Lucas 6:38 - Biblia Mixe de Quetzaltepec

³⁸ Mo'otë ja ja'ay tii yajmëyäjtypyën, ets ja Tios näjyëtu'un mmo'ojëtëty mëj këjää winë, mëët ja oykyijpxn, kä'pxy ako'ow ajääpë. Näyjyëtu'un miits ja Tios winë mo'ojëtëty ijxtëm ënäty ja ja'ay winë xymyo'otën.

Biblia Dc en Mixe de Quetzaltepec

³⁸ Mo'otë ja ja'ay tii yajmëyäjtypyën, ets ja Dios näjyëtu'un mmo'ojëtëty mëj këjää winë, mëët ja oykyijpxn, kä'pxy ako'ow ajääpë. Näyjyëtu'un miits ja Dios winë mo'ojëtëty ijxtëm ënety ja ja'ay winë xymyo'otën.

Lucas 6:38 ပူးပေါင်းရင်းမြစ်များ

2 Samuel 19:36

Ëjts yi'iyës nimiimpy ets mijts mëj'ënä'ämpë mputëkëja'any ma ja mëjnëë xytyuknaxa'anyën, mijts mëj'ënä'ämpë nëkoopës jëtu'un xyjyaak'ënëëmë ko npanëjkxëty jam Jerusalén.

Ester 7:10

Jëtu'un'äämpy ojts ja Amán jam y'ooky ma ja o'ktaknën mëti'ipë ënäty të tukni'oytyunën ja Mardoqueo. Tä ojts jëtu'un ja yajkutujkpë jyotxeemy.

Ester 9:25

e ko ja Ester ojts tuk'ëwaanë ja yajkutujkpë, ënät ja yajkutujkpë nokymyëët ni'ënä'ämëy ja Amán ets y'ënäny: ko tu'kë'ëyë ja ëyo'on jotmay mëti'ipë të tjanimay të tjanitajën yë Amán ets ëxëëk jyatëty ja Jutiiyë ja'ayëty, wä'än jam tkëtakta'ay ma Amanën. Jëtu'un'äämpy yë Amán mëët yë y'u'unk y'ëna'k kyutëkooytyë.

Job 42:11

Ënät ja myëkä'äxtëjk, ye'etyëjkpë to'oxytyëjkpë, myëjëën myëtëjk ets mëti'ipë mëët nyäwyin'ixy'ätyën ojts nyimiinta'ajëtë, tu'uk ja xëëw tyaj'apatëtyë jam ma ja Job ja tyëjkën. Ojts myëmëtya'akëtë ets wyinxoon wyin'ijtëtë ko ënäty o'ktëy të jyäty të kyëpety, ko ënäty ja Wintsën ja ëyo'on jotmay të tyuknikexyë, tu'ukjaty ojts tmo'otë ja wit meeny ets pu'ts pujxnkë'ëjiits.

Salmos 79:12

Mijts Wintsën, wëxtujk ok näjyëtu'un ëxëëk xytyunëty yë nmëjëën nmëtëjkëtyës ko mëj të myajjoot'anpëkyë;

Éxodo 21:24

jëtu'un ijxtëm ja ayuk y'ënä'änyën, ja wiin ja aaw, ja aaw ja tëts, ja kë'ë ja teky nëjkx nyätyony nyämyätsyë,

Proverbios 10:22

Ni'ik tsyowpaaty ko yë Tios kyënu'kxy jyëkyejpy, jä'ä ko ka'ap yajmony yajtuky.

Proverbios 19:17

Ko yë ëyoopëja'ay tii ntuk'ënu'kxmëty, Tios ënäty winë yajtuk'ënu'kxp, yë Tios yë'ë nëjkx kë'ëm jëna'a tkujuy ja nu'kxy.

Proverbios 22:9

Mëti'ipë ja'ay oy yë jyiiky myëku'uk jya'apën, nëjkxëp mëj këjää ja näkyënu'kxë tpaaty, mëët ko ënäty ja jyiiky myëku'uk t'akaaytyuky t'a'uktuky.

Jeremias 32:18

Kanaak najtskä'äxë mijts ja mtsojkën mja'awën xyaj'ity, je'eyëp ko mtëytyuunpy ja ja'ay mëti'ipë tyeety tyaak pyojkpyën. Tios mëjpë ets mëti'ipë maaytyääyëpën winë, jä'ä mijts mxëëwajtyp Wintsën mëti'ipë maaytyääyëpën winë.

Mateo 10:42

Pën myoopy ja nëë tu'ktsim ja pi'k ëna'k mëti'ipës xymyëpëjkpën, tëyës n'ëna'any ko y'ëxajëjäämpy ja kyuma'ayën.

Mateo 7:2

Jä'ä ko yë Tios näjyëtu'un yë mpoky mtukwinmëtowa'anëtë tä ja mmëku'uk ënäty ja pyoky të wytyukwinmëtowtën; jëtu'un tä ja mmëku'uk xytsyoktën jyä'äy'atëty näjyëtu'un miitsëty ja'ay'atë.

Marcos 4:24

Ets jyaak'ënany: Mëmay mëtajtë yajxon pën tii mmëtoowtëp. Pën wi'ix ënäty miits ja'ay xytyuntë, näjyëtu'un ja Tios mtuna'anëtë.

Lucas 6:30

Pën tii m'amëtoowëp, mo'o; ko ja'ay tii mpëjkëtëty, këtii jatëkok xy'amëtowëty.

Deuteronomio 15:10

Mijts mpatëp ets xypyutëkëty yë mjëëky mëku'uk mëti'ipë ëyoop jotëkoopyën. Jä'ä ko yë mWintsën yë'ë y'ixäämpy wi'ix mijts oy winë xytyuny.

Santiago 2:13

Pën ja myëku'uk ka'ap tpa'ëyoy, näjyëtu'un ja Tios ka'ap pya'ëyowa'anyë; pën ja myëku'uk pya'ëyoopyën, yë'ë ja oyajtën pyatäämpy ko ënäty ja paye'eyën y'ity.

Jueces 1:7

Tääts y'ënäny: Ëjts tëkë'px majkës ojts näjyëtu'un yë kyë'ëkaa tyekykyaa njëjptsujkë yë yajkutujkpëtëjkëty. Ets yë'ëjës ojts ntukjë'kxtë mëti'ipës nkaaypyäjnpa'tkë'p ka'apën. E tyam näjyëtu'unës yë Tios të xytyuny tääjës yë'ë ntuuntën. Tää ojts jam tyajnëjkxtë ma Jerusalén kajpnën ets jam tyaj'o'ktë.