Lucas 24:44 - Biblia Mixe de Quetzaltepec

⁴⁴ Tääts y'ënëmaayëtë: Mëti'ipës të xyäty të xykyëpetyën, yë'ë mëti'ipë ojts ntuk'ëwaanëtën ko ënäty jää mëët miitsëty njaak'ityës, ko kopkpëky ko jëtu'un njata'anyës ijxtëm xynyimëtya'aktësën ja Moisés ja y'ënä'ämën, ja Tios ja kyäjpxynyajxpë ets ja Salmos.

Biblia Dc en Mixe de Quetzaltepec

⁴⁴ Tääts y'ënëmaayëtë: Mëti'ipës të xyäty të xykyëpetyën, yë'ë mëti'ipë ojts ntuk'ëwaanëtën ko ënety jää mëët miitsëty njaak'ityës, ko kopkpëky ko jëtu'un njata'anyës ijxtëm xynyimëtya'aktësën ja Moisés ja y'ënä'ämën, ja Dios ja kyäjpxynyajxpë ets ja Salmos.

Lucas 24:44 ပူးပေါင်းရင်းမြစ်များ

Génesis 14:18

Näyjyëtu'un yë Melquisedec, mëti'ipë ënäty yajkutujkpën jam Salem ets teety ma ja Wintsën Ni'ik Këjxmëpë, tä tyajpëtsëëmy yë tsajpkääky ets uuky,

Génesis 22:18

ets tu'kë'ëyë yë naaxwiinyëtë ja'ayëty nkënu'kxta'ajäämpyës mëët mijtskyëjxm, jä'ä koos mijts të xymyëmëtoy.

Génesis 3:15

Mijts ets to'oxytyëjk xëmë mnämyëtsip'atëtëty. Ets jëtu'un y'itëty ma m'u'unk m'okën ets ma to'oxytyëjk näjyëtu'un yë y'u'unk y'okën. Mkutä'änë'ëkëtëp yë y'u'unk y'ok ma nkëpajkën. Ets mijts nëjkxëp xytyekymyëtsu'utsë ma tyeky'ixpo'kxën.

Génesis 49:10

Ni pën yë Judá kyapëjkëtëty yë myëk'ajtën ets kyutujkën ets kyepy mëti'ipë kyë'ëjotm myëët'ajtypyën, koonëm tëy myinëty ja mëti'ipë nyiwintsën'ajtypyën ja kepy tampë tkë'ëkap'atyën, mëti'ipë nëjkx ja naax kajpn tmëmëtowtën.

Salmos 118:22

Ja tsaa mëti'ipë ojts ja tëjk kojpë ka'ap tsoktën, yë'ë të y'awinpity tsaakopk mëti'ipë ja tëjk myëtënääpyën.

Isaías 28:16

Paaty ja Wintsën y'ënä'äny: Ëjts npëjkta'akäämpyës yam tu'uk yë tsaa jam Sión, tu'uk yë mëjtsaa, oytsyaa ets tsoowpaatypë, mëti'ipë mëj'äämpy itëpën, ets yë'ë potsy ëjx'atëp. Pën ënäty tyukjotkujk'ajtypyën, nëjkxëp jam tpaaty ja po'kxtakn.

Isaías 52:13

Ja ntuunpës oy ja tyuunk wyimpëtsëma'any; mëj'äämpy y'ita'any ets kumay nyaxa'any.

Isaías 7:14

Yë Wintsën yë'ë kë'ëm yakäämpy yë ijxpäjtën: tu'uk ja to'oxytyëjk tyajmëxu'unk'ata'any ja u'unk maay, ets tyajxëëwpäta'any Emanuel.

Isaías 9:6

Jä'ä ko tëë tyam myiny jyä'ty tu'uk ja mëxu'unk ye'etyëjkpë, tëë tyäky ja Wintsën tu'uk ja u'unk maay mëti'ipë të yajmo'oyën ja mëk'ajtën kutujkën ets y'ënä'ämëty yajkutukëty, ets jä'ä nëjkx yajtijy: Kajpxwijpë mëti'ipë mëj këjää winë tyuunpy kyäjpxypën, mëk Tios, xëmëpë Tyeety'ätyën, mëti'ipë nyikopk'ajtypyën ja jotkujk'ajtën.

Jeremias 23:5

Jëtu'un yë Wintsën y'ënä'äny: Ëjts nyajkutukäämpyës ets tu'uk ja'ay jyää'atëty mëti'ipë yë David y'u'unk'ajtyp y'ok'ajtypyën, mëti'ipë ënä'ämëpën yajkutukëpën mëët ja wijyajtën, mëti'ipë mëtëy winë nyipaye'eyëpyën ets tëy tyu'uye'eyëty ma naax kajpnën.

Jeremias 33:14

Jëtu'un yë Wintsën y'ënä'äny: Pyatäämpy yë xëëw po'o maas nyajkëta'aka'anyën ja kënu'kxën jëtu'un ijxtëmës ojts ntukwinwanëtën yë Israel ja'ayëty ets Judá ja'ayëty.

Ezequiel 17:22

Ëjts, mëti'ipë Wintsën'ajtpën, jëtu'unës n'ëna'any: Ko jam kepyjyëjp'am ma ajë kepyën mëti'ipë këjxm të yonyën, jamës nkuto'kxtu'uta'any tu'ktëjyën nyikepy: Yë'ë xye'enty naamnëmpë yoonpëtsëmyën, jamës tunkëjxm kë'ëm nkoja'any ma ja kopkën wäänë këjxmëpë,

Ezequiel 34:23

Nyajwinpitäämpyës yë ntuunpës David, yë'ëjës tu'ukyë nyaj'itäämpy kupixyny këwent'ajtpë ets yë'ë oy tkëwent'atëty. Yë'ë nëjkx yë kupixyny tkëwent'ajtpë'atë.

Daniel 2:44

Ma ënäty tääpë yajkutujkpëtëjk y'ënä'ämtën, jää nëjkx yë Tios tpëjktä'äky yë kyutujktakn mëti'ipë ka'ap nijëna'a kyutëkoyën ets yë'ë nëjkx myëjnaxy, nëjkxëp ja wiinkëtypë ja kutujkën tyajkutëkooytyä'äy ets yë'ë xëmëkyëjxm nëjkx y'ity.

Daniel 7:13

Tamës jëtu'un nwinkumaa ëtë'ëtsy koots. Ko ajotkumonë të n'ixyës: Ja'ayën myiny yootsjoty, naaxwiinyëtë ja'ayën yaj'ixy, jä'ä të tninëjkxy ja Mëjja'ay ets të yaj'ënëëmë ets wyinkonëty.

Oseas 3:5

Ok jatëkok yë Israel ja'ayëty tniwinpita'antë yë Tios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënäty tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënäty jotkujk yajjuuky'atëtë.

Amós 9:11

Pyätyp ja xëëw jëmëjt ma ja David nkoj'oyëja'anyënës yë tyëjkxo'omy mëti'ipë ojts kyëtäyën. Nyaj'ëtujkta'ajäämpyës yë jut, nyajpëtë'kta'ajäämpyës yë potsy maajaty të jyutyën ets nkoj'o'oyëtya'aja'anyës mëti'ipëjaty të jyityën ets jëtu'un nyaj'awinpita'anyës tä ijty tëëyëpën ma ënäty jyotkujk'atyën,

Zacarías 12:10

Nëjkxëp nmo'oyës yë yu'unk aaw yu'unkjot yë David yë y'u'unk y'ok ets Jerusalén ja'ayëty. Ënät nëjkx t'ijxpaatë ja mëti'ipë ënäty të tukuumnaxtën ets të tyaj'ooktën ets nëjkx tnijë'ë tniya'axtë jëtu'un tä jeexyë kyä'äxkopk ëkë tu'uk u'unk të y'ookyën.

Zacarías 13:7

Yë Wintsën mëti'ipë maaytyääyëpën winë, jëtu'un y'ënä'äny: Pëtë'ëk, tëypyujxn, nipëtë'ëk yë kupixyny këwent'ajtpës ets nipëtë'ëk yë ja'ay mëti'ipës xypyutëjkëpën. Yaj'ook mëti'ipë kupixyny këwent'ajtpën ets kyääkwa'kxta'atëty yë kupixyny, etsës mëtsip n'awinpita'anyës ma ja kupixynyëtyën.

Zacarías 14:4

Jä'ä xëëw jam yë Wintsën wya'kta'atsa'any ma Olivë kopkën, mëti'ipë yajpatpën winkon ma Jerusalén kajpnën, maatsow yë xëëw pyëtsimyën. Tu'uk yë mëj joyjyot nëjkx tyajwä'kxy mäjtskpëky yë Olivë kopk. Tu'kpëky nëjkx nyasjäxë anëkëjxytsyow ets tu'kpëky nëjkx nyasjäxë ëpa'tkë'ëytsyow,

Zacarías 6:12

Ets xy'ënëëmëty: Jëtu'un yë Wintsën y'ënä'äny mëti'ipë maaytyääyëpën winë: Ko ja ja'ay mëti'ipë txëëwajtpën Kepyji'tsk, jam myuxa'any ma tyiktsën ets tkoja'any ja Wintsën ja Tsyajp tëjk.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Números 21:8

Tios ojts t'ëtsoowinpity yë Moisés: Yajnikojtu'ut tu'uk yë tsa'any ets jam këjxm xykyëxpëkëty ma tu'uk yë kepyjyëjpën. Ko pën tsyu'utsëtëty ja tsa'any, yë'ë y'ixëp ja tsa'any jampë kepykyëjxmën mëti'ipë të nyikojtu'utyën ets tsyo'okëty.

Números 35:25

Ja kajpn yë'ë ka'ap t'ëwa'atsëty ets ja ja'ay mëti'ipë ënäty ja myëku'uk të y'ookyën tyaj'o'kwinpitëty ja yaja'ay'o'kpë. Nëjkxëp tmo'otë ja ëwaatsëtuuy'ajtën ets jam nyëjkxëty ma ja naax kajpnën mëti'ipë tsoktaknën. Ja yaja'ay'o'kpë jam jëtu'un jyuuky'atëty koonëm y'ookëty ja teety kyopk, mëti'ipë ënäty ja Tios myëtuumpyën jä'ä xëëw jä'ä jëmëjt.

Mateo 1:22

Jëtu'un ya'atë tyuunë jyajtë ets y'atëwëty mëti'ipë Tios tyukkajpxnajxën ja kyäjpxynyajxpë:

Mateo 16:21

Tääts ja Jesús ja y'ijxpëjkpëtëjk tmëmëtyaktso'ony ets t'ënëmaay ko kwanë nyëjkxa'any jam Jerusalén ets ja mëjja'aytyëjk, ja teety wintsëntëjk ets ja tsajptëkotyëtë yaj'ijxpëjkpëtëjk yaj'ëyowa'anyë ets ja ja'ay yaj'ooka'anyë, je'eyëp ko kom tëkëëk xëëw jyuukpyëka'any jatëkok.

Mateo 26:54

Ko jeexyë y'ëkjëtu'unëty ¿wi'ix y'atëwëty ja Tios ja y'aaw y'ayuk mëti'ipë ënaanpën ko jëtu'un tyunëtëty jyatëtëty?

Mateo 26:56

Paaty ya'atë jëtu'un tyunyë jyätyë ets y'atëwëty ja aaw ayuk mëti'ipë ja Tios ja kyäjpxynyajxpëtëjk jyääytyën. Ënät ja Jesús ja y'ijxpëjkpëtëjk ni'ëmukë tsyo'ontaaytyë ets kyäktë.

Marcos 9:31

jä'ä ko aak ayi'iyë ënäty ja y'ijxpëjkpëtëjk jam tyaj'ijxpëky, ets t'ënëmaay: Yajkë'ëyakaanpës ma naaxwiinyëtë ja'ayëtyën ets xyaj'ooka'antës, je'eyëp ko kom tëkëëk xëëw jatëkok njuukpyëka'anyës.

Lucas 21:22

Jä'ä ko ma tääpë xëëwën ëyo'on jää itaanp, jää y'atëwa'any ijxtëm ja Tios ja y'aaw y'ayuk y'ënä'änyën.

Lucas 22:37

Jëtu'un miits nëëmëtë ko kopkpëky jëtu'un tyunëtëty jyatëtëty ijxtëm ja Tios ja y'aaw y'ayuk xynyikäjpxyënës: Ko jëtu'un ojts yaj'ixy ijxtëm jeexyë y'ëxëëk ja'ayëtyën. Kojy jëtu'un tyunëtëty jyatëtëty ijxtëm myinyën kuja'ay.

Lucas 24:46

ets y'ënëmaayëtë: Jëtu'un kyëxja'ayëty ko ja Kristë y'ookëty ets kom tëkëëk xëëw jyuukpyëka'any,

Lucas 9:22

Ets t'ënëmaay: Yë naaxwiinyëtë ja'ay y'U'unk mëk y'ëyowa'any; ka'ap yë mëjja'aytyëjk, teety wintsëntëjk ets ja tsajptëkotyëtë yaj'ijxpëjkpëtëjk kyupëka'anyë. Yaj'ookantëp, je'eyëp ko kom tëkëëk xëëw jatëkok jyuukpyëka'any.

Lucas 9:44

Mëtoow'itë ya'atë aaw ayuk mëti'ipë yam ntukmëtowantëpën. Yajkë'ëyakaanp yë naaxwiinyëtë ja'ay yë y'U'unk ma ja'ayëtyën.

Juan 3:14

Jëtu'un ijxtëm ja Moisés ojts ja tsa'any tyajpëtë'ëkyën jam të'ëts'itjotm, näjyëtu'un ja naaxwiinyëtë ja'ay ja y'U'unk pyëtë'ëka'any;

Juan 5:39

M'ijxpëjktëp oy'ixyë ja Tios ja y'aaw y'ayuk këxja'aypyë, jä'ä ko jëtu'un mmaytyë mtajtë ko jap xypyaata'antë ja juukyajtën xëmëkyëjxmëpë.

Juan 5:46

Ko jeexyë mëpëktë ijxtëm ja Moisés y'ënänyën, näjyëtu'un jeexyë ëjts xymyëpëktës, jä'ä koos ja Moisés xynyimëtyakp ma këxja'ay ojts tyajwë'ëmyën ja y'ayuk.

Hechos 13:33

Ets të tkuuytyuny ets ntuk'oy'ajtmëty ko të tyajjuukpyijky ja Jesús jatëkok. Jëtu'un ijxtëm y'ënä'änyën ja mëmäjtskpë ja salmos: Mijts n'u'unk'ajtyp. Ëjts mijts të nyajkojy.

Hechos 13:40

Mëk näkyëwent'atëtë këtiipë jëtu'un mjatëty ijxtëm ja Tios ja kyäjpxynyajxpëtëjk y'ënantën:

Hechos 2:27

Ka'ap mijts xyajwë'ëmëtyës o'kpëjutjoty, ni xykyayajkutukëty ets wyintëkoyëty ja mwa'ats Ja'ay nyi'kx kyopk.

Hechos 3:18

E jëtu'un ja Tios të tkuuytyuny mëti'ipë y'akajpxtën ja kyäjpxynyajxpëtëjkëty ko yë Kristë y'ooka'any.

Hechos 7:37

Ya'atë Moisés yë'ë näjyëtu'un y'ënëmaay ja Israel ja'ayëty: Tios tyuknipëjktaakëjäämpy ets jam ma miitsëtyën tu'uk pyëtsëmëty ja kukäjpxy ijxtëm ëjtsën.

Hebreos 10:1

Ja Tios ja y'ënä'ämën mëti'ipë Moisés jyääywyë'ëmën, jëtu'un jä'ä ijxtëm jeexyë nyikojtu'utyën ja oypyë mëti'ipë ënäty minaanpën, ka'ap jyä'äjëty mëti'ipë mëtëyën. Paaty ja ënä'ämën ka'ap tyaj'awinpity oy mëti'ipë ja wintsë'kën winjëmëjt jyayajktëpën Tios wintum.

Hebreos 3:5

Jëtu'unts ja Moisés y'ijty ijxtëm tu'uk ja tuunpën ma tu'uk ja tëjkën, oy tyuuny ma ja Tios ja kyajpnën ets ojts tnikäjpxy mëti'ipë ja Tios ënäty kyajpxäämpyën.

Hebreos 7:1

Ya'atë Melquisedec yë'ë ojts yajkutuky jam Salem ets tyeety'äjty ma ja Tios ni'ik këjxmëpë tmëtuunyën. Ko ja Abraham wyimpijty ma ënäty ojts të tsyiptunyën ko tmëmëtäky ja yajkutujkpëtëjk, ënät ja Melquisedec ojts jyëjpye'eyi'ikyë ets ojts kyënu'kxyë;

Hebreos 9:8

Mëët ya'atë ja Kënu'kxymyëkajtën tyajknikëxë'ëky ko ja Tios twintsë'ëkëtë ma ja mëjëwyiimpë tëkotën, ka'anëm ënäty nyikëxë'ëkynyëm wi'ix ja ja'ay tyëkëtëty ma txëëwatyën ni'ik wa'atspë ja tëkot.

1 Pedro 1:11

Ja Kristë ja myëk'ajtën yë'ë ijty tyuknija'ap ja käjpxynyajxpëtëjk wi'ix ja Kristë y'ëyowa'anyën ets ja mëj'ajtën oyajtën mëti'ipë ok minaanpën; yë'ëjëty ojts tjanijawëja'antë ja xëëw po'o jëna'a jëtu'un jyata'any kyëpäta'any mëti'ipë ja Kristë ja myëk'ajtën ënäty jyanikäjpxypën.

Apocalipsis 19:10

Täätsës nnäkyoxtënaaytyakë tsajpjotmëtë kukäjpxy wyintum ets nwintsë'ëkëja'anyës e yë'ë je'eyës xynyëmaay: Këtii jëtu'un m'ëtë'ëtsy. Tiosës näjyëtu'un xytyuunpë'ajtp, ijxtëm mijtsën ets ijxtëm ja mmëku'uktëjkën mëti'ipë pyanëjkxtëpën ja aaw ayuk mëtëypyë, mëti'ipë ja Jesús kyajpxwa'kxën. Winjawë wintsë'ëkë ja Tios y'itëty. Ets jyaak'ënany: Ya'atë tëyajtën, yë'ë ja Tios ja kyäjpxynyajxpëtëjk winma'anymyooyë.