Lucas 23:56 - Biblia Mixe de Quetzaltepec

⁵⁶ Ënät ojts nyëjkxnëtë ma tyëjkëtyën ets ja pa'akxu'kpë nëë tnipëjktakëtyë. Tääts t'ëmaay'ajtë ja po'kxënxëëw, jëtu'un ijxtëm ja ënä'ämën myinyën.

Biblia Dc en Mixe de Quetzaltepec

⁵⁶ Ënet ojts nyëjkxnëtë ma tyëjkëtyën ets ja pa'akxu'kpë nëë tnipëjktakëtyë. Tääts t'ëmaay'ajtë ja po'kxënxëëw, jëtu'un ijxtëm ja ënä'ämën myinyën.

Lucas 23:56 ပူးပေါင်းရင်းမြစ်များ

Lucas 24:1

Tominkë, sëmaan ëjxy ënäty ko ja to'oxytyëjkëty jatëkok ojts nyëjkxtë tsojktsojk ma ja o'kpëjutën, mëët ja pya'ak xu'kpë mëti'ipë ënäty të tnipëjktaakëtën.

Marcos 16:1

Ko ja po'kxënxëëw nyäjxy, ënät ja Maria Magdalena ets ja Santiagë tyaak, mëët ja Salomé ojts tjuytyë ja pa'akxu'kpë nëë ets ja Jesús nyi'kx kyopk tuknikuutsanëtë.

Deuteronomio 5:14

E ma wyëxtujk xëëwpetyën po'kxënxëëw jä'ä pyatnëp ets mWintsën Tios mëpaat jää yajmëjjawë. Ma tääpë po'kxënxëëwën ka'ap pën tyunëty, ka'ap jää tyunëty yë mmaank, mnëëx, mtuunpë ye'etyëjkpë to'oxytyëjkpë; jaaypyaat jaaypyo'kxy; mjëyujk mtsajpkaa, mëti'ipë yajpatpën ma mnaax mkajpnën. Jëtu'un'äämpy pyo'kxtëty yë mtuunpë ye'etyëjkpë to'oxytyëjkpë.

Éxodo 31:14

Yë po'kxënxëëw wa'ats mëpaat xymyëët'atë ets kopkpëky ko mëj'äämpy xyjyëkyäptëty. Pën ka'ap tmëj tjawë ya'atë xëëw, kopkpëky ko y'ookëty, pën jää tuunp ye'epy ma tääpë xëëwën, kopkpëky ko nëjkx yajjo'otsy ma ja nyaax kyajpnën.

2 Crónicas 16:14

ets jam nyaaxtëjkëy ma y'o'kpëjutën mëti'ipë nyipëjktakëyën ma ja David ja kyajpnën. Jam yajkëxko'ky ma tu'uk ja maapäjnën oypyë y'oytyunyëtyën mëët ja tsooy ets ja nëë mëti'ipë pa'akxu'kpën. Ets tyajmëjjëtyë tu'uk ja mëj jëën, mëti'ipë yë'ë yajtukmëjja'awëyën.