Lucas 23:19 - Biblia Mixe de Quetzaltepec

¹⁹ Ja Barrabás, yë'ë ënäty të yajtuktsumy ko tnipëtë'ëky ja yajkutujkpë ets ko ënäty të yaja'ay'ooky.

Biblia Dc en Mixe de Quetzaltepec

¹⁹ Ja Barrabás, yë'ë ënety të yajtuktsumy ko tnipëtë'ëky ja yajkutujkpë ets ko ënety të yaja'ay'ooky.

Lucas 23:19 ပူးပေါင်းရင်းမြစ်များ

Hechos 3:14

Miitsëty yë'ë ojts xyajnitukëtë ja wa'ats ja'ay mëti'ipë ka'ap tii poky tmëëtëtyën ets xyaj'ëwaatsëpëtsëëmtë ja yaja'ay'o'kpë.

Lucas 23:5

E ja mayjyä'äy mëktä'äky y'ënaan'ëtë'ëtstë: Yë'ë ja'ay y'akajpxëtyääpy mëët yë y'ijxpëjkën. Galilea tyajtso'ontäky ets näjyëtu'un yaa Judea yaj'ixpëky.

Lucas 23:2

Jamts tni'ë'ënëtyë ets y'ënantë: Tëës ya'atë ja'ay nkupaatëtë ko t'akajpxë ja naax kajpn. Jëtu'un y'ënä'äny ets ka'ap yajmo'ojëty ja këpäjtën ja yajkutujkpë kopk César ets nän ënaanp ko yë'ëty Kristë, yajkutujkpë.

Marcos 15:7

Jamts tu'uk ja tsumyjä'äy mëti'ipë xyëëwajtypyën Barrabás, jä'ä ënäty jap tsumy mëët ja wiinkëtypë mëti'ipë tëë yajja'ay'ooktën ko ënäty të tsyiptuntë mëët ja yajkutujkpë.

Lucas 23:18

Tääts ni'ëmukë ja ja'ay tyëjkëtyë yaxpë jojkpë: Yajjëwa'ak yë tääpë. Yaj'ëwa'atsëpëtsëm yë Barrabás.

Lucas 23:20

Ja Pilato y'ëxmatsäämpy ënäty ëwaatsëtum ja Jesús. Tääts ja mayjyä'äy ojts jatëkok tmëkäjpxy.

Hechos 21:38

¿Tii këtii mijts m'egiptë ja'ayëtyë mëti'ipë ja tsip yajtso'ontakën ets ojts kyäktso'oktë nimajktaxk milën jam të'ëts'itjotm mëët ja tsip tuunpëtyë?