Lucas 23:34 - Biblia Mixe de Quetzaltepec

³⁴ Tääts ja Jesús y'ënäny: Tios Teety, nimä'kx, jä'ä ko ka'ap tnijawëtë tii tyuuntëp. Tääts ja tsiptuunpëtëjkëty tni'ëyë'ktë ja Jesús ja wyit ets aak ayi'iyë ojts twijtswa'kxtë.

Biblia Dc en Mixe de Quetzaltepec

³⁴ Tääts ja Jesús y'ënäny: Dios Teety, nimä'kx, jä'ä ko ka'ap tnijawëtë tii tyuuntëp. Tääts ja tsiptuunpëtëjkëty tni'ëyë'ktë ja Jesús ja wyit ets aak ayi'iyë ojts twijtswa'kxtë.

Lucas 23:34 ပူးပေါင်းရင်းမြစ်များ

Génesis 50:17

ko mijts n'ënëëmëtëty: ko xytyunëty yë mëyajtën xymyä'kx xyajnitëkoyëty ja nyëë pyokyëty ja mmëku'uktëjk mmëkä'äxtëjk oy ojts ëxëëk mtunyë. Paaty yam mijts nmënu'kxta'aktë etsës xypyojkpë mä'kxtëty, ëëtsëty Tios näjyëtu'un xytyuunpë'ajtëpës, mëti'ipë yë mteety y'ëwtajtën. Tam ënäty jëtu'un yajmëmëtyä'äky yë José ko jyänty tyëjkëy yaxpë.

Salmos 22:18

Tëë tpëjkwa'kxtë ja nwitës ets t'ijxpëtsëmtë.

Isaías 53:12

Paatykyëjxm ja Wintsën tmo'oja'any tu'uk ja ënyäätyakn ma y'u'unyëtën ja wintsëntëjkëty, kopktëjkëty ets ja mëj'äämpyë y'itën, tu'ukmukyë nëjkx tukxoonta'aktë ko ënäty të myëta'aktë; yë'ëkyëjxm ko ojts nyäkyë'ëyäkyë o'këntum, ets jëtu'un jyäjty kyëpejty tä jeexyë ëxëëk të y'ëti'itsy të y'ënä'änyën, mëët yë'ëkyëjxm ko ojts tkunaxy ja pokyjyä'äytyëjk.

Mateo 11:25

Näy jä'ä xëëw ja Jesús y'ënäny: Tatë, nmëjja'ap nkënu'kxyjya'ap mijts; tsajpjotmëpë ets naaxwiinypë Wyintsën'atyën, jä'ä ko tëë ja ja'ay yu'unkpë naxymyëpë jyuuky'atën xytyuknijawë ja winma'any tsippëpë, ja winma'any mëti'ipë të xytyukwinkuyu'utsyën ja ijxpëkyjyä'äytyëjkëty ets wijyjyä'äytyëjk.

Mateo 11:26

Jëtu'un Tios Teety, jä'ä ko jëtu'un mijts të xytsyoky.

Mateo 5:44

E ëjts jëtu'un miits n'ënëëmëtë, tsoktë ja mmëtsipëty ets tuknija'amyätsëtë Tios pën m'ixjëtijt mpajëtijtëtëp.

Marcos 15:24

Ënät tyajkruutspäjtë ets ja tsiptuunpëtëjkëty tni'ëyë'ktë ja Jesús ja wyit ets tnijawëtë tii pën tuka'ajëp.

Lucas 22:42

Tios Teety, pën mijts m'ënaanp, tun yë mëyajtën ëts xyajkutukëty etsës ka'ap nmë''ëyowëty ya'atë jotmay, mëti'ipë jëtu'un tä ta'amnëëjën; je'eyëp ko ka'ap y'ëjtsëty njä'a tyunëty, yë'ë yajtun wi'ix mijts të xytyuknipëjktaakën.

Juan 17:9

Yë'ës nninu'kxtaktëp; ka'apës yë'ëjëty nninu'kxtä'äky mëti'ipë yi'iyë myëmaay myëtajtëpën yë naaxwiinypë; yë'ëjës ninu'kxtäkpy mëti'ipës mijts të xymye'eyën.

Juan 19:11

Ënät ja Jesús y'ëtsooy: Mijts nitii kutujkën xykyamëët'aty ma ëjtsën ko jeexyë ja Tios ka'ap të mo'oyë ja kutujkën; paaty ja mëti'ipës të xykyë'ëyäkyën ma mijtsën, ni'ik ja pyokymyëëtëty këtiinëm mijts.

Hechos 16:28

Ko ja Pablo t'ijxpaty ko nyäyaj'ooka'anyë, tääts mëk t'ënëmaay: Ka'ap wi'ix mnätyunëtëty. Aak tyap ëëtsëty ni'ëmukë.

Hechos 3:17

Mëku'uktëjkëty, ëjts nnija'apës ko miitsëty ets ja mwintsëntëjkëty xyaj'o'ktë ja Jesús, ka'ap ojts xyjyä'äkyukëtë tii mtuuntëpën.

Hechos 7:60

Ko jëtu'un y'ënaantaay, tää kyoxtënaay ets mëk y'ënäny: Wintsën, këtii xytyukpoky'atëty ya'atë tuuntëko'oyën koos xyaj'ooktë. Ko jëtu'un y'ënaantaay, tääts y'o'ky.

Romanos 12:14

Amëtowtë ja Tios ets tkënu'kxëty pën m'ixjëtijt mpajëtijtëtëp. Ni'ikyë kënu'kxtë ets këtii xykyajpxpoktëty.

1 Corintios 2:8

Yë'ë ya'atë mëti'ipë yë yajkutujkpëtëjk naaxwiinypë ka'ap të tja'akyukëtën. Ko jeexyë të tja'akyukëtë, ka'ap jeexyë ojts tyajkruutspätë ja Wintsën mëti'ipë myëët'ajtypyën ja mëj'ajtën jaanty'ajtën.

1 Corintios 4:12

Ënu'kxëtëpës näjyëtu'un koos nyajtuntë ja nkë'ë ntekyëty. Koos ja ja'ay xypyoktë, oy aaw oy ayukës ntuk'ëtsoowinpijtëp. Tëës ja'ay xy'ixjëtit xypyajëtitë e ëëtsëty tëëjës nmëmëta'aktë.

1 Timoteo 1:13

oyës ënäty ëxëëkjaty nnikäjpxy nimëtyä'äky ja Tios etsës n'ixjëtity npajëtity ja Jesús ja myëpëjkpëtëjk. E ojtsës ja Tios xypya'ëyoy, jä'ä ko ka'anëm ënäty nmëpekyës ets ka'anëmës ënäty nnijawë tiis ntuunpy.

1 Pedro 3:9

Këtii ëxëëk xyajwinpitëty ko pën nitu'ukën kyamëta'akëty ëkë ko pën jam mwin'ëw mwinkajpxëtëty; këtii näjyëtu'un xy'atsoowinpitëty, wäänëni'ik ninu'kxta'aktë ets ja Tios kyënu'kxëtëty. Paaty miits ja Tios të mwootsowëtë ets jä'ä xytyuntëty ja oypyë ets ja kënu'kxën wäänëni'ik xypyaatëty.