Lucas 5:21 - Biblia Mixe de Quetzaltepec

²¹ Ënät ja tsajptëkotyëtë yaj'ijxpëjkpëtëjk ets ja fariseë ja'ayëty wyinmaaytyë: ¿Pën ya'atë ja'ay ko Tios tmëkajpxtëkoy? Yi'iyë Tios maayëp pyokymyä'kxëty.

Biblia Dc en Mixe de Quetzaltepec

²¹ Ënet ja tsajptëkotyëtë yaj'ijxpëjkpëtëjk ets ja fariseë ja'ayëty wyinmaaytyë: ¿Pën ya'atë ja'ay ko Dios tmëkajpxtëkoy? Yi'iyë Dios maayëp pyokymyä'kxëty.

Lucas 5:21 ပူးပေါင်းရင်းမြစ်များ

Isaías 43:25

E ëjts, mëët koos xyTyios'aty, tyamës npo'ta'aja'any mpoky ma të myajja'ay'ookyën, ets ka'apës nja'amyätsa'any ja mpoky.

Juan 10:33

Tääts ja jutiis ja'ayëty y'ëtsoowtë: Ka'ap yë'ëjëty myajtukuka'atsa'any ko tii oy xytyuny, yë'ë myajtukuka'atsaanp ko ja Tios xymyëkajpxtëkoy. Mja'ayts mijts ets Tios mnätyijyë.

Lucas 7:49

Ënät ja mëkääpyë nyäyajtëëwëtë mëti'ipë ënäty jam mëët y'u'unyëtën: ¿Pën ja'ay jëtää ya'atë? ¿Wi'ix ko poky tme'kxy?

Mateo 26:65

Ënät ja teety wintsën ja wyit tkë'tsy a'äkë ets y'ënäny: Ya'atë ja'ay, Tios yë myëkajpxtëkoopy. ¿Tii ko pën njaakwo'owmëty mëti'ipë ni'ë'ënëpën? Tëë xymyëtowtë wi'ix yë Tios tmëkajpxtëkoyën.

Salmos 32:5

Ënät të nmëmaaywyätsy ets ka'apës nitu'uk ja mpoky të nkuyu'utsy; tëës ja npoky nmaaywyajtsta'ay e mijts, Wintsën, tëës xypyokymye'kxy.

Romanos 8:33

¿Pën jëtää y'ëkni'ëënëp mëti'ipë ja Tios të twin'ixyën? Tios tëë kë'ëm tyajnaxy wa'ats.

Daniel 9:19

Wintsën, Wintsën. Mëtoow'ijtëkës ets pokymyä'kxtëkës. Ni''ijxkëtaktëk ëëtsëty ets min putëjkëtyëkës. Mëët ko mijts mTiosëty ets ko xymyëëtëty yë mnaax mkajpn, ma mxëëw yaja'amyetsyën, këtii mpo'oxy.

Daniel 9:9

E mijts Wintsën, mëti'ipës n'ëwtajtëpën, mijts tam xymyëëtëty yë poky nyimä'kxën ets pa'ëyo'owën najts ëyo'owën. Ëëtsëty wa'atsës nijawëtë ko tëë njanty kyäjpxykyumëtoownaxtë

Isaías 44:22

Tëë nimä'kxta'ayëm yë mpoky ets tëëjës jëtu'unyë nyajtëkooytyä'äy mëti'ipë të xytyuuntëkoyën, jëtu'un tä yoots pyojtëkoyën. Niwinpijtkës, tëë mijts nyajnitso'oky.

Isaías 1:18

Jëtu'un yë Wintsën y'ënä'äny: mintë, tsojk ja amay jotmay nyaj'o'oyëmë. Oyxyëp ënäty ja mpokyëty jëtu'un tä jëënpajkën mëti'ipë toopy jäämpën, ëjts poopës nyaj'awinpita'any tä tip kyä'äyën; oy ënäty jëtu'un kyëxë'knë uky witën, ëjts jëtu'unës nëjkx nyaj'awinpity poop witën, tä pixyny witën.

Salmos 130:4

E mëët yë'ë ko jam ma mijtsën npaatës yë pokymyä'kxën ets myajmëjjawë.

Salmos 103:3

Yë'ëjës xypyokywyinmä'kxp maas winë oy nkatunyën ets yë'ëjës xyajtsokp koos jëna'ajëty npëkyë n'ixyë.

Lucas 5:17

Tu'kxëëw tu'ktiempë jyäjty kyëpejty, jam ënäty ja Jesús yaj'ixpëky, tëë ënäty jam nyaaxwäätstë yë fariseë ja'ayëty ets tsajptëkotyëtë yaj'ijxpëjkpëty. Tam yajpaatë ja'ayëty mëti'ipë tso'ontëpën Galilea, Judea ets Jerusalén. Ja Jesús ni'ikyë ja Wintsën ja myëj'ajtën tyaj'ixyë ko ja pa'amja'ay tyajtso'oky.

Mateo 9:3

Ënät myäytyë tyajtë ja ja'ayëty mëti'ipë ja ënä'ämën tëyajtën nyiwintsën'ajtëpën: Ijxtëm kyäjpxyën myëtyä'äkyën, Tios yë'ë myëkajpxtëkoopy.

Miqueas 7:19

Mëët'at jatëkok ja pa'ëyo'owën najts'ëyo'owën mëët ëëtsëty ets naaxnijääp ëëts ja n'ëxëëktu'un n'ëxëëk kajpxënëty. Jap kupëjknajxta'a këkmejyjoty ëëts ja nkäjpxykyutëjënëty.

Salmos 35:5

Wä'än jëtu'un tjatë tkëpätë tä pu'uxm wyimpapojyën, mëti'ipë yë tsajpjotmëtë kukäjpxy të t'ëxkexyën.

Lucas 3:8

Yajxon mja'ay'atëty ets xyajnikëxë'ëkëty ko të mjootwinpitë, këtii kë'ëm mnäy'ëna'anëtëty: Abraham ëëtsajtëm xy'u'unk'ajt xy'ok'ajtëm. Ëjts, jëtu'un yam miits nëëmëtë ko Tios jyëkyejpy yë tsaa tyaj'awinpitëty Abraham y'u'unk y'ok.

Lucas 5:22

Jesús, wa'ats ënäty tnijawë wi'ix myäytyën tyajtën, paaty tyajtëëy: ¿Tii ko jëtu'un mmaytyë mtajtë?