Lucas 22:51 - Biblia Mixe de Quetzaltepec

⁵¹ Ets ja Jesús y'ënëmaayë: Ixmatstë, wä'än jëtu'un. Ets ja Jesús ja teety wintsën ja tyuunpë tatskmëxajëy ets tyajtsoky.

Biblia Dc en Mixe de Quetzaltepec

⁵¹ Ets ja Jesús y'ënëmaayë: Ixmatstë, wä'än jëtu'un. Ets ja Jesús ja teety wintsën ja tyuunpë tatskmëxajëy ets tyajtsoky.

Lucas 22:51 ပူးပေါင်းရင်းမြစ်များ

2 Corintios 10:1

Ëjts, Pablo, n'amëtoy npëjktsoyës ja mëyajtën ma miitsëtyën, mëët ja Kristë yujy'ajt nyäxym'ajtën; oy pën y'ëna'anëty ko amonyës n'ity koos jam nyajpaaty ma miitsëtyën, ko ku'aawës näpyëjktä'äkyë koos jëkäm nyajpaaty.

Romanos 12:21

Ka'ap ja ku'oypyë mnätyukmëmëta'akëtëty, mëmëta'ak ja ku'oypyë mëët ja oypyë.

Juan 17:12

Koos ijty nyajpaaty mëët yë'ëjëty naaxwiiny, n'ijx'ijtëp nkëwent'ajtëpës ijty mëët ja mmëkajtën mëti'ipës xymyooyën. E nitu'uk të kyatëkoy, yi'iyë tu'uk mëti'ipë ënäty jëtu'unyëm tëkoy'ajtpën, ets y'atëwëty ja m'aaw m'ayuk mëti'ipë kuja'ay miinpën.

Lucas 22:50

Tääts nitu'uk ja ijxpëjkpë ojts tyajtsëtyuty ja teety wintsën ja tyuunpë ets tnëpujxë ja y'aka'anytyatsk.

Lucas 22:52

Tääts y'ënëmaayëtë ja teety wintsëntëjk, ja mëjtsajptëjk këwent'ajtpë ets ja mëjja'aytyëjkëty, mëti'ipë ënäty jam të myintën ets yajtsoona'anëtë: ¿Tii ko miits xynyimintës mëët yë tëypyujxn ets mëët yë kepy, ijxtëm jeexyë nmä'tspëtyës?

Hechos 16:28

Ko ja Pablo t'ijxpaty ko nyäyaj'ooka'anyë, tääts mëk t'ënëmaay: Ka'ap wi'ix mnätyunëtëty. Aak tyap ëëtsëty ni'ëmukë.