë, mëti'ipë mkëwent'ajtëpën. Tëë xyjyä'äytyëkooynyë ja mTios mëti'ipë juukyajtën mooyëpën.

Lucas 6:47

Tyam ntuk'ëwaanëtëty wi'ix ja ja'ayën mëti'ipës xynyimiinpën ets tmëtoow'ity ja n'ayukës ets tpatuny tiis ntuk'ëne'empyën.

Lucas 6:49

Pën ja n'aaw n'ayukës myëtoow'ijtypyën ets ka'ap tpatuny, jëtu'un yë'ë ijxtëm ja ja'ayën mëti'ipë ja tyëjk të tkojyën naaxwiinkëjxy, ka'ap këk të tnitajë ets ja nëëkom të tyukja'tyë ets të jyë'ëtë'ëky.