Lucas 6:27 - Biblia Mixe de Quetzaltepec

²⁷ E miitsëty mëti'ipës n'aaw n'ayuk myëtoow'ijtëpën, tsoktë ja mmëtsip, putëkëtë mëti'ipë mkatsojkëtëpën.

Biblia Dc en Mixe de Quetzaltepec

²⁷ E miitsëty mëti'ipës n'aaw n'ayuk myëtoow'ijtëpën, tsoktë ja mmëtsip, putëkëtë mëti'ipë mkatsojkëtëpën.

Lucas 6:27 ပူးပေါင်းရင်းမြစ်များ

1 Tesalonicenses 5:15

Näkyëwent'atëtë, këtii näjyëtu'un xytyuntëty winë ijxtëm mëti'ipë mmëtëkooyëtëpën. Aak oyëtypë mtuntëp, wintsë'ëkëtë mmëku'uk xim yam ets oypyënëty.

Lucas 6:35

Mtsoktëp miits ja mmëtsip, tuntë ja oypyë, tuntë ja mëyajtën; tuk'ënu'kxtë winë mëku'uk ets këtii xyjyëjp'ixtëty ets jatëkok mooywyimpitëtëty. Jëtu'un miits mëj nëjkx myajkumaytyë ets nëjkx m'u'unk'atëtë ja Tios tsajpjotmëpë, jä'ä ko yë'ë oy Tyios'aty ma ja ja'ayëtyën mëti'ipë ka'ap tii tkukajpxën ets ëxëëkpë jyä'äy'ätyën.

Proverbios 24:17

Këtii xytyukxoonta'akëty ets ka'ap jää mxëëwtunëty ko ënäty ja mmëtsip kyëtäy kyëpipy ets ëxëëk jyäty kyëpety,

Gálatas 6:10

Paaty, oy tyimjëna'ajëty, ntu'unmëp ja oypyë ma ja ja'ayëtyën ets yë'ë ka'ap nja'atyëko'omyëty yë nmëku'uk'ajtëmë mëti'ipë näjyëtu'un mëpëjktëpën.

Marcos 4:24

Ets jyaak'ënany: Mëmay mëtajtë yajxon pën tii mmëtoowtëp. Pën wi'ix ënäty miits ja'ay xytyuntë, näjyëtu'un ja Tios mtuna'anëtë.

Hechos 10:38

Mnija'awëtëp näjyëtu'un ko ja Tios tmooy ja Jesús ja Kënu'kxymyëkajtën mëët ja mëk'ajtën, ets ko ja Jesús tuuny ja oypyë ko jyëtijty naaxwiiny ets tyajtsoky ja ja'ay ni'ëmukë mëti'ipë ënäty ja mëjku'u yaj'ëyoowëtëpën. Jëtu'un ojts ya'atë tuny jä'äkyëjxm ko ja Tios mëët yajpaaty.

Hechos 7:60

Ko jëtu'un y'ënaantaay, tää kyoxtënaay ets mëk y'ënäny: Wintsën, këtii xytyukpoky'atëty ya'atë tuuntëko'oyën koos xyaj'ooktë. Ko jëtu'un y'ënaantaay, tääts y'o'ky.

Lucas 23:34

Tääts ja Jesús y'ënäny: Tios Teety, nimä'kx, jä'ä ko ka'ap tnijawëtë tii tyuuntëp. Tääts ja tsiptuunpëtëjkëty tni'ëyë'ktë ja Jesús ja wyit ets aak ayi'iyë ojts twijtswa'kxtë.

Lucas 8:18

Mëtowtë yajxon. Pën may tii myëët'ajtyp, wäänëni'ik jyaak timyajmo'oja'any; pën yiin wäänë tii myëët'ajtyp, yajpëjkëjaanp tu'kë'ëyë mëti'ipë ënäty jyamëët'ajtypyën.

Lucas 8:15

Ja tëëmt mëti'ipë ojts kyä'äyën jë'kxynyaaxjoty, jëtu'un yë'ë ijxtëm ja ja'ayën mëti'ipë ja Tios ja y'aaw y'ayuk y'amëtoow'ijtëpën ëmuumtu'ukjot ets tpatuntë, jëtu'unts ja jyuukyajtën tyajtu'uye'eytyë ijxtëm ja Tios tyukmëtsokëtën.

Lucas 8:8

Jatu'kpëky ojts kyä'äy jë'kxynyaaxjoty, jä'ä ojts yony ets tyëëmpejty, mëko'px ojts pyajk'aty tu'ukpë ja tsajpmok yajnipyën. Ko ja Jesús myëtyaktaay, tääts mëktä'äky y'ënäny: Pën ja tyatsk tyukmëtoopy, wä'än tmëtoowkukë.

Lucas 6:22

Akujk jotkujk miitsëty myajpaatëty ko ja ja'ay m'ëxëëk'ixëtëty, m'ëxwopëtëty, m'ojëtëty ets jëtu'un myaj'ixtëty m'ëxëëkja'ay'ajtëp yowë, mëët ko yë'ë xymyëjwa'kpätë ja naaxwiinyëtë ja'ay ja y'U'unk.

3 Juan 1:11

Mëku'uk, këtii yë'ë xypyatunëty ja ëxëëk ijxpëjkën, patun mijts ja oypyë. Pën ja oypyë tyuunpy, yë'ë Tios jä'ä'ajtëp; pën ja ëxëëkpë tyuunpy, ka'ap ja Tios nyijawëty.

Proverbios 25:2

Tios mëj'äämpy najxp, ko ja'ay tukjaty wi'ix tii yu'utsy tmëët'atëtyën, mëj'äämpy yë yajkutujkpë nyäxy ko twinjawë.

Salmos 7:4

¿Tëës ja njëëky nmëku'uk ëxëëk ntuunwimmpity ma winë oy të tunyën mëët ëjtsë? ¿ëkë tëës nanëkoo ntsaatsytyuny ja nmëtsipë?.

1 Reyes 13:6

Ënät ja yajkutujkpë ojts ënätyë yë käjpxynyajxpë tninëjkxy ets t'ënëmaay: Tun yë mëyajtën, mëpëjktsow yë mWintsën wä'änës yë nkë'ë xyajtsokë. Tä ja käjpxynyajxpë ojts ja Wyintsën tmënu'kxtä'äky ets ja yajkutujkpë ojts ja kyë'ë tsyo'oky, je'eyëm tä ënäty të y'oy'ätyën.

Hechos 16:28

Ko ja Pablo t'ijxpaty ko nyäyaj'ooka'anyë, tääts mëk t'ënëmaay: Ka'ap wi'ix mnätyunëtëty. Aak tyap ëëtsëty ni'ëmukë.