Lucas 5:23 - Biblia Mixe de Quetzaltepec

²³ ¿Mëti'ipë ka'ap tsyipëty, koos yë pa'amja'ay nëëmëty: Npokymye'kxyp mijts, ëkë koos nëëmëty: Pëtë'ëk, këëyë'ëk yë maapäjn ets nëjkxë?

Biblia Dc en Mixe de Quetzaltepec

²³ ¿Mëti'ipë ka'ap tsyipëty, koos yë pa'amja'ay nëëmëty: Npokymye'kxyp mijts, ëkë koos nëëmëty: Pëtë'ëk, këëyë'ëk yë maapäjn ets nëjkxë?

Lucas 5:23 ပူးပေါင်းရင်းမြစ်များ

Mateo 9:2

Jamts ja ja'ay jya'ajtë mëti'ipë kyiiyjya'ajtën maapäjnkëjxm tu'uk ja pa'amja'ay, kë'ëxujxpë tekyxyujxpë. Ko ja Jesús t'ijxy ja ja'ay ko mëpëjkp, tääts t'ënëmaay ja kë'ëxujxpë tekyxyujxpë: U'unk amëk jotmëk yajpaat, yë mpoky tëë yajme'kxy.

Mateo 9:5

¿Mëti'ipë ka'ap tsyipëty, koos n'ëna'anëty: Tëë mpoky yajme'kxy, ëkë koos n'ënëëmëtyë: Pëtë'ëk ets ye'ey?

Marcos 2:9

¿Mëti'ipë ka'ap tsyipëty? ¿koos yë pa'amja'ay n'ënëëmëty: npokymye'kxyp mijts ëkë koos n'ënëëmëty. Pëtë'ëk, këëyë'ëk yë maapäjn ets mye'eyëty?

Lucas 5:22

Jesús, wa'ats ënäty tnijawë wi'ix myäytyën tyajtën, paaty tyajtëëy: ¿Tii ko jëtu'un mmaytyë mtajtë?

Lucas 5:24

Tyam miits ntuk'ixtëty ko yë naaxwiinyëtë ja'ay yë y'U'unk myëët'ajtyp yë kutujkën yaa naaxwiiny ets ja poky tmä'kxëty. Tääts ja kë'ëxujxpë tekyxyujxpë t'ënëmaay: Mijts nëmääpy, pëtë'ëk, këëyë'ëk yë maapäjn ets nëjkx ma mtëjkën.

Lucas 7:48

Ets t'ënëmaay ja to'oxytyëjk: Tëë yajme'kxy yë mpoky.