Lucas 6:26 - Biblia Mixe de Quetzaltepec

²⁶ Mon tuk miitsëty myajpaatë ko ni'ëmukë ja naaxwiinyëtë ja'ay oy mnixon mni''itëtë, jä'ä ko jëtu'un ijty tëëyëp tääpë ja'ayëty yë y'aptëjk y'ëtë'ëtstë mëët ja win'ë'ënpëtëjk mëti'ipë nätyijëtëp ko Tios kyäjpxynyajxpë'atëtë.

Biblia Dc en Mixe de Quetzaltepec

²⁶ Mon tuk miitsëty myajpaatë ko ni'ëmukë ja naaxwiinyëtë ja'ay oy mnixon mni''itëtë, jä'ä ko jëtu'un ijty tëëyëp tääpë ja'ayëty yë y'aptëjk y'ëtë'ëtstë mëët ja win'ë'ënpëtëjk mëti'ipë nätyijëtëp ko Dios kyäjpxynyajxpë'atëtë.

Lucas 6:26 ပူးပေါင်းရင်းမြစ်များ

Juan 15:19

Ko jeexyë miits näjyëtu'un m'ëtë'ëtstë ijxtëm yë'ëjëtyën, mtsojkëtëp jeexyë ijxtëm tsoktën ja jyä'äy. E jä'ä koos miits të nwin'ixtë ma ja ja'ayëtyën mëti'ipë yajtuuntëpën ja naaxwiinyëtë winma'any ets ka'ap jëtu'un m'ëtë'ëtstë ijxtëm yë'ëjëtyën, paaty mka'oy'ixëtë.

Santiago 4:4

Miitsëty, mëti'ipë ja Tios të y'ëxmatstën, ¿tii këtii xynyijawëtë ko ja Tios ka'ap tsoky ets ja naaxwiinyëtë winma'any n'atsojkmëtyë? Oy tyimpënëty mëti'ipë ja naaxwiinyëtë winma'any y'atsojkpyën, ja Tios myëtsipëjkpy.

Mateo 7:15

Näkyëwent'atëtë ma tääpë win'ë'ëmpëtëjkëtyën mëti'ipë nätyijëtëp ko Tios myëtuuntëp. Jëtu'un janty yujy janty tëtä'äky mniminëtë kupixynyën, e jap jyootjoty jëtu'un jyä'äy'atë pa'ukën.

Miqueas 2:11

Ko ja ja'ay tu'uk wyin'ëënëty ets y'ëna'anëty: Ëjts yë'ëjës yam nnikäjpxyp nimëtyäkpy yë tsatym nyëë tëëpë nyimaanaxyën ets nëë mëti'ipë mukpën, jëtu'unpë ja'ay yë'ë ja naax kajpn oy tsyojkpy ets kyäjpxynyajxpë'atëty.

Isaías 30:10

Jëtu'un ja käjpxynyajxpë t'ënëëmëtë: Këtii nëkoo tii xy'ijxpëtsëmtëty, këtii nëkoo ja tëyajtën xytyukmëmëtya'aktëtyës. Yu'unk naxymës xymyëkajpxtëty; këtiis xypyëjkëtëty ja mëti'ipës nmaaytyëp ntajtëpën.

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënäty ja jëtu'unpë kyixy nyäxy?

Juan 7:7

Mëti'ipë ka'ap ja Tios nijawëtën ka'ap tjëkyepy miits m'ëxëëk'ixëtëty; je'eyëp koos xy'ëxëëk'ijxtëpës yë'ëjëty, jä'ä koos nnikäjpxy ko ka'ap tii oy tuntë.

Romanos 16:18

Ka'ap yë Wintsën Jesukristë yë'ëjëty tmëtuntë, kyë'ëm tsojkën yë'ë myëmaay myëtajtëp ets ja ja'ay twin'ëëntë ko janty yujy janty tëtä'äky myëtya'aktë; yë'ë wyin'ë'ëntëp mëti'ipë ka'ap oy tnijawëtën tii ja Tios tsyojkpyën.

Proverbios 27:21

Yë pu'ts pujxn ets poop pujxn jap yaj'ixy jëënjotypyën janty yë'ë, e ja'ay yë'ë mëët yajtuk'ixy wi'ix jyä'äy'ätyën ko oy yajnimëtyä'äky.

Lucas 6:25

Mon tuk myajpaatë miitsëty, mëti'ipë tyam ku'uxyë jotkëtä'äky kaaytyëp uktëpën, jä'ä ko m'ayuu'atantëp miitsëty ok. Mon tuk miits myajpaatë, mëti'ipë tyam xiktëp xoontëpën; jä'ä ko mjë'ëjan mya'axantëp miitsëty ok mëët ja jotmay.