Lucas 3:11 - Biblia Mixe de Quetzaltepec

¹¹ Ets ja Juan y'ëtsoowëtë: Pën mäjtsk myëët'ajtyp ja wyit xyox, wä'än tmo'oy tu'uk mëti'ipë jyä'ä ka'ijtpën; pën myëët'ajtyp ja jyi'kxy pyiky, wä'än tmo'oy mëti'ipë jyä'ä kaka'atpën.

Biblia Dc en Mixe de Quetzaltepec

¹¹ Ets ja Juan y'ëtsoowëtë: Pën mäjtsk myëët'ajtyp ja wyit xyox, wä'än tmo'oy tu'uk mëti'ipë jyä'ä ka'ijtpën; pën myëët'ajtyp ja jyi'kxy pyiky, wä'än tmo'oy mëti'ipë jyä'ä kaka'atpën.

Lucas 3:11 ပူးပေါင်းရင်းမြစ်များ

Ezequiel 18:7

ka'ap jyiiky myëku'uk tyaj'ëyoy, myoopy jatëkok ja myëku'uk mëti'ipë të t'amëtoyën ko të tyajnu'kxy; ka'ap pën tmeetsy; yajwä'kxyp yë kyääky y'uuky ma ja'ayën mëti'ipë yuu'o'këpën ets xyojxyp mëti'ipë niwa'ats ëxwa'atsën.

Daniel 4:27

Paaty n'ënëëmë mijts yajkutujkpë ets xypyatunëty tëkokyë mëti'ipë yam ntukwinjawëjäämpyën: mëtëy winë tun ets këtii m'ëk pokytyuunë; ëxmats yë ëxëëktu'un ëxëëk kajpxën ets putëkë yë ëyoopëja'aytyëjk. Jëtu'un jeky mjuuky'atëty ets akujk jotkujk myajpaatëty.

Mateo 25:40

Ënät ja yajkutujkpë y'ëtsowa'any: Tëy miits n'ënëëmëtë, ko të xytyuntë tu'kë'ëyë ja oypyë ja tu'unën kajpxën ma ja'ayëtyën mëti'ipë ënäty yajpatëpën ëmaay amutsk, ëjts jëtu'un të xymyëtuntë.

Lucas 11:41

Putëkëtë ja ëyoopëja'ay ëmuumtu'ukjot ets jëtu'un ja mjot mwinma'any wya'atstëty.

Lucas 18:22

Ko Jesús jëtu'un tmëtooy, tääts t'ënëmaay: Tap ja tu'uk mëti'ipë mtëkoy'ajtxëpën. To'kta'a winë mëti'ipë mmëët'ajtypyën ets xymyo'ojëty ja ëyoopëja'aytyëjk; jëtu'un xypyaatëty ja kuma'ayën tsajpjotmëpë ets pamiinkës ënät ok.

Lucas 19:8

Ënät ja Zaqueo wya'kujkëy ets t'ënëmaay ja Wintsën: Wintsën, tyamës nmo'ojëty ja ëyoopëja'ay kujkwä'kxy mëti'ipës nmëët'ajtypyën; pën tëëjës pën nmeetsy tyamës nyajwinpijtëty taxk jëtu'un.

Juan 13:29

E jä'ä ko ja Judas yë'ë ënäty meeny kyoonë'kpy, paaty ojts jënaakën y'ëna'antë ko ja Jesús wä'änxyëp të tkexy ja Judas juupyë këpäjtpë mëti'ipë mëyataanpën ma ja xëëw tyuna'anyën ëkë ets nëjkx tmo'oy ja ëyoopëja'ay ja näypyutëkë.

Hechos 10:2

Xëmë ja Cornelio ijty twintsë'ëkë ja Tios, näjyëtu'un mëti'ipë tsënaaytyëpën jam ma tyëjkën, pyutëjkëp ijty ja ja'ay mëët ja wit meeny ko pën kyaka'ajtxëty ets xëmë tja'amyetsy ja Tios.

Hechos 10:31

Ënätës xynyëmaay: Cornelio, tëë ja Tios ja m'aaw m'ayuk tmëtoy, y'ijxyp nyija'ap ko të xyjyä'äymyetsy ets wi'ix ja mëyajtën xytyunyën ma ja ja'ayëtyën xypyutëkën.

Hechos 10:4

Tääts ja Cornelio tsë'ëkë tsë'ëkë twin'ijxpejty ja tsajpjotmëtë kukäjpxy ets t'ëtsooy: ¿Tii?, Wintsën. Tää ja tsajpjotmëtë kukäjpxy y'ënëmaayë: Y'ijxyp nyija'ap yë Tios ko xyjyä'äymyetsy ets wi'ix xypyutëkën ja ëyoopëja'aytyëjkëty.

Efesios 4:28

Pën ijty mä'tspën, ka'ap y'ëkmä'tsnëty wä'än je'eyë tnitunë tii tsyojkpyën, wä'än tyajtuny ja kyë'ë ets tii tpaatëty mëti'ipë myo'ojëpën ja ëyoopëja'aytyëjk.

1 Timoteo 6:17

Pën yaa kumeeny'ajtëpën naaxwiiny, t'ënëëmë ets ka'ap yë'ë nyätyukyajmëjnaxëtëty ets ka'ap yë'ë tuk'ijxpätëty,; jä'ä ko yë kumeenyajtën këjxp najxp yë'ë. Wä'än ja Tios yë'ë tuk'ijxpätë, jä'ä ko yë'ë yajktääpy oy tyimtiijëty ets akëtä'äky jotkëtä'äky nwë'ëmëty.

1 Timoteo 6:18

Tuk'ënä'äm, wä'än tuntë ja oypyë, wä'än tjotkujkta'aktë ko tuntëty ja oypyë tuunk, pyutëkëtëp mëti'ipë tii ka'ijtxëtëp.

Hebreos 6:10

Jä'ä ko yë Tios mëtëy nyipaye'ey, ka'ap tja'atyëkoyä'äny mëti'ipë të xytyuntën ets wi'ix të xypyutëkëtën ja Tios ja nyaax kyajpn ijxtëm tyampaat xytyuun'ëtë'ëtstën.

Santiago 1:27

Ja mëpëjkën oypyë ets wa'atspë Tios Teety wintumpë yë'ë ya'atë: yajputëjkëp ja ku'ooky u'unk ets ja ku'ooky tyo'oxytyëjk mëti'ipë maaytyëp tajtëpën, näjyëtu'un yajputëkëty ka'apë nyäyaj'ëxëëkëtyën mëët ja ëxëëkajtën yaapë naaxwiinyëtën.

Santiago 2:14

Mëku'uktëjkëty, ¿tii nyawa'anëty ja ja'ay ja myëpëjkën pën ka'ap tii oy tuny? ¿Wä'än jëtää ja myëpëjkën yajtso'okëtëtyë?

1 Juan 3:17

Ko pën jam tii tmëëtëty winë ets ka'ap tmo'oy ja myëku'uk, oy tjatim'ixy ko ja myëku'uk tii tyajm'ëmaatyä'äky, ¿wi'ix y'ëna'ana'any ko ja Tios tsoky?

1 Juan 4:20

Pën ënaanp: Ntsojkpyës ja Tios, ets y'ëxëëk'ijxyp ja myëku'uk, win'ë'ëmp ënäty. Jä'ä ko pën kyatsojkpy ja myëku'uk mëti'ipë y'ijxypyën, ¿wi'ix'äämpy ja Tios tsoka'any mëti'ipë ka'ap yaj'ixyën?