Lucas 4:15 - Biblia Mixe de Quetzaltepec

¹⁵ Kajpnkajpn ijty yaj'ixpëky maajëty ja tsajptëjkën ets ni'ëmukë ja ja'ay tmëjjaw tjaantyjyawëtë.

Biblia Dc en Mixe de Quetzaltepec

¹⁵ Kajpnkajpn ijty yaj'ixpëky maajëty ja tsajptëjkën ets ni'ëmukë ja ja'ay tmëjjaw tjaantyjyawëtë.

Lucas 4:15 ပူးပေါင်းရင်းမြစ်များ

Mateo 4:23

Tääts ja Jesús t'aye'ey ja kajpn Galilea y'itjotm ets yaj'ixpëky ma ja tsajptëjkën maajëty tu'uktu'uk ja kajpnën, tuk'ëwaanë ja ja'ay ja oy aaw oy ayuk ma ja kutujkën tsajpjotmëpë yajnimëtyä'äkyën ets ni'ëmukë ja pa'amja'ay tyajtsoky.

Mateo 9:8

Mëj'ixy ja mayjyä'äy t'ijxtë ets ja Tios tmëjja'awëtyë ko jëtu'un ja ja'ay ja kutujkën të yajmo'otë.

Lucas 13:10

Tëkok jyäjty kyëpejty jam ënäty ja Jesús yaj'ixpëky po'kxënxëëwëtë tsajptëkotm.

Marcos 1:45

E ja ja'ay ni'ikyë ojts tmëtyaakwä'kxy wi'ix ënäty të tsyo'okyën. Paaty ja Jesús ka'ap oymyaajëty y'ëktëjkënë kajpnjoty, jëkäm jyëtity ma apak itën. Oyjyënu'un jyajëkämëty, ninëjkxëp ja ja'ay, oy tyimmaajëty tsyoontë.

Marcos 1:39

Jëtu'un ja Jesús t'aye'eytyääy ja kajpn Galilea y'itjotmëpë ets ja Tios ja y'aaw y'ayuk tkajpxwa'kxë jam tsajptëkotm ets t'ixkejxy ja ku'oypyë.

Marcos 1:27

Mëj'ixy ja mayjyä'äy t'ijxtë ets jaxim jayam nyäyajtëëwëtë: ¿Tii jëtää ya'atë? Jempyë ijxpëjkën ya'atë ets kutujkën mëët, ku'oypyë paat t'ëne'emy ets myëmëtoyë.

Mateo 13:54

ets ojts jyä'ty kyajpnjoty. Jam ojts yaj'ijxpëjktsoony tsajptëkotm. Janty mëj'ixy ja ja'ay tja'awëtyë ets y'ënantë: ¿Ma ya'atë ja'ay jëtu'unpë ijxpëjkën të tjaty? ¿Wi'ix myäyë mëj'ajtën tyaj'ixëtëty?

Mateo 9:35

Tyukjëtijtëtyääy ja Jesús ja naax kajpn mëj mutsk ets yaj'ixpëky tsajptëkoty maajëty tu'uktu'uk ja kajpnën ets tuk'ëwaanë ja ja'ay aaw ayuk oypyë ma Tios kyutujkën yajnimëtyä'äkyën ets tyajtso'oky oymyëti'ipë pa'amëty ets pëjkën ato'onën.

Isaías 55:5

Nëjkxëp xyajminy wiinkëtypë naax kajpn mëti'ipë ënäty ka'ap të xy'ixy'ätyën ets ja naax kajpn ka'apë m'ixy'ätyën, pëyi'ikyë nëjkx mniminyë, jä'ä ko mëti'ipë Wintsën'ajtpën, ja wa'ats Tios, mëti'ipë jam yajpatpën ma Israel kajpnën, tëë nyajmëjnaxy.

Lucas 4:16

Ja Jesús ojts nyijkx jam Nazaret, ma ënäty të yeeky të pyetyën. Ko tpaty ja po'kxënxëëw, ënät ojts tyëkë jap tsajptëkoty, ijxtëm ijty tuunk'atyën, tääts wya'kujkëy ets ja Tios ja y'aaw y'ayuk ojts tkajpxë.