Lucas 24:29 - Biblia Mixe de Quetzaltepec

²⁹ Ënät mëktä'äky t'ënëmaaytyë: Wë'ëm mëët ëëtsëty, jä'ä ko po'oxy tyamnë, tëë kyootsënyë. Tääts ja Jesús tyëjkëy tëkoty ets ojts mëët wyi'imy.

Biblia Dc en Mixe de Quetzaltepec

²⁹ Ënet mëktä'äky t'ënëmaaytyë: Wë'ëm mëët ëëtsëty, jä'ä ko po'oxy tyamnë, tëë kyootsënyë. Tääts ja Jesús tyëjkëy tëkoty ets ojts mëët wyi'imy.

Lucas 24:29 ပူးပေါင်းရင်းမြစ်များ

2 Reyes 4:8

Tëkok ma ënäty tyu'uye'eyën yë Elisejë, jam nyäjxy ma Sunem kajpnën, jam tu'uk yë to'oxytyëjk mëj'äämpyë wyoowë kääpyë, mëti'ipë ënäty jam tsënääpyën. E ja Elisejë ko xëmë ijty jam nyäxy ets jam kyäy ma tääpë to'oxytyëjkën.

Génesis 19:3

Yë Lot ni'ikyë y'ënaan'ëtë'ëtsy ets ja ja'ay wyë'ëmtëty, ënätnëm ojts tkupëktë ets tpanëjkxtë ja Lot ma ja tyëjkën. Ko ojts jya'të, ënät yë Lot tyaj'o'oyëy ja a'ux, ojts tyaj'oyë tsajpkääky jëtu'unyë tsäk ka'apë tsyooymyëëtëtyën ets y'a'ux'ajtë ja'ajtakpëty.

Lucas 14:23

Tääts ja wintsën ja tyuunpë t'ënëmaay: Nëjkx mjëtity kajpnpa'a kajpn nux ets xywyoowminëty yë ja'ay atsip koonëmës yë ntëjk y'utsëty.

Hechos 16:14

Tam ënäty tu'uk ja to'oxytyëjk mëti'ipë xyëëwajtypyën Lidia, Tiatira kyukajpnëty, wit to'kp, aakjä'ä ijty tyo'kpy ja tsu'unk wit. Ya'atë to'oxytyëjk wyintsë'këp ijty ja Tios. Wintsën ojts winma'any myo'oyë ets tja'akyukëty wi'ix ja Pablo y'ënä'änyën.

Lucas 24:28

Ko tmëwinkoontë ja kajpn ma ënäty jya'ta'antën, ënät ja Jesús ye'eytsyo'ony pe'tym ijxtëm jeexyë jyotëkoyën.

Lucas 24:30

Ko ënäty jam y'u'unyëtë ma ja kaaypyäjnën, tääts ja tsajpkääky ojts nixajë ets ja Tios tkukajpxëy ets ojts myo'ojëtë.