Lucas 24:19 - Biblia Mixe de Quetzaltepec

¹⁹ Tääts ja Jesús tyajtëëy: ¿Tiixë të tyuny të jyätyë? Ets y'ëtsoowtë: Ja Jesús Nazaretëtë ja'ay, ja Tios ja kyäjpxynyajxpë mëti'ipë mëk'ajtën mëët winë tuunyën ma Tiosën ets ma ja ja'ayëtyën.

Biblia Dc en Mixe de Quetzaltepec

¹⁹ Tääts ja Jesús tyajtëëy: ¿Tiixë të tyuny të jyätyë? Ets y'ëtsoowtë: Ja Jesús Nazaretëtë ja'ay, ja Dios ja kyäjpxynyajxpë mëti'ipë mëk'ajtën mëët winë tuunyën ma Tiosën ets ma ja ja'ayëtyën.

Lucas 24:19 ပူးပေါင်းရင်းမြစ်များ

Mateo 21:11

Ets ja ja'ay y'ëtsoowtë: Käjpxynyajxpë Jesús yë'ë, jam Nazaret tsyoony, Galilea y'itjotm.

Hechos 7:22

Tääts ja Moisés t'ijxpëjktaay tu'kë'ëyë ja wijyajtën kejyajtën mëti'ipë ja Egiptë ja'ayëty nyija'awëtëpën; ets mëj'äämpy y'awinpijty ma ja aaw ayukën ets ma winë ttuny tkäjpxyën.

Hechos 2:22

Miitsëty, Israel ja'ay ja tyiktsëty y'aatsëty, mëtowtë mëti'ipës yam nkajpxäämpyën: Ijxtëm miitsëty wa'ats xynyijawëtën, ojts ja Tios tyaj'ixyë ja kyutujkën mëët ja Jesús, Nazaretëtë ja'ay, ko tyaj'ixyë ja myëj'ajtën y'oyajtën ets kanaakjëjp ja ijxpät.

Juan 6:14

Ko ja ja'ay t'ijxtë ja mëj'ajtën mëti'ipë Jesús tyuunën ënät y'ënantë: Tëy jëtu'un ko yë'ë ya'atë Tios kyäjpxynyajxpë mëti'ipë yaa naaxwiiny ënäty minaanpën.

Juan 4:19

Ko ja to'oxytyëjk jëtu'un tmëtooy ets y'ënäny: Wintsën, jëtu'unës nja'akyukë ko mijts mkäjpxynyajxpë'ajtp yowë.

Juan 3:2

Yë'ë ojts ninëjkxy ja Jesús koots ets t'ënëmaay: Wintsën, nija'awëtyëpës ko mijts Tios të mkexyë ets ëëts xyaj'ijxpëktëty, jä'ä ko ka'ap tjëkyepy pën tunëty ja mëj'ajtën ijxtëm mijts xytyunyën pën ka'ap ja Tios tmëëtëty.

Lucas 7:16

Ko jëtu'un t'ijxtë, tääts ni'ëmukë tsyë'këtyë ets ja Tios tmëjja'aw tjaantyjya'awëtyë ets y'ënantë: Tu'uk ja Tios kyäjpxynyajxpë të kyëxë'ëky ma ëëtsajtëmën. Näyjyëtu'un y'ënantë: Tëë ja Tios tniminy tnija'ty ja jyä'äy.

Hechos 10:38

Mnija'awëtëp näjyëtu'un ko ja Tios tmooy ja Jesús ja Kënu'kxymyëkajtën mëët ja mëk'ajtën, ets ko ja Jesús tuuny ja oypyë ko jyëtijty naaxwiiny ets tyajtsoky ja ja'ay ni'ëmukë mëti'ipë ënäty ja mëjku'u yaj'ëyoowëtëpën. Jëtu'un ojts ya'atë tuny jä'äkyëjxm ko ja Tios mëët yajpaaty.

Juan 7:52

Ets ja myëku'uktëjk jëtu'un y'ëtsoowtë: ¿Näy mkaliletë ja'ay mijtsë? Ixpëk yë Tios yë y'aaw y'ayuk, tääts xy'ixëty ko ka'ap pën Tios käjpxynyajxpë tsyoona'any jam Galilea.

Marcos 1:24

Jesús, Nazaretëtë ja'ay, ¿tii mtsojkpy mëët ëëtsëty? ¿Yë'ë mijts të xynyiminy etsës xyajkutëkoya'antë? Wa'ats mijts n'ixy'äty; mijts Wa'ats yë Tios myajnaxyë.

Deuteronomio 18:15

Yë mWintsën Tiosëty yë'ë yaj'itäämpy ma miitsëtyën tu'uk yë käjpxynyajxpë tä ëjtsën ets yë'ë mmëmëtowtëp.

Lucas 24:18

Ënät tu'uk mëti'ipë xyëëwajtypyën Cleofas y'ëtsooy: ¿Mijts nätyu'uk yaa Jerusalén të mja'ajtä'äkyë, paaty xykyanijawë tii të tyuny të jyätyë?