Lucas 24:30 - Biblia Mixe de Quetzaltepec

³⁰ Ko ënäty jam y'u'unyëtë ma ja kaaypyäjnën, tääts ja tsajpkääky ojts nixajë ets ja Tios tkukajpxëy ets ojts myo'ojëtë.

Biblia Dc en Mixe de Quetzaltepec

³⁰ Ko ënety jam y'u'unyëtë ma ja kaaypyäjnën, tääts ja tsajpkääky ojts nixajë ets ja Dios tkukajpxëy ets ojts myo'ojëtë.

Lucas 24:30 ပူးပေါင်းရင်းမြစ်များ

Mateo 14:19

Ënät ni'ënä'ämëy ets ja mayjyä'äy nyaaxwäätstëty ujtskëjxy. Tääts tkoonë'ky ja mëkoxkpë ja tsajpkääky ets mäjtsk ja ajkx. Ënät pya'at'ijxy tsajpkëjxm ets ojts tkënu'kxy. Tääts ojts tujkwä'kxy ja tsajpkääky ets tmooy ja y'ijxpëjkpëtëjk, e ja y'ijxpëjkpëtëjk ots tkumaaytya'atë ja mayjyä'äy.

Mateo 15:36

ets tkoonë'ky ja wëxtujkpë ja tsajpkääky ets ja ajkx. Ko ja Tios tkukajpxëy, tääts ojts tujkwä'kxy ets tmooy ja y'ijxpëjkpëtëjk. Ja y'ijxpëjkpëtëjk jä'ä kyumaaytyë ja mayjyä'äy.

Mateo 26:26

Näy tam ënäty kyäytyë, ko ja Jesús ojts tu'uk tkoonë'ëky ja tsajpkääky ets ojts tkënu'kxy, tä tujkwä'kxy ets tmooy ja y'ijxpëjkpëtëjk ets y'ënäny: Kaytyë. Ëjts ya'atë nni'kx nkopk.

Marcos 14:22

Tam ënäty y'a'ux'atë, ko ja Jesús tnixajëy ja tsajpkääky ets ja Tios tmooy ja kukajpxën. Tääts ojts tujkwä'kxy ets tmooy ja y'ijxpëjkpëtëjk ets t'ënëmaay: Kaytyë, ya'atë, ëjts yë ni'kx nkopk.

Marcos 6:41

Tääts ja Jesús mëkoxk ja tsajpkääky tkoonë'ky ets mäjtsk ja ajkx ets ojts pya'at'ixy tsajpwinm, jëtu'un ja Tios tkukajpxëy. Tääts ojts tujkwä'kxy ja tsajpkääky, ojts ja y'ijxpëjkpëtëjk tmo'oy ets tyajwa'kxtëty ma ja ja'ayëtyën. Näyjyëtu'un ojts tyajwa'kxta'atë ja ajkx ma ja ja'ayëtyën ni'ëmukë.

Marcos 8:6

Ënät ja Jesús ja ja'ay t'ënëmaay ets nyaaxwäätstëty naaxkëjxy. Ënät ja wëxtujkpë ja tsajpkääky tkoonë'ky ets ja Tios tkukajpxëy. Tääts ojts tujkwä'kxy ja tsajpkääky ets tmooy ja y'ijxpëjkpëtëjk ets yë'ë ja ja'ay tkumaytyëty, jëtu'un ojts tuntë.

Lucas 22:19

Tääts ja tsajpkääky tkoonë'ky ets näjyëtu'un ja Tios ojts tkukajpxë, tääts ojts tujkwä'kxy ets tmooy ja y'ijxpëjkpëtëjk ets y'ënäny: Ëjts ya'atë ni'kx nkopk mëti'ipës nyäjkpyën ets miits xytyuk'oy'atëty, yë'ë tuntë ets xytyukja'amyätstëtyës.

Lucas 24:29

Ënät mëktä'äky t'ënëmaaytyë: Wë'ëm mëët ëëtsëty, jä'ä ko po'oxy tyamnë, tëë kyootsënyë. Tääts ja Jesús tyëjkëy tëkoty ets ojts mëët wyi'imy.

Lucas 24:35

Ënät nimäjtsk tukmëmëtyaktë wi'ix ënäty të t'ixtën tu'ujoty ets wi'ix ënäty të t'ixkaptën ja Jesús ko ja tsajpkääky të tujkwä'kxy.

Lucas 9:16

Ënät ja Jesús tkoonë'ky mëkoxk ja tsajpkääky ets ja ajkx mäjtsk, tääts pya'at'ijxy tsajpwinm ets ja Tios tkukajpxëy. Ënät ojts tujkwä'kxy ja tsajpkääky ets tmooy ja y'ijxpëjkpëtëjk ets ja mayjyä'äy tmo'otëty.

Juan 6:11

Ets ja Jesús tkoonë'ky tu'uk ja tsajpkääky ets ja Tios tkukajpxëy. Tääts ojts tujkwä'kxy ets tmooy ja ja'ayëty mëti'ipë ënäty jam u'unyääytyëpën. Näyjyëtu'un ojts tyajwä'kxy ja ajkx ets ojts yajmo'otë ja ja'ay jënu'un ënäty tsoktën.

Hechos 2:42

Ets oy ojts tukjuuky'atë ja ijxpëjkën mëti'ipë nyimëtyaktën ja ijxpëjkpëtëjkëty. Tu'ukyë ijty ja tsajpkääky tyajkwa'kxtë ijxtëm ja Jesús tuuntäkyën mëët ja y'ijxpëjkpëtëjk ets ja Tios tja'amyätstë.

Hechos 2:46

Jëpom jëpom ijty nyiye'eypyätë ma ja tsajptëjkën ets ma ja tyëjkëtyën ets ja tsajpkääky tujkwa'kxtë ets ijty xoontä'äky kyäytyë y'uuktë yujy tëtä'äky.

Hechos 27:35

Ko ja Pablo jëtu'un y'ënäny, tääts ja tsajpkääky tu'uk tkoonë'ky ets ja Tios tkukajpxëy ma ënäty japëtyën ni'ëmukë ets ojts kyääytsyoony.