Lucas 5:25 - Biblia Mixe de Quetzaltepec

²⁵ Ënätyë ja pa'amja'ay pyëti'ky mayjyä'äy itkujky, ojts tkëëyi'iky ja myaapäjn ma ënäty të kyo'knën ets ojts nyëjkxnë ma tyëjkën, tmëjjaw tjaantyjyawë ja Tios.

Biblia Dc en Mixe de Quetzaltepec

²⁵ Ënätyë ja pa'amja'ay pyëti'ky mayjyä'äy itkujky, ojts tkëëyi'iky ja myaapäjn ma ënety të kyo'knën ets ojts nyëjkxnë ma tyëjkën, tmëjjaw tjaantyjyawë ja Dios.

Lucas 5:25 ပူးပေါင်းရင်းမြစ်များ

Juan 9:24

Ojts ja jutiis ja'ayëty jatëkok twowtë ja mëti'ipë ënäty wiints të y'ityën ets t'ënëmaaytyë: Tuk'ëwa'anëtëkës ja tëyajtën ma Tiosën, ëëtsëty nija'awëtëp ko ya'atë ja'ay pokyjyä'äy yë'ë.

Lucas 18:43

Ënätyë ja wiints y'ijxpëjky ets tpatso'ony ja Jesús ets tmëja'aw tkënu'kxyja'awëy ja Tios; ko ja mayjyä'äy jëtu'un t'ijxtë ojts ja Tios tmëjjaw tkënu'kxyjyawëtë.

Lucas 13:13

Tääts ojts tkë'ënixajy ets kyoowkujkëy, ojts ja jyëxk tyiy ets ja Tios tmëjja'aw tjaantyja'awëy.

Lucas 5:13

Ojts ja Jesús tkë'ënixajy ets t'ënëmaay: Ntsojkpyës ets mtso'okëty, tso'ok. Je'eyë ja Jesús jëtu'un y'ënaantaay ënätyë ja ja'ay ja pyu'uts nyiwatsë.

Salmos 50:23

Pën tii kyukajpxëpën, ëjts xyajmëjnajxp, nyajnitsokpyës yë ja'ay mëti'ipë juukyajtpën mëtëy.

Salmos 33:9

Ko ojts kyäjpxy, ënät ojts winë kyojy; ko ojts winë tni'ënä'ämë, ënät ojts winë wyi'imy ta'tspëky.

Génesis 1:3

Ënät yë Tios y'ënäny: wä'än tjää'aty yë kutë'kxën. Tää ja kutë'kxën ojts kyëxë'ëky.

Mateo 9:8

Mëj'ixy ja mayjyä'äy t'ijxtë ets ja Tios tmëjja'awëtyë ko jëtu'un ja ja'ay ja kutujkën të yajmo'otë.

Marcos 2:12

Pëtë'k ja pa'amja'ay ets ja myaapäjn tkëëyi'ky ets tsyo'onë mayjyä'äyjotm. Paaty ja ja'ay ni'ëmukë mëj'äämpy t'ijxtë ets ja Tios tmëjja'awëtyë tjaantyjya'awëtyë ets y'ënantë: Nijëna'a ëëts ya'atë jëtu'unpë nka'ixynyëm.