Lucas 6:13 - Biblia Mixe de Quetzaltepec

¹³ Ko xyiinytyäky ënät tyaxtsooy ja y'ijxpëjkpëtëjk ets twinwijtsy nimajkmäjtsk mëti'ipë ojts txëëwmo'oyën ayukkajpxwa'kxpë.

Biblia Dc en Mixe de Quetzaltepec

¹³ Ko xyiinytyäky ënät tyaxtsooy ja y'ijxpëjkpëtëjk ets twinwijtsy nimajkmäjtsk mëti'ipë ojts txëëwmo'oyën ayukkajpxwa'kxpë.

Lucas 6:13 ပူးပေါင်းရင်းမြစ်များ

Mateo 10:2

Tyaa xyëëw myintë ja majkmäjtskpë Jesús y'ijxpëjkpëtëjk: Simón, mëti'ipë näjyëtu'un yajtijpën Pedro ets ja y'uty Andrés; näjyëtu'un ja Santiago ets ja y'uty Juan, mëti'ipë Zebedeo tyeety'ajtëpën;

Mateo 19:28

Tääts ja Jesús y'ëtsoowëtë: Tëy miits n'ënëëmëtë, ko ënäty winë y'ajemyëtyä'äy, ma ja naaxwiinyëtë ja'ay ja y'U'unk ja kyutujkën tpëkyën ets nyaaxwäätsëty ma ja oypyë tsujpë ja y'ënyääypyäjnën; ets miitsëty mëti'ipëjaty të xymyëpëktënës mnaaxwä'tsta'atëty ma ja majkmäjtskpë ja ënyääypyäjnën ets xypyaye'eytyëty ja nyëë pyokyëty ja Israel ja'ayëty nimajkmäjtsk teetypë.

Mateo 9:36

Ko ja Jesús t'ijxy ja mayjyä'äy, tääts tpa'ëyooy ko tëë y'ënu'kxëtë ets ka'ap ja mëtakën t'ëkmëët'ajnëtë, jëtu'un tä may kupixynyën mëti'ipë ka'ap ja nyi''ijxpë nyikëwent'ajtpë.

Marcos 6:30

Tääts ja ijxpëjkpëtëjk ye'eymyujktë mëët ja Jesús ets tukmëmëtyaktaaytyë tiijaty ënäty të tuntën ets tii ënäty të tuk'ijxpëktën ja ja'ay.

Marcos 6:7

Ojts ja Jesús tyaxë ja y'ijxpëjkpëtëjk nimajkmäjtskpë, ënät tkejxy nimäjtskjaty, ets ja kutujkën tmooy ets t'ixkäxtëty ja ku'oypyë.

Lucas 11:49

Paaty ja Tios mëët ja wijyajtën të y'ënä'äny: Ntuknikäxantëp ja nkäjpxynyajxpës ets ja n'ijxpëjkpëtëjkës, je'eyëp ko nëjkxëp xyaj'ooktë ets xy'ixjëtit xypyajëtitë.

Lucas 22:30

Ets jam mkaytyëty m'uuktëty maas ja nkaaypyäjnën mëti'ipë yajpatpën maas yë nkutujktaknën, ets mnaaxwäätstëty ma ja kutujktaknën ets xypyaye'eytyëty ja majkmäjtsk pëkpyë ja Israel ja y'u'unk y'ok.

Lucas 6:14

Tam ënäty ja Simón, mëti'ipë Jesús ojts yajxëëwpetyën Pedro, ja y'uty ja Andrés; tam ja Santiagë mëët ja Juan, Felipe, Bartolomé,

Juan 4:33

Tääts ja y'ijxpëjkpëtëjk nyäyajtëëwëtë nixim niyam: ¿Wä'än jëtää pën kääky uuky të myo'oyë?

Hechos 1:13

Ko jyajtë jam kajpnjotm, tääts pyäjtë tëjkëjxm ma jyajta'aktën. Tap ja Pedro, Juan, Santiagë, Andrés, Felipe, Tomás, Bartolomé, Mateo; Santiagë, mëti'ipë Alfeo y'u'unk'ajtypyën; Simón, mëti'ipë ja zelotë winma'any tyuk'ijtëpën ets ja Santiagë, mëti'ipë Judas y'u'unk'ajtypyën.

Efesios 2:20

Jëtu'un miitsëty ijxtëm ja potsyën; ets ja ijxpëjkpëtëjk ets ja Tios ja kyäjpxynyajxpëtëjk jëtu'un ijxtëm ja potsy ëjxën; ja Jesukristë yë'ë jëtu'un ijxtëm ja tsaajën mëti'ipë ja potsy myëtënääpyën.

Efesios 4:11

Yë'ë pyëjktak ja ja'ay ets ja oy aaw oy ayuk tkajpxwa'kxëty, wiinkpë Tios kyäjpxynyajxpë'atëty, wiinkpë tkajpxwa'kxëty ja oy'aaw oy ayuk, wiinkpë ja mëpëjkpëtëjk t'ijx'it tkëwent'atëty ets ja wiinkpë yaj'ixpëkëty.

Hebreos 3:1

Paaty mëku'uktëjkëty, ninu'un ja Tios mja'ay'atëtën, tëëpë yajyaxtsowtën, pëjkta'aktë mjootjoty mwinma'anyjyotyëty ja Kristë Jesús, ja ayukkajpxwa'kxpë, ja mëj teety wintsën.

2 Pedro 3:2

Ja'amyätstë mëti'ipë ja Tios ja kyäjpxynyajxpëtëjk jyääywyë'ëmtën tëëyëp, ets ënä'ämën tëyajtën mëti'ipë ja oy ayuk käjpxynyajxpëtëjk nyimëtyaktën.

Apocalipsis 12:1

Ënät kyëxë'ky tu'uk ja mëj ijxpät jam mëjtsajpwinm: tu'uk ja to'oxytyëjk tyänë xëëw nijuuxy po'okëjxm. Jëtu'un nyi'kx kyopk ijxtëm xëëw y'änyën ets tam yë kyujän, majkmäjtsk ja matsa'a tmëëtëty.

Apocalipsis 18:20

Mijts, tsajpjotmëpë yajpaatën, xoonta'aktë mëët ko jëtu'un të jyäty tääpë kajpn; ets miitsëty wa'ats kajpnëty, ayuk kajpxnajxpëty, käjpxynyajxpëtëjkëty xoonta'aktë jä'ä ko tëë ja Tios tuny ja paye'eyën ko të tyajkutëkoy tääpë kajpn.

Apocalipsis 21:14

Ja potsy mëti'ipë nyapots'ajtypyën ja kajpn, majkmäjtsk ja tsaa tmëëtëty mëti'ipë y'ëjx'ajtypyën. Japts kyuja'ayëty ja Jesús ja y'ijxpëjkpëtëjk ja xyëëwëty.