Lucas 6:12 - Biblia Mixe de Quetzaltepec

¹² Jää po'o ja Jesús ojts nyijkx Tios mëkajpxpë kopkëjxm, tu'ktsu'um ja Tios ojts tja'amyetsy.

Biblia Dc en Mixe de Quetzaltepec

¹² Jää po'o ja Jesús ojts nyijkx Dios mëkajpxpë kopkëjxm, tu'ktsu'um ja Dios ojts tja'amyetsy.

Lucas 6:12 ပူးပေါင်းရင်းမြစ်များ

Salmos 22:2

Tios mëti'ipës nTios'ajtypyën, xëëny koots njamëkäjpxy, e mijts ka'ap ma m'ëtsoy. Ëjts ka'apës yë po'kxën n'ëk'ijxnë.

Isaías 26:9

Winë aaw winëjot mijts nmëmëkxejy koots tsu'um; jam ja njot nwinma'anyës tyimyajpaaty ma mijtsën. Ko ënäty mijts xynyipaye'ey ja nëë poky naaxwiiny naaxkëjxy, jää nëjkx ja ja'ay nijawëtë mëti'ipë mëtëy nipaye'eyën'ajtpën.

Daniel 6:10

Ko yë Daniel tnija'awëy, ko tëë ja ënä'ämën yajtsa'ay, ënätyë ojts nyijkxy ma tyëjkën ets tya'ëwatsy ja tyëjk'aaw ets ja tyëjkwiin ma myä'äyën, mëti'ipë jam najts'ijxëpën maatsow yë Jerusalén kajpn wyi'imyën ets nyäkyoxtënaaytyakë ets t'ëwtajty ja Tios. Tëkëëk ijty tu'kxëëwpë nyu'kxtä'äky, jëtu'unyëm ënäty xëmë tuny.

Mateo 5:1

Ko ja Jesús t'ijxy ja mayjyä'äy, ënät pya'tëjkëy jam kopkkëjxm ets ojts nyaaxweetsy. Jamts ja y'ijxpëjkpëtëjk myëwinkoonë.

Mateo 6:6

Temë ko mijts ja Tios xymyëkajpxëty, tëkë mtëkoty, yaj'ëtuk ja mtëjk ets ja'amyäts ja Tios Teety mëti'ipë ka'ap yaj'ixyën. Ënät ja Tios Teety, mëti'ipë y'ijxypyën tii mtuumpy ayu'utsy, yë'ë mmo'ojëtëp ja kuma'ayën.

Marcos 1:35

Jopyëp, tsojk ojts ja Jesús myä'äypyëti'iky ets tsyo'ony jam kajpnjotm, Tääts ojts nyijkx Tios mëkajpxpë të'ëts'itjotm,

Marcos 3:13

Tääts ja Jesús pya'tëjkëy kopkëjxm ets ja ja'ay twoowtsooy mëti'ipë y'oyjya'apën. Tam ënäty ni'ëmukë yajpaatë.

Marcos 6:46

Ko nyäjyëkäjpxyë, tääts pya'tëjkëy kopkëjxm Tios mëkajpxpë.

Lucas 5:16

Kanaak'ok ja Jesús tnikeky ja mayjyä'äy ets ojts nyijkx jam apak itum, jamts ja Tios tja'amyejtsy.

Lucas 6:11

E ja wiink ja'ayëty ojts jyoot'anpëktë ets xim yam nyäyajtëëwëtë wi'ix ja Jesús t'ëktuntëty.

Lucas 6:17

Tääts ja Jesús tsyo'ony jam kopkëjxm mëët nimay ja y'ijxpëjkpëtëjk ets wya'ak'o'oyëy ma tu'uk ja joyën. Tam ënäty nimay ja ja'ayëty të myuktë mëti'ipë tso'ontëpën Judea y'itjotm, Jerusalén ets mejy ëkë'ëmpë tsyoontën ma ja Tirë kajpnën ets Sidón kajpnën.

Lucas 9:18

Jam ënäty tëkok ja Jesús ja Tios tja'amyetsy nätyu'uk, ënät ja y'ijxpëjkpëtëjk tyajtëëy: ¿Wi'ix yë ja'ay y'ëna'antë, pën ëjts?

Lucas 9:28

Tuktujk xëëwëp ënäty ja Jesús jëtu'un myëtyä'äky, ko pya'tëjkëy kopkëjxm Tios mëkajpxpë. Wyoow ja Pedro, Santiagë ets ja Juan.

Lucas 9:29

Ko ja Jesús ënäty ja Tios jam tmëkäjpxy, tääts ja wyiin jyëjp tyëkajtsy ets janty ajajp atë'kxp ja wyit yaj'ixy.

Juan 6:3

Ënät ja Jesús pya'tëjkëy ma tu'uk ja kopkën ets jam nyaaxwe'tsy mëët ja y'ijxpëjkpëtëjk.

Colosenses 4:2

Xëmë ja Tios xyjyä'ämyätstëty. Wijy kejy mnäyaj'itëtëty ets mo'otë ja Tios ja kukajpxën.

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Tios, pën mëpaat yaj'ëwaatspëtsëmyë ma ja o'kënën, e ja Tios wa'ats ojts myëtoyë jä'ä ko kyäjpxykyupëky.

1 Samuel 15:11

Okës tyam njamëkjawë koos ojts yë'ë Saúl npëjktä'äky ënä'ämpë, yë'ë ka'apës xy'ëkmëj'ijxnë ets ka'apës xy'ëkmëmëtoownë. Samuel ojts jyoot'anpëky, ka'ap t'oyja'awëy ko jëtu'un ja Wintsën y'ënëmaayë, paaty ojts tu'ktsu'um wyanë tsyowë Tios wyintuuy.