Lucas 22:37 - Biblia Mixe de Quetzaltepec

³⁷ Jëtu'un miits nëëmëtë ko kopkpëky jëtu'un tyunëtëty jyatëtëty ijxtëm ja Tios ja y'aaw y'ayuk xynyikäjpxyënës: Ko jëtu'un ojts yaj'ixy ijxtëm jeexyë y'ëxëëk ja'ayëtyën. Kojy jëtu'un tyunëtëty jyatëtëty ijxtëm myinyën kuja'ay.

Biblia Dc en Mixe de Quetzaltepec

³⁷ Jëtu'un miits nëëmëtë ko kopkpëky jëtu'un tyunëtëty jyatëtëty ijxtëm ja Dios ja y'aaw y'ayuk xynyikäjpxyënës: Ko jëtu'un ojts yaj'ixy ijxtëm jeexyë y'ëxëëk ja'ayëtyën. Kojy jëtu'un tyunëtëty jyatëtëty ijxtëm myinyën kuja'ay.

Lucas 22:37 ပူးပေါင်းရင်းမြစ်များ

Isaías 53:12

Paatykyëjxm ja Wintsën tmo'oja'any tu'uk ja ënyäätyakn ma y'u'unyëtën ja wintsëntëjkëty, kopktëjkëty ets ja mëj'äämpyë y'itën, tu'ukmukyë nëjkx tukxoonta'aktë ko ënäty të myëta'aktë; yë'ëkyëjxm ko ojts nyäkyë'ëyäkyë o'këntum, ets jëtu'un jyäjty kyëpejty tä jeexyë ëxëëk të y'ëti'itsy të y'ënä'änyën, mëët yë'ëkyëjxm ko ojts tkunaxy ja pokyjyä'äytyëjk.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Tios pyëjktakë ijxtëm jeexyë ja poky tmëët'atyën, jëtu'unts ja Tios xyaj'ëwaatsëpëtsë'emëty mëët ja Kristë.

Lucas 23:32

Näy tam ënäty nimäjtsk tyajnëjkxtë mëti'ipë mëjpoky të tuntën ets tyajkruutspäta'antë mëët ja Jesús.

Gálatas 3:13

Tëë ja Kristë xyajpëtsë'ëmëmë ma ijty kajpxpoky n'ijtëmën, jä'äkyëjxm ko ja Kristë ojts nyätyukjä'ätijyë ja kajpxpojkën mëti'ipë ënäty ëëts njä'ä'ajtëmën, jëtu'un këxja'ay myiny: Kajpxpoky tu'kë'ëyë winë y'ity mëti'ipë kepykyijxy këx'o'kpën.

Juan 17:4

Tëë mijts nmëjjaw njaantyjyawë naaxwiinyëtë, tëëjës ja tuunk nyaj'apaatë mëti'ipës të xymye'eyën.

Juan 10:35

Yajnija'ap ko ka'ap tjëkyepy ja Tios ja y'aaw y'ayuk këxja'aypyë yajninaxëty; ets ja Tios, nän tios ojts tijy ja ja'ayëty mëti'ipë ja y'aaw y'ayuk tyukmëtoowën.

Lucas 18:31

Tääts ja Jesús ja y'ijxpëjkpëtëjk nimajkmäjtskpë tyaxëy ëpëky ets t'ënëmaay: Ja'amtë jam Jerusalén, ma tu'kë'ëyë tyuna'any jyata'anyën ijxtëm ja Tios ja kyäjpxynyajxpëtëjk ojts t'akajpxtën jyata'any ja naaxwiinyëtë ja'ay ja y'U'unk.

Lucas 22:22

Ëjts, naaxwiinyëtë ja'ay y'U'unk, yë'ëjës ntuunpy mëti'ipës të nyajtuknipëjktaakën. E o'ktëy jyata'any tääpë ja'ay mëti'ipës xykyë'ëyakaanpën.

Marcos 15:27

Nimäjtsk ja mä'tspë tyajkruutspäjtë tu'kpa'ajaty mëët ja Jesús, tu'uk a'oytsyow ets tu'uk anajnytsyow.

Lucas 22:36

Ënät y'ënëmaayëtë: Tyam tëy, pën jam wyit myeeny wä'än tpakony; pën jam ja kyääky wä'än tpapëky; pën ja tyiypyujxn ka'ijtpën wä'än yë nyijän tooky ets tjuyëty tu'uk.

Lucas 22:52

Tääts y'ënëmaayëtë ja teety wintsëntëjk, ja mëjtsajptëjk këwent'ajtpë ets ja mëjja'aytyëjkëty, mëti'ipë ënäty jam të myintën ets yajtsoona'anëtë: ¿Tii ko miits xynyimintës mëët yë tëypyujxn ets mëët yë kepy, ijxtëm jeexyë nmä'tspëtyës?

Lucas 24:27

Tääts ja Jesús ojts tyuk'ixëtë ja Tios ja y'aaw y'ayuk ma kë'ëm yajnimëtyä'äkyën, tyimtso'ontä'äky mëti'ipë Moisés jyääyën ets tu'kë'ëyë jënu'un ja Tios ja kyäjpxynyajxpëtëjk tjaaytyën.