Lucas 6:20 - Biblia Mixe de Quetzaltepec

²⁰ Ënät ja Jesús twin'ijxpejty ja y'ijxpëjkpëtëjk ets t'ënëmaay: Akujk jotkujk miitsëty myajpaatë mëti'ipë ëyoowtëpën, jä'ä ko miits mjä'ä'ajtëp ja Tios ja kyutujkën.

Biblia Dc en Mixe de Quetzaltepec

²⁰ Ënet ja Jesús twin'ijxpejty ja y'ijxpëjkpëtëjk ets t'ënëmaay: Akujk jotkujk miitsëty myajpaatë mëti'ipë ëyoowtëpën, jä'ä ko miits mjä'ä'ajtëp ja Dios ja kyutujkën.

Lucas 6:20 ပူးပေါင်းရင်းမြစ်များ

Santiago 2:5

Mëku'uktëjkëty, mëtowtë ets ja'akyukëtë ya'atë: Tios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Tios të tukwinwanën ja ja'ay mëti'ipë tsojkëpën;

2 Corintios 8:9

Jä'ä ko miitsëty tëë xynyijawëtë wi'ix ja Wintsën Jesukristë mëyajtën të tunyën. Jesús jam y'ity tsajpjotm, myëët'ajtääpy tu'kë'ëyë winë, je'eyëp ko ojts myiny yaa naaxwiiny; jëtu'un ojts nyäpyëjktä'äkyë ijxtëm tu'uk ja ëyoopëja'ayën mëët jä'äkyëjxm ko të xytsyojkëm ets npatmëty ja jotkujk'ajtën.

Lucas 12:32

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Tios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

Mateo 25:34

Ets ja yajkutujkpë t'ënëëmëja'any ja mëti'ipë y'a'oytsyowën: Mintë miitsëty, mëti'ipë ja Tios Teety të kyënu'kxëtën. Ëxajëtë ja kutujktakn mëti'ipë miitsëty të myajtuknipëjktaakëtën ko ojts ja Tios tyajkojy ja naaxwiinyëtë.

Apocalipsis 2:9

Nija'apës wi'ix ëxëëk mjaty mkëpetyën ets wi'ix m'ëyoyën ko tii winë xyajmëyäty oy jam winë xyjyamëëtëty. Ets nija'apës wi'ix ëxëëkjaty ja'ay mnimëtyä'äkyën je'eyëp ko tääpë ja'ayëty paaty jëtu'un y'ëtë'ëtstë jä'ä ko ku'oypyë yajmëjnajxtëp.

2 Corintios 6:10

Jëtu'unës nyaj'ixtë maaytyëp tajtëpës yowë, je'eyëp ko jotkujkës n'itë; ëyoowtëpës nyaj'ixtë, je'eyëp nyajjotkujktaktëpës may ja ja'ay; jëtu'un kyëxë'ëky ka'apës yowë tii nmëët'atë, e nmëët'ajtaaytyëpës winë.

Sofonías 3:12

Yë'ëjës nyaj'itäämpy ma mijtsën yë ja'ay mëti'ipë yu'unk naxym ja'ay'ajtpën, mëti'ipë nëjkx ëjts xytyuk'ijxpetyën.

Isaías 29:19

Ja ja'ayëty mëti'ipë yu'unk naxym yajpatëpën xoonta'akantëp jatëkok ma Wintsënën, mëti'ipë ëyoow jotëkooytyëpën jotkujk nyäjawëja'anëtë ma Tiosën mëti'ipë Israel ja'ayëty y'ëwtajtëpën.

Santiago 1:12

Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Tios të tukwinwanën ja mëti'ipë tsojkëpën.

2 Tesalonicenses 1:5

Ya'atë yajknikëxë'kpy ko Tios pyaye'ey ijxtëm pyaat'atyën ets kopkpëky ko mtëkëtëty ma ja kyutujktaknën, jä'ä ko yë'ë tyam mku'ëyo'owëtëp.

1 Tesalonicenses 1:6

Miitsëty jëtu'un ojts winë xytyuntë ijxtëm pyäätyën, ijxtëm ëëts winë të ntuntën ets ijxtëm ja Wintsën të nnajtstunën ets tëë xykyupëktë ja aaw ayuk mëët ja xoontakën mëti'ipë Kënu'kxymyëkajtën yajkën ma ënäty m'ëyow mjotëkoytyën.

2 Corintios 8:2

Oy wi'ix të jyat të kyëpätë, akujk jotkujk yajpaatë; oy ja wit meeny mëj këjää të tkamëët'atë, jëtu'un ja putëjkën tyaktë ijxtëm jeexyë kyumeeny'atën.

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënäty ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Tios ja kyutujkënën, kopkpëky ko nku'ëyo'owëmëty.

Lucas 14:15

Ko ya'atë tmëtoowtë, tu'uk mëti'ipë ënäty jam yajpatpën t'ënëmaay ja Jesús: Akujk jotkujk ja'ay yajpaaty mëti'ipë kääpy ukpën ma Tios ja kyutujktaknën.

Lucas 13:28

Ënät ja ja'ay nëjkx jyë'ëtë ya'axtë ets nyätyëtskääpëtëty ko t'ixtëty ja Abraham, Isaac, Jacob ets ni'ëmukë ja Tios ja kyäjpxynyajxpëtëjk, jap ma Tios ja kyutujktaknën, tyam ënäty miitsëty ni'ikyë të myaj'ëxwojptëpë.

Lucas 4:18

Ja Tios ja Jyot jya'awën ëjts nmëët'ajtëp, etsës të xypyëjktä'äky ma ja ëyoopëja'ayën etsës ntuk'ëwaanëtëty ja oy aaw oy ayuk, tëëjës xykyexy etsës n'ëwaanëty wi'ix tu'ukyë y'itëty mëti'ipë ijtëpën ijxtëm ja ja'ay pujxn tëkotypyën, ets y'ijxë'ëktëty ja kupi'its kukootspë, ets y'ëwaatsëpëtsëmtëty mëti'ipë yajtëytyuun yajtsaatsytyuuntëpën.

Mateo 11:5

Tukmëmëtya'aktë ko ja ja'ay wiintspë y'ixë'ëktë, ko ja pajk ma'atpë ye'eytyë, ko ja pu'uts mëëtpë tsyo'oktë, ja natpë tëë myëtoowpëktë, ja o'kpë tëë jyuukpyëktë ets ko ja ëyoopëja'ay ja oy aaw oy ayuk yajtuk'ëwaanëtë.

Zacarías 11:11

Jä'ä xëëw ojts tyëkoy ja käjpxytyu'unën ets ja ajuupyëtëjkëty mëti'ipës ënäty jam xy'ijxtëpën, ojts tja'akyukëtë, ko ja Wintsën jä'ä jyanikäjpxyp mëti'ipë tyunäämpyën maas ënäty jam winë ntunyën nkäjpxyën.

Isaías 66:2

Ëjts ojts winë nyajkojta'ayës, ets jëtu'un ojts tsyo'onë'ëky tsyo'ontä'äky. Ëjts, Wintsën, ëjts ënaanp.

Proverbios 19:1

Nikë oy ko ja'ay y'ëyoy ets mëtëy jyuuky'äty, ets këtii ko tsuu poj jyä'äy'äty ets ëxëëk ja jot winma'any tmëëtëty.

Proverbios 16:19

Jaakni'ik y'oyëty ko yë ja'ay nyäpyëjktä'äkyë yu'unk naxym, jëtu'un tä yë ëyoopëja'ayën; ets këtiinëm ko kumeeny y'awinpitëty mëët ja ja'ayëty mëti'ipë je'eyë nämyëjja'awëtëpën.

1 Samuel 2:8

Tios yajkumeenytyäkpy yë ja'ay mëti'ipë ëyoop jotëkoopyën, ets yajjotkujktäkpy yë ja'ay mëti'ipë o'ktëy yajpatpën. Jam tyajnaaxweetsy ma ja'ay mëj'äämpyëtypë kyäytyën y'uuktën. Jä'ä ko yë Wintsën yë'ë nyiwintsën'ajtyp yë naaxwiinyëtë ets yë'ë kyuwäämpy kyë'ëjotm

Lucas 16:25

Tääts ja Abraham y'ënëmaayë: U'unk, yë'ë mja'amyätsëp ko mijts akujk jotkujk të mjuuky'äty naaxwiiny; yë Lázaro, tëë y'ëyoy; e tyam, tëë tpaaty ja jotkujk'ajtën; mijts tyam mtuka'ajëp ets mëk m'ëyowëty.

Salmos 37:16

Yë yiinpë wäänpë tmëët'atën yë oyjyä'äytyëjk, oy yë jëtu'unpë ni'ik këtiinëm yë ëxëëkja'aytyëjk ko kyumeeny'atë.

Mateo 5:1

Ko ja Jesús t'ijxy ja mayjyä'äy, ënät pya'tëjkëy jam kopkkëjxm ets ojts nyaaxweetsy. Jamts ja y'ijxpëjkpëtëjk myëwinkoonë.