Lucas 4:8 - Biblia Mixe de Quetzaltepec

⁸ Tääts ja Jesús y'ëtsooy: Jëtu'un ja Tios ja y'aaw y'ayuk kyëxja'ayëty: Mwintsë'ëkëp yë Wintsën ets yë'ë tu'ukyë m'ëwtatëp ets mmëtunëp.

Biblia Dc en Mixe de Quetzaltepec

⁸ Tääts ja Jesús y'ëtsooy: Jëtu'un ja Dios ja y'aaw y'ayuk kyëxja'ayëty: Mwintsë'ëkëp yë Wintsën ets yë'ë tu'ukyë m'ëwtatëp ets mmëtunëp.

Lucas 4:8 ပူးပေါင်းရင်းမြစ်များ

Deuteronomio 6:13

Yë Wintsën yë'ë m'ëwtatëp ets mëtuntëp xëmë ets ko tii xynyikajpxa'antëty mëët yë kutujkën, yë Tios yë xyëëw myajtuunëtëp.

Deuteronomio 10:20

Winkutsë'ëkëtë yë mWintsën ets ëwtatë yi'iyë tu'ukyë. Mëtuntë oy yajxon ets pën tii ayuk mnikäjpxantëp mëët yë kutujkën, yë'ë xyëëw myajtuunëtëp.

Mateo 4:10

Ënät ja Jesús y'ëtsooy: Nëjkx mëjku'u, jëtu'un ja Tios y'aaw y'ayuk kyëxja'ayëty: wintsë'ëkë mWintsën Tios. Yë'ë tu'ukyë m'ëwtatëp ets xymyëmëtowëty.

Apocalipsis 19:10

Täätsës nnäkyoxtënaaytyakë tsajpjotmëtë kukäjpxy wyintum ets nwintsë'ëkëja'anyës e yë'ë je'eyës xynyëmaay: Këtii jëtu'un m'ëtë'ëtsy. Tiosës näjyëtu'un xytyuunpë'ajtp, ijxtëm mijtsën ets ijxtëm ja mmëku'uktëjkën mëti'ipë pyanëjkxtëpën ja aaw ayuk mëtëypyë, mëti'ipë ja Jesús kyajpxwa'kxën. Winjawë wintsë'ëkë ja Tios y'itëty. Ets jyaak'ënany: Ya'atë tëyajtën, yë'ë ja Tios ja kyäjpxynyajxpëtëjk winma'anymyooyë.

Salmos 83:18

Jëtu'un nijawëtëty ko mijts tu'ukyë mWintsën'ajtp, ko mijts tu'ukyë Ni'ik Këjxmëpë ma tëkokyë yë naaxwiinyëtë y'ëwtityën.

Apocalipsis 22:9

Tääts xynyëmaayës: Këtii jëtu'un m'ëtë'ëtsy. Tiosës xytyuunpë'ajtp, näjyëtu'unës ijxtëm mijtsën, ijxtëm ja mmëku'uktëjkën mëti'ipë ja Tios ja y'aaw y'ayuk kyajpxwa'kxëtëpën ets näjyëtu'unës tä mëti'ipë myëjpëjktaktëpën ja jaaypyetypë myinyën ma ya'atë nokyën. Wintsë'ëkë ja Tios.

Santiago 4:7

Näkyë'ëyakëtë ëmuumtu'ukjot ma Tiosën. Ka'ap xykyupëktëty ja mëjku'u, ënät mkukä'äkëtëty.

Lucas 4:4

Ënät ja Jesús y'ëtsooy: Jëtu'un ja Tios ja y'aaw y'ayuk kyëxja'ayëty: ka'ap ja'ay yi'iyë tsajpkääky timtyukjuuky'atëty.

1 Samuel 7:3

Paatykyëjxm ja Samuel t'ënëmaay tëkokyë ja naax kajpn: Pën miitsëty winë aaw winëjot yë Wintsën mnätyukë'ëtëkëtë ets pën mju'taaytyëp ja wiink tios ma mjëën mtëjkëtyën tä yë Astarté mëti'ipë wiink ja'ayëty y'ëwtajtëpën. Ets ja jyuukyajtën yë'ë Wintsën tmo'otëty ets yë'ë y'ëwtatëp. Yë Wintsën nëjkxëp myajtso'okëtë ma filistejë ja'ayëty tyam ëxëëk mtunëtën, pën mkumaaytyëp yë Wintsën ets pën mëjpëjktaktëp.

1 Pedro 5:9

Winkuwa'akëtë mëk mëët ja mëpëjkën ja mëjku'u, mnija'awëtëp miits ko ja mmëku'uktëjkëty näjyëtu'un tmënax tyajnaxtë ja ëyo'on jotmay mëti'ipë ijtëpën yajpatëpën oymyaajëty.

Mateo 16:23

Tääts ja Jesús wya'akwinpijty ets t'ënëmaay ja Pedro: Winwa'ktutkës mijts. Jëtu'un mkäjpxy ijxtëm yë mëjku'u tsokyën. Je'eyës mijts xy'atsipy. Ka'ap mwinma'any jyëtu'unëty ijxtëm yë Tiosën; jëtu'un mijts mwinma'any ijxtëm yë ja'ayën.

Isaías 2:11

Ja mëti'ipë ënäty amëj akëjxm të nyäjyawëtën, winta'ak naaxkow yajpaata'antë; mëti'ipë mëj'äämpy të y'itën je'eyë nëjkx yaj'atään yajtuktääntë. Yë'ënëm ja Wintsën nëjkx ja myëj'ajtën tyaj'ixyë,

2 Reyes 19:15

ënät ja Wintsën t'ënëmaay: Wintsën mëti'ipë y'ëwtajtëpën yë Israel ja'ayëty, ma xyaj'ityën ja mkutujktakn jampë itkujky yajpaatyën ma käkn mëëtpë ja mkukajpxpën: mijts tu'uk mwintsën'ajtp ma tëkokyë yajkutujkpëtëjkën mëti'ipë tuuntëpën naaxwiiny naaxkëjxy; mijts myajkoj yë tsajp ets naaxwiinyëtë.

Lucas 4:7

Pën xywyinkuxtënääpyës, aakmijts mjä'ä'atëp.