Lucas 5:1 - Biblia Mixe de Quetzaltepec

¹ Jam ënäty ja Jesús tëkok yajpaaty ma tu'uk ja nëë'akëyë nëëpa'ajën Genesaret xyëëwajtyp. Jamts ja mayjyä'äy myiintë mëpaatëp ja Jesús t'atijmujknëtë ko tmëtoow'ita'antë ja Tios ja y'aaw y'ayuk.

Biblia Dc en Mixe de Quetzaltepec

¹ Jam ënety ja Jesús tëkok yajpaaty ma tu'uk ja nëë'akëyë nëëpa'ajën Genesaret xyëëwajtyp. Jamts ja mayjyä'äy myiintë mëpaatëp ja Jesús t'atijmujknëtë ko tmëtoow'ita'antë ja Dios ja y'aaw y'ayuk.

Lucas 5:1 ပူးပေါင်းရင်းမြစ်များ

Números 34:11

e jam Sefam tsyoonëty ets jya'tëty Riplá mëti'ipë jam xëëwpëtsëmtsyow yajpatpën ma txëëwatyën Aín; jam tsyoonëty ets kyujënajkä'äkëty xëëwpëtsëmtsyow ma ja Cineret mëjmejyën.

Mateo 11:12

Ma jyuuky'ätyën yë Juan Yajnëëpäjtpë ets tyampaat, yë tsajpjotmëpë kutujkën mëk tsyippaaty. Mëti'ipë kumëjaaw näjya'awëyëtëpën ëxëëk tjanty ixtë ets tyim yajkutëkoyantëp.

Mateo 14:34

Ko tuknajxtë ja mejy ets jyajtë Genesaret y'itjotm.

Marcos 3:9

Jä'ä ko ja ja'ay nyimayëty, paaty ja Jesús ojts t'ënëëmë ja y'ijxpëjkpëtëjk ets t'ëxta'atëty tu'uk ja kepy nëëwinye'epyë këtiipë mayjyä'äy y'atijmukëtëty,

Marcos 4:1

Ënät jatëkok ja Jesús yaj'ijxpëjktso'ony mejypyë'am. Jä'ä ko ja ja'ay nëkooyë nyimay'ajnëtë mëti'ipë ojts ye'eymyuktën ma ja Jesús jamën, ënät tyëjkëy kepy nëëwinye'epyëjoty mëti'ipë ënäty japën nëëjoty. Ënät nyaaxwe'tsy ets ja mayjyä'äy wyë'ëmtaaytyë jam nëëpë'am.

Marcos 5:24

Tääts ja Jesús ojts mëët nyijkxy ja Jairo. Nimay ja ja'ay ojts pyatsoonyë; yajxon y'atijmujkënë mayjyä'äy.

Marcos 6:53

Ko tuknajxtaaytyë ja mejy jam ojts jya'të ma Genesaret nyaaxjotmën. Jam ja kepy nëëwinye'epyë tkutsuumtë nëëpë'am.

Lucas 12:1

May ja ja'ay nyëëpäjtë, nëkooyë nyätyij nyäkyojtënëtë xim yam. Tääts ja Jesús ja y'ijxpëjkpëtëjk tmëëtmëtyaktso'ony jëwyiin: Näkyëwent'atëtë, ijxkëm ko mtukpaatëtë ja fariseë ja'ay ja wyinma'anyëty, yë'ëjës ntijpy ko je'eyë wyin'ëëntë.

Lucas 5:2

Tääts ja Jesús t'ijxpaty mäjtsk ja kepy nëëwinye'epyë mejypyë'am. Tukwa'ats ënäty, ja ajkxmajtspë tëë ënäty jap pyëtsëmtë, ja tsyääy jam pyujtëp.

Lucas 8:22

Tëkok ja Jesús ja y'ijxpëjkpëtëjk t'ënëmaay: Oy nja'amëty jamtsow mejypyë'am. Ënät tyëjkëtyë kepy nëëwinye'epyëjoty ets ojts nyëjkxtë.

Lucas 8:23

Jam ënäty mejy itkujkm nyëjkxtë ko ja Jesús myaanajxy ets ja mëkpoj myiiny ets ja nëë jap kepy nëëwinye'epyëjoty kyujä'tsëy, mëpaatëp kyiinëtë.

Lucas 8:33

Tääts ja ku'oypyë pyëtsëëmtë ma ja ja'ayën ets tuktëjkëtyë ja ëtsëm. Ënät ja may ëtsëm kyupëyë'knajxtaaytyë ja'awjoty ets nëëjoty kyëtaktaaytyë. Japts jyi'kxtaaytyë.

Lucas 8:45

Ënät ja Jesús tyajtëëy: ¿Pënës të xytyony? Ko ni pën tkakupëjky ets ja Pedro y'ënäny: Wintsën, jëtu'unyë ja'ay m'atij m'akotëty.

Juan 1:40

Tu'uk ja nimäjtskpë mëti'ipë ënäty të tmëtoow'itën ja Juan ets të tpatsoontë ja Jesús, Andrés xyëëwajtyp, Simón Pedro myëkä'äx.

Juan 6:1

Ko wäänë y'ijty, ënät ja Jesús ojts nyijkx jamtsow nëë'awinm Galilea mejypyë'am, mëti'ipë näjyëtu'un yajtijpën Tiberias.

Deuteronomio 3:17

Yë'ëjës ojts näjyëtu'un nmo'otë yë Arabá, ëpa'tkë'ëytsyowpë ja naax kam yajpaatyën, ma ja Piskë kopkën ets jam jyëjpkëjxy ma ja Jordán mëjnëëjën. Jam tsyo'ontä'äky ma ja Cineret mëjmejyën ets jyëjpkëxy jam ma ja Arabá mëjmejyën, yë'ë mëti'ipë näjyëtu'un yajtijpën Ooky myëj mejy.

Hebreos 13:7

Ja'amyätstë mëti'ipë të mkajpxwijëtën ets të m'ëwa'anxëtën ja Tios ja y'aaw y'ayuk. Mëmay mëtajtë wi'ix ja jyuuky'ajtënëty të kyukëxëtë ets patuntë ijxtëm ja mëpëjkën të tmëët'atën.

Josue 12:3

Yë'ë ënäty näjyëtu'un jyä'äniwäämpy ja jampë joyjyot yajpaatyën a'oytsyow ma ja Jordán mëjnëëjën; tsyo'ontä'äky jam ma ja Quinéret mëjnëëjën ets tyimja'ty ma yajtijyën Ooky mëjmejy matsow yajninëjkxyën ja Bet-jesimot ets kyuye'eynyäxy, nyijkxy ëpa'tkë'ëmtsow ets jyä'ty jam ma Pisgá kopkën.

Josue 13:27

Ma ja joyjyotën yë'ë ojts tjä'ä'atë ja Bet-aram, Bet-nimrá, Sucot ets ja mëti'ipë yajtijpën Zafón, mëti'ipë ënäty tu'ukyë wë'ëmpën mëët mëti'ipë yë Sihón nyitënääpyën, mëti'ipë jam yajkutujkpën Hesbón. Paaty ja y'it nyaaxwiinyëtëty jampaat ënäty y'ëwtity ma ja Jordán mëjnëëjën ets tyimja'ty ma ja Quinéret mëjmejyën.