Lucas 23:2 - Biblia Mixe de Quetzaltepec

² Jamts tni'ë'ënëtyë ets y'ënantë: Tëës ya'atë ja'ay nkupaatëtë ko t'akajpxë ja naax kajpn. Jëtu'un y'ënä'äny ets ka'ap yajmo'ojëty ja këpäjtën ja yajkutujkpë kopk César ets nän ënaanp ko yë'ëty Kristë, yajkutujkpë.

Biblia Dc en Mixe de Quetzaltepec

² Jamts tni'ë'ënëtyë ets y'ënantë: Tëës ya'atë ja'ay nkupaatëtë ko t'akajpxë ja naax kajpn. Jëtu'un y'ënä'äny ets ka'ap yajmo'ojëty ja këpäjtën ja yajkutujkpë kopk César ets nän ënaanp ko yë'ëty Kristë, yajkutujkpë.

Lucas 23:2 ပူးပေါင်းရင်းမြစ်များ

Juan 19:12

Ja Pilato kanaakjëjp ja winma'any tja'ixtaay ets tja'ëxmatsany ja Jesús ëwaatsëtuuy; je'eyëp ko ja jutiis ja'ayëty ni'ikyë ojts tyëkëtë yaxpë jokpë: Ko xy'ëxmatsëty ëwaatsëtum, ka'ap ënäty mijts xymyëku'ukjawë ja yajkutujkpë kopk. Oypyënëty pën nätyijëp yajkutujkpë, nämyëtsip'ajtëp mëët ja yajkutujkpë kopk.

Lucas 23:14

ets t'ënëmaay: Miits ya'atë ja'ay xytyuknimiintëpës ets m'ëna'antë ko yë'ë t'akajpxë ja naax kajpn. Tëës npaye'ey, nyajtëy nyajtëtä'äky miits mwintuuyëty, ka'apës tii poky të npaaty ma yë'ëjën mëti'ipë miits mtukni'ë'ënëtëpën.

Hechos 24:5

Tëës yajxon nijawëtë ko ya'atë ja'ay y'ëyo'onpëjktä'äky ets ja jutiis ja'ay tyajjoot'anpëky ets tyajnäwyä'kxyë tu'kë'ëyë naaxwiinyëtë ja'ay ets yë'ë nyikopk'ajtyp ko t'ijxpëktë tu'uk ja Nazaretëtë ja'ay ja y'ijxpëjkën.

Juan 18:30

Ets y'ëtsoowtë: Ko jeexyë kyapokymyëëtëty, ka'ap jeexyë yam nëkoo myajktukë'ëtëkë.

Marcos 12:17

Ënät ja Jesús y'ënëmaayëtë: Mo'otë ja César mëti'ipë César jyä'ä'ajtypyën ets mo'otë ja Tios mëti'ipë Tios jyä'ä'ajtypyën. Ko ja Jesús jëtu'un y'ënäny, mëjmëtoy ojts ja ja'ay tjawëtë.

Mateo 22:21

Tääts y'ëtsoowtë: Ja yajkutujkpë. Ënät ja Jesús y'ëtsoowëtë: Mo'otë yë yajkutujkpë mëti'ipë jyä'ä'ajtypyën ets mo'otë Tios mëti'ipë paat'ajtëpën.

Zacarías 11:8

Tu'kpo'o je'eyë të nyäxy nitëkëëk jää të n'ëxwopyës yë kupixyny këwent'ajtpë mëti'ipë ënäty yë nmä'kxtujkënës të tyajkëxyën ets mëti'ipë xy'ëxëëk'ijxpënës.

Jeremias 38:4

Ënät ja wintsëntëjkëty t'ënëmaaytyë ja yajkutujkpë: Tyaapë ja'ay wä'än timy'ooky, ni'ikyë tsë'ëkëwinkajpxë yë tsiptuunpëtëjk mëti'ipë yaa naaxjoty kajpnjoty niwäänë të jyaakwë'ëmtën ets ja'ayëty. Ya'atë ja'ay ka'ap oypyë tmëmay tmëtajy ma kajpnën, ni'ikyë tsoky ets ja'ay o'ktëy jyatëty.

Jeremias 20:10

Nmëtoopyës ko ja'ay ame'tsyë myëtya'aktë ets y'ëna'antë: kutsë'ëkë yajpaaty oymyaajëty. Ënät y'ëna'antë: Mintë, tsojk npoky'ixta'ayëmë. Yë'ëpaat mëti'ipës mëët oy nämyäyën näjyëtu'un t'ëwxitë jëna'ajës muum n'ëktëkoy. Jëtu'un y'ëna'antë: Jääpëk jeexyë y'ëkyajwin'ëëny; tääts nmëmëtakmëty ets ëxëëk ntu'unmëty.

Salmos 62:4

Yi'iyë myääytyëp tyajtëp wi'ixës ëxëëk xytyuntëtyën; pën win'ë'ëntëp antaktëp ënät jotkujk nyäyjyawëtë. Winkë'ëy akë'ëy je'eyë oy xynyimëtya'aktës jap jyootjoty wyinma'anyjoty xypyojktëpës jap je'eyë.

Hechos 24:13

Ya'atë ja'ayëty ka'ap tii wa'kpäjn tmëët'atë tiis xynyatukni'ëënëtëp.

Lucas 23:5

E ja mayjyä'äy mëktä'äky y'ënaan'ëtë'ëtstë: Yë'ë ja'ay y'akajpxëtyääpy mëët yë y'ijxpëjkën. Galilea tyajtso'ontäky ets näjyëtu'un yaa Judea yaj'ixpëky.

Mateo 17:27

Je'eyëp ko këtiipë pën tka'oyjyawëty, nëjkx mnëë jëyujk matsy jap nëë ëkë'p ets ja nëë jëyujk mëti'ipë ëka'any mxuupyën, jap y'aawjoty xypyaata'any yë meeny mëti'ipës nkëpäjtën'atëpën ets mijts yë mjä'ä, tääts nëjkx xykyujuy ja këpäjtën.

Amós 7:10

Yë teety Amasías, mëti'ipë jam teety'ajtpën Betel, ojts tëkok tkäjpxynyikexy yë Israel yajkutujkpë ets t'ënëmaay: Tää yë Amós jyëtity ma Israel kajpnën, yë'ë nyipëtë'ëkäämpy yë yajkutujkpë. Yë naax kajpn ka'ap t'ëktsojknë ets ni'ikyë kyajpx'ëtë'ëtsëty.

Salmos 35:11

Tä ja'ay mëti'ipë poky nyikajpxëpën ka'apë myëtëyëtyën ets ënät tyajtëwtë ka'apës nijawën.

1 Reyes 18:17

Ko t'ijxpaty, tä t'ënëmaay: ¿A mijtstëm jëtu'un, mëti'ipë ja Israel naax Israel kajpn nëkoo je'eyë y'ëxëëkwinkajpxëpën?

Mateo 27:11

Tam ënäty ja Jesús twintänë ja yajkutujkpë Poncio Pilato, ko yajtëëwë: ¿Mijts jëtu'un myajkutujkpë ma jutiis ja'ayëtyënë? Tääts ja Jesús y'ëtsooy: Mijts jëtu'un m'ënaanp.

Marcos 15:2

Tääts ja Pilato tyajtëëy ja Jesús: ¿Mijts ja jutiis ja'ayëty yajkutujkpë? Tääts ja Jesús y'ëtsooy: Ëjts, ijxtëm mijts m'ëna'anyën.

Juan 18:29

Paaty ja Pilato nyipëtsëëmëtë ets y'ënëmaayëtë: ¿Tiitsën ya'atë ja'ay mtukni'ë'ënëtëp?

Romanos 13:7

Yaktë nijä'äjaty mëti'ipë paat'ajtëpën. Mëti'ipë mëpaat xykëpätën, yaktë ja m'ayajk m'ako'onënëty; pën jam ja këpäjtën myuky, yaktë ja mjä'äjëty; pën nitëjkëyëp yajwinkutsë'ëkëty, wiinkutsë'ëkëtë; pën paat'ajtëp mëj y'itëty, mëj yajnaxtë.