Lucas 22:42 - Biblia Mixe de Quetzaltepec

⁴² Tios Teety, pën mijts m'ënaanp, tun yë mëyajtën ëts xyajkutukëty etsës ka'ap nmë''ëyowëty ya'atë jotmay, mëti'ipë jëtu'un tä ta'amnëëjën; je'eyëp ko ka'ap y'ëjtsëty njä'a tyunëty, yë'ë yajtun wi'ix mijts të xytyuknipëjktaakën.

Biblia Dc en Mixe de Quetzaltepec

⁴² Dios Teety, pën mijts m'ënaanp, tun yë mëyajtën ëts xyajkutukëty etsës ka'ap nmë''ëyowëty ya'atë jotmay, mëti'ipë jëtu'un tä ta'amnëëjën; je'eyëp ko ka'ap y'ëjtsëty njä'a tyunëty, yë'ë yajtun wi'ix mijts të xytyuknipëjktaakën.

Lucas 22:42 ပူးပေါင်းရင်းမြစ်များ

Salmos 40:8

Ëjts ntunäämpyës mëti'ipë mijts mni'ënä'ämëpën, Tios, mëti'ipës nTios'ajtypyën; Njootjoty nwinma'anyjyotyës nyaj'ity mëti'ipës mijts xytyuk'ni''ijxëpën.

Isaías 51:17

Ëkma'aypyëtë'ëk, ëkma'aypyëtë'ëk, Jerusalén pëtë'ëk; Jëtu'un yë Wintsën yë tsyip y'äkë të xykyu'ëyowë tä ja'ay xa'k nëë t'uukyën ets ko t'ukëtä'äky tääts myukpëkyë.

Isaías 51:22

Yë mWintsën mëti'ipë mTios'ajtypyën, mëti'ipë pyaye'epyën ja nyëë pyoky ja nyaax kyajpn, jëtu'un y'ënä'äny: Njëpëkäämpyës yam tääpë a'ukën mëti'ipë të mtsaatsy tyunyën, mëti'ipë të myajjatyën amu'ukyë ja'ayën; ka'ap nijëna'a xy'ëk'uknëty tääpë nëë mëti'ipë ja ntsip n'äkës myëët'ajtypyën.

Jeremias 25:15

Jëtu'unës të xy'ënëëmë yë Wintsën mëti'ipë yë Israel ja'ayëty Tyios'ajtëpën: Ix tyaapë a'ukën, ujts yajpaaty mëët yë ntsip n'äkës. Këëyë'ëk ets nëjkx xytyuk'uuky tëkokyë yë naax kajpn ma të nkexyën.

Mateo 11:25

Näy jä'ä xëëw ja Jesús y'ënäny: Tatë, nmëjja'ap nkënu'kxyjya'ap mijts; tsajpjotmëpë ets naaxwiinypë Wyintsën'atyën, jä'ä ko tëë ja ja'ay yu'unkpë naxymyëpë jyuuky'atën xytyuknijawë ja winma'any tsippëpë, ja winma'any mëti'ipë të xytyukwinkuyu'utsyën ja ijxpëkyjyä'äytyëjkëty ets wijyjyä'äytyëjk.

Mateo 11:26

Jëtu'un Tios Teety, jä'ä ko jëtu'un mijts të xytsyoky.

Mateo 20:22

Tääts ja Jesús y'ëtsooy: Miitsëty ka'ap xynyijawëtë tii m'amëtoowtëpën. ¿Mëmëta'aktëp ja ëyo'on mëti'ipës nkupëkäämpyënë? Tääts y'ëtsoowtë: Nmëmëta'aktëpës yë'ë.

Mateo 26:39

Ënät ja Jesús ojts wäänë jyëkämke'eky ets nyäkyoxtënaaytyakë naaxkëjxy ets ja Tios nja'amyejtsy, jëtu'un y'ënäny: Tios Teety, pën mëpaat'ajtp etsës ka'ap n'ëyowëty, këtii xyajkutukëty ets ya'atë ta'amnëë n'uukëtyës; je'eyëp ko ka'ap jëtu'un tyunëtëty jyatëtëty winë tääjës ëjts ntsokyën, yë'ë tunëtëp jatëtëp mëti'ipë mits të xytyuknipëjktaakën.

Mateo 26:42

Ko ojts mëmäjtsk ok nyijkxy, ënät ja Tios tja'amyejtsy ets t'ënëmaay: Tios Teety, pën ka'ap tjëkyepy njëjpmëkajpxëtyës ya'atë ëyo'on, mijts mnija'ap wi'ix tii xytyuna'any.

Mateo 26:44

Jamts t'ëxmajtsy ets ojts nyijkxy jatëkok Tios mëkajpxpë mëtëkëëk ok, näjyëtu'un y'ënaankojnëpë.

Mateo 6:10

Yajmin ja mkutujkën. Wä'än tunyë tjatyë naaxwiiny tä mijts të xytyuknipëjktaakën jam tsajpjotm.

Marcos 14:36

Ets tmëkäjpxy ja Tios: Mijts, Tios Teety, mijts winë myaj'o'oyëtyääpy. Këtii xyajkutukëty etsës n'ëyo'onpaatëty; je'eyëp ko ka'ap jyëtu'unëty ijxtëmës ëjts tii ntsokyën, yë'ë tunëp ijxtëm të xytyuknipëjktaakën.

Lucas 23:34

Tääts ja Jesús y'ënäny: Tios Teety, nimä'kx, jä'ä ko ka'ap tnijawëtë tii tyuuntëp. Tääts ja tsiptuunpëtëjkëty tni'ëyë'ktë ja Jesús ja wyit ets aak ayi'iyë ojts twijtswa'kxtë.

Juan 18:11

Ënätyë ja Jesús t'ënëmaay ja Pedro: Pëjkë'ëk yë mtëypyujxn ma tyëjkën. Pën Tios Teety ënaanp etsës n'ëyowëty, ¿Tiijës ko nkakupëkëty?

Juan 4:34

Tääts ja Jesús y'ënëmaayëtë: Ëjts yë'ëjës jëtu'un nja'ap tä kääky tä uukyën koos ntuny ja ënä'ämën mëti'ipë tsyojkpyën ja mëti'ipës të xykexyën ets nyajwintu'upëkëtyës.

Juan 5:30

Ka'ap tjëkyepy etsës tii kë'ëmwinma'any ntunëty. Jëtu'unës winë npaye'ey ijxtëm ja Tios Teety të xy'ëne'emyënës; ets npaye'eyënës, mëtëy yë'ë; jä'ä ko ka'apës tii npaye'ey mëëtës yë nkë'ëmjot nkë'ëmwinma'any, yë'ëjës nTeety yë jyä'ä nyajtuunëp, mëti'ipës të xykexyën.

Juan 6:38

Jä'ä ko ka'apës yë'ëjëty tsajpjotm të nitsoony etsës ja nkë'ëmwinma'any nyajtunëty; yë'ëjës jam të nitsoony etsës ntunëty mëti'ipë tsyojkpyën ja nTeetyës mëti'ipës të xykyexyën.

Hechos 21:14

Koos n'ijxtë ko ja Pablo ka'ap wyinmaaytyëkatsa'any, täätsës ojts ka'ap n'ëk'akajpxtujknëtë etsës n'ënantë: Wä'än t'ixy wi'ix ja Wintsën të tyukmëtsokyë.