Lucas 24:39 - Biblia Mixe de Quetzaltepec

³⁹ Ijxtëkës yë nkë'ë nteky. Ëjts yë kë'ëm. Toontëkës ets ijxtëkës; yë poj ka'ap yë wyääy pyajk ijxtëm ëjtsën.

Biblia Dc en Mixe de Quetzaltepec

³⁹ Ijxtëkës yë nkë'ë nteky. Ëjts yë kë'ëm. Toontëkës ets ijxtëkës; yë poj ka'ap yë wyääy pyajk ijxtëm ëjtsën.

Lucas 24:39 ပူးပေါင်းရင်းမြစ်များ

Eclesiastés 12:7

Kom ok, naaxway jatëkok y'awinpity ja jot nini'kx, e ja jot ja'awën jam jatëkok wyimpity ma Tiosën, mëti'ipë jot ja'awën yäjkpyën.

Números 16:22

E yë'ëjëty koxtänë kyëtaktë ets tmënu'kxtaktë ja Tios, t'ënëmaaytyë: Tios mijts mëti'ipë juukyajtën myäjkpyën ets xymyooytyä'äy yë ja'ay, ¿tii tëkokyë yë ja'ay xytyimtukjoot'anpëjkta'ay ets tu'uk je'eyë mëti'ipë pokytyuunpën?

Lucas 23:46

Tääts ja Jesús mëk yujk'ënany: Tios Teety, mijts ntukë'ëtëjkëp yë njot nja'awënës. Ko jëtu'un y'ënaantaay, tääts y'o'ky.

Lucas 24:38

Tääts ja Jesús y'ënëmaayëtë: ¿Tii ko mtsë'ëkëtë? ¿Tii ko maaymyin maayxyëptë?

Lucas 24:40

Ko jëtu'un t'ënëmaay, tääts ja kyë'ë tyeky ojts tuk'ixy.

Juan 20:20

Ko jëtu'un y'ënaantaay ënät tuk'ijxy ja y'ijxpëjkpëtëjk ja kyë'ë ets ja kyätsy ma ënäty të tsyëtyutyën ets ojts xyoonta'aktë ko t'ijxtë ja Wintsën.

Juan 20:25

Ënät ja Tomás ja myë''ijxpëjkpë y'ënëmaayëtë: Tëës ja Wintsën n'ixtë. E ja Tomás jëtu'un y'ëtsooy: Koonëmës n'ixëty ma ja clavës ojts yajtsëtyutyën ets koonëmës ntonëty ja tsyëtyut ma ja kyë'ëjën ets ma ja kyätsyën, ënätnëmës nmëpëkëty; ko kyajëtu'un'atëty ka'apës njëkyepy nmëpëkëty.

Juan 20:27

Tääts ja Jesús t'ënëmaay ja Tomás: Pëjkta'ak yaa mkë'ëwa'axy ets ijxëkës yë nkë'ë; ets atijë mkë'ë maas nkatsyën. Këtii kujuun mnäypyëjktä'äkyë, mëpëk.

Hechos 1:3

Tëë ënäty y'ooky, ko jatëkok nyänyikëxë'kë juuky kanaak ok, ets jëtu'un ja y'ijxpëjkpëtëjk ojts tuknijawë ko juuky'ajtp ënäty. Wëxtyikxy xyëëw ja y'ijxpëjkpëtëjk nyätyuk'ijxë, tukmëmëtyä'äky ja Tios ja kyutujkën.

1 Tesalonicenses 5:23

Wä'än ja Tios, mëti'ipë jotkujk'ajtën yäjkpyën, yë'ë wa'ats tyaj'ity ja mjot mwinma'anyëty, mjot mja'awënëty ets mni'kx mkopkëty; ka'ap ënäty ja poky xymyëët'atë ko ja Wintsën Jesukristë myinëty.

Hebreos 12:9

Näyjyëtu'un ko të nmutsk'ajtëm, tëë ja nteety'ajtëm yaa naaxwiiny xywyijtswinpijtën ets tëë nwintsë'këm. ¿E tii ko nkawintsë'këmëty ja Tios, mëti'ipë tsajpjotmën? Wä'än xywyijtswinpijtën ets npatmëty ja juukyajtën.

1 Juan 1:1

Yë'ë miits yam ntuknija'ayëtëp ma yajnimëtyä'äkyën mëti'ipë ijty jää'ajtpën ma winë tsyo'ontäkyën, mëti'ipë të n'ijxëmën, të nmëto'owëmën ets të nto'on të nmajtsëmën.