Lucas 22:43 - Biblia Mixe de Quetzaltepec

⁴³ Jää ja tsajpjotmëtë kukäjpxy tu'uk nyimiinë mëti'ipë tsajpjotm tso'onpën ets jyotmëkmooyë.

Biblia Dc en Mixe de Quetzaltepec

⁴³ Jää ja tsajpjotmëtë kukäjpxy tu'uk nyimiinë mëti'ipë tsajpjotm tso'onpën ets jyotmëkmooyë.

Lucas 22:43 ပူးပေါင်းရင်းမြစ်များ

Daniel 11:1

Ëjts nän ojtsës mputëkë ets ojtsës njotmëk wiinkajpxë ma ënäty ja Darío yajkutujkpë y'ëne'emyën, mëti'ipë Media ja'ayën ma ënäty mëët tu'kjëmëjt kyëjääjë yajkutukyën.

Mateo 26:53

¿Këtii xynyijawë koos njëkyejpyës ja nTeety nmënu'kxta'akëty ets xytyuknikäxëtyës tëkë'px majk mil naxy ja anklëstëjkë?

Mateo 4:11

Ënät ja mëjku'u ojts y'ëxmatsyë ets ja anklëstëjk nyimiinë ets ojts pyutëkëty.

Mateo 4:6

ets y'ënëmaayë: Pën Tios mijts mU'unk'ajtëp, kupujtnax yaa, jä'ä ko jëtu'un ja Tios ja y'aaw y'ayuk kyëxja'ayëty: Tios kyäxäämpy ja y'anklëstëjk ets mkëwent'atëtëty, yë'ë mwijts'itanëp këtiipë mkunäpëty tsaakëjxm.

Lucas 22:32

je'eyëp ko tëëjës ja Tios nmënu'kxtä'äky ets ja mmëpëjkën ka'ap tyëkoy'atëty ets ko mjootwinpitëty mëët ëjts, jotmëkwinkajpxë ja mjëëky mmëku'uk.

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënäty ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Tios ja kyutujkënën, kopkpëky ko nku'ëyo'owëmëty.

Hechos 18:23

Jekyjawë jam pyoxy. Tääts ojts tsyoony jatëkok ets ojts t'aye'ey maajëty ënäty të y'ëknajxpën, jam Galacia ets Frigia ets ni'ëmukë ja mëpëjkpë tjotmëkwinkajpxëy.

Deuteronomio 3:28

Tuk'ëwaanë yë Josué tii mëpaat tunyën, jotmëkmo'o, winma'anymyo'o; jä'ä ko tyam yë'ë naax kajpn tyu'uwinye'eyäämpy, tyimja'tëty jam ma ja itjotmën, mëti'ipë jyä'ä'atantëpën, tyampë xy'ixa'anyën.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Tios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

Hebreos 1:14

Jä'ä ko ja tsajpjotmëtë kukäjpxy aak poj yë'ëjëty mëti'ipë Tios myëtuuntëpën ets yë'ë yajkäjxtëp ets nëjkx tputëkëtë mëti'ipë ja nitsokën të yajtukumaytyën.

Hebreos 1:6

Näyjyëtu'un wiinktsow y'ënä'äny ko tkejxy yaa naaxwiiny ja y'u'unk, mëti'ipë ijtpën ijxtëm ja kä'äxkopkën, ko tu'kë'ëyë ja Tios ja y'anklës t'ëwtatëty ja Tios U'unk.

Hebreos 2:17

Paatykyëjxm näjyëtu'un kopkpëky yajpëjktäky ijxtëm ja myëku'uktëjkën ets jam Tios wyintuuy y'itëty teety wintsën oypyë ets pa'ëyoopë ets ja Tios ja ja'ay tpokmyä'kxëty mëët ja wintsë'kën.