Lucas 24:52 - Biblia Mixe de Quetzaltepec

⁵² Ënät twintsë'këtyë ets ojts xoontä'äky nyëjkxnëtë jam Jerusalén.

Biblia Dc en Mixe de Quetzaltepec

⁵² Ënet twintsë'këtyë ets ojts xoontä'äky nyëjkxnëtë jam Jerusalén.

Lucas 24:52 ပူးပေါင်းရင်းမြစ်များ

Salmos 30:11

Jä'ä ko tëë xyaj'awinpity yë një'ëyënës nyaxënës äjtsën pujtën; tëës yë nwit xytyuknijääntu'uty mëti'ipë kuumpën u'kxpën etsës të xtyukxoxy mëti'ipë ja'ay myëxëëw'ijxypyën.

Mateo 28:17

Ko t'ijxtë ja Jesús, tääts t'ëwtajtë, je'eyëp ko tam ja mëti'ipë ka'ap oy myëpëkyën.

Mateo 28:9

Tääts ja Jesús ojts wya'këxë'ëky ajotkumonë ma yë'ëjëtyën ets ojts kyajpxpo'kxëtë, ënät ja to'oxytyëjkëty tmëwinkoontë ja Jesús ets ojts t'ëwtatë ets ja tyeky ojts tsu'kxëtë,

Lucas 24:51

Tam ënäty kyënu'kxëtë, tääts y'ëxmajtsëtë ets ja Tios yajpa'tëjkëyë tsajpjotm.

Lucas 24:53

Jëpom jëpom ënäty jyam'atë ma ja mëjtsajptëjkën, tmëjjaw tjaantyjawëtë ja Tios.

Juan 14:28

Tëë xymyëtowtë koos n'ëna'any koos nnëjkxy ets ko jatëkok nmina'anyës ets nyajpaata'anyës mëët miitsëty. Ko jeexyë miits xytsyoktës, mxoontaktëp jeexyë ko xynyijawëtë koos nnëjkxy ma ja Tios Teetyën, jä'ä ko Tios Teety wäänë mëj yë'ë këtiinëm ëjts.

Juan 16:22

Näyjyëtu'un miits tyam mmontë mtuktë; je'eyëp koos winpitaanpës jatëkok ets min n'ixa'antë ets jotkujk mnäjyawëtëty ets ni pën mkapëjkëtëty ja mxoontakënëty.

Juan 16:7

E tëy miits nëëmëtë: Nëjkxaanpës ets miits xytyuk'oy'atëty. Koos nkanëjkxëty, ka'ap tjëkyepy myinëty ja Nikajpxtutpë ma miitsëtyën; e pën nëjkxpës, ëjts jam nkäxäämpy.

Juan 20:28

Ënät ja Tomás y'ëtsooy: Mijts nteety'äjtyp, mijts nTios'ajtyp.

Hechos 1:12

Tääts ja ijxpëjkpëtëjk tsyo'ontë jam ma ja Olivo Kopkën ets nyëjkxtë Jerusalén. Je'eyë ojts tu'uk mil metrën ye'eytyë, jä'ä ko jëtu'un ja Jutiis ja'ayëty ja y'ënä'ämën y'ëna'antë, ko wäänë ye'eytyëty po'kxënxëëw.

1 Pedro 1:8

Mtsojktëp miits ja Jesukristë oy të xykya'ixtë; e tyam mëët ko xymyëpëktë oy të xykya'ixtë, ni'ikyë mxoonta'aktë mëj këjää mëët ja mëj'ajt oyajtën mëti'ipë ka'ap yajmë'ayukpaatyën wi'ix yajnikajpxëty.