Lucas 22:22 - Biblia Mixe de Quetzaltepec

²² Ëjts, naaxwiinyëtë ja'ay y'U'unk, yë'ëjës ntuunpy mëti'ipës të nyajtuknipëjktaakën. E o'ktëy jyata'any tääpë ja'ay mëti'ipës xykyë'ëyakaanpën.

Biblia Dc en Mixe de Quetzaltepec

²² Ëjts, naaxwiinyëtë ja'ay y'U'unk, yë'ëjës ntuunpy mëti'ipës të nyajtuknipëjktaakën. E o'ktëy jyata'any tääpë ja'ay mëti'ipës xykyë'ëyakaanpën.

Lucas 22:22 ပူးပေါင်းရင်းမြစ်များ

Hechos 2:23

Tääpë ye'etyëjk, ojts miits myajtukë'ëtëkëtë, ijxtëm ja Tios ënäty të tuknimay të tuknitajën, miits ojts xyaj'ooktë, ko ja ëxëëkja'aytyëjk xytyukyajkruutspäjtë.

Lucas 24:46

ets y'ënëmaayëtë: Jëtu'un kyëxja'ayëty ko ja Kristë y'ookëty ets kom tëkëëk xëëw jyuukpyëka'any,

2 Pedro 2:3

Ji'iyë ja meeny tyätsyojktëp ets miits xymyëjuytyëty ko ënäty mtukmëmëtya'akëtë ja kyë'ëm ayuk kyë'ëm winma'any. E tëë ja Tios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Tios tyuknipëjktaakëtë ets ja mëj ëyo'on tpaatëty.

1 Pedro 1:11

Ja Kristë ja myëk'ajtën yë'ë ijty tyuknija'ap ja käjpxynyajxpëtëjk wi'ix ja Kristë y'ëyowa'anyën ets ja mëj'ajtën oyajtën mëti'ipë ok minaanpën; yë'ëjëty ojts tjanijawëja'antë ja xëëw po'o jëna'a jëtu'un jyata'any kyëpäta'any mëti'ipë ja Kristë ja myëk'ajtën ënäty jyanikäjpxypën.

Juan 17:12

Koos ijty nyajpaaty mëët yë'ëjëty naaxwiiny, n'ijx'ijtëp nkëwent'ajtëpës ijty mëët ja mmëkajtën mëti'ipës xymyooyën. E nitu'uk të kyatëkoy, yi'iyë tu'uk mëti'ipë ënäty jëtu'unyëm tëkoy'ajtpën, ets y'atëwëty ja m'aaw m'ayuk mëti'ipë kuja'ay miinpën.

Marcos 14:21

Jëtu'unës mëpaat njaty ijxtëm ja Tios ja y'aaw y'ayuk y'ënä'änyën, ëjts, naaxwiinyëtë ja'ay y'U'unk. Temë tääpë ja'ay mëti'ipës xykyë'ëyakaanpën, nikë oyxyëp të kyamëxu'unk'aty.

Mateo 26:24

Jëtu'unës nja'ata'any ijxtëm kuja'ay myinyën. Temë tääpë ja'ay mëti'ipës xykyë'ëyakaanpën, oyxyëp të kyaminy naaxwiinyëtë.

Zacarías 13:7

Yë Wintsën mëti'ipë maaytyääyëpën winë, jëtu'un y'ënä'äny: Pëtë'ëk, tëypyujxn, nipëtë'ëk yë kupixyny këwent'ajtpës ets nipëtë'ëk yë ja'ay mëti'ipës xypyutëjkëpën. Yaj'ook mëti'ipë kupixyny këwent'ajtpën ets kyääkwa'kxta'atëty yë kupixyny, etsës mëtsip n'awinpita'anyës ma ja kupixynyëtyën.

Génesis 3:15

Mijts ets to'oxytyëjk xëmë mnämyëtsip'atëtëty. Ets jëtu'un y'itëty ma m'u'unk m'okën ets ma to'oxytyëjk näjyëtu'un yë y'u'unk y'okën. Mkutä'änë'ëkëtëp yë y'u'unk y'ok ma nkëpajkën. Ets mijts nëjkxëp xytyekymyëtsu'utsë ma tyeky'ixpo'kxën.

Mateo 27:5

Ënät ja Judas ja meeny tnajtswëjëy jap tsajptëkoty ets ojts nyijkxy tääts nyäyo'ktëëyë.

Lucas 22:23

Ënät ja y'ijxpëjkpëtëjk aak ayi'iyë nyäyajtëëwëtë pën jëtää kë'ëyakanëp.

Hechos 10:42

Tääts ojts xytyuk'ënä'ämtës ets yajkajpxwa'kxëty ja Tios ja y'aaw y'ayuk, ets ja ja'ay ntuk'ëwaanëtëtyës ko Tios të tpëjktä'äky yë Jesús ets tpaye'eyëty ja juukpyë ookpyë.

Hechos 17:31

Jä'ä ko tëë ja Tios tuknipëjktaakë jëna'a ja naaxwiinyëtë ja'ay tpaye'eyä'änyën ijxtëm pyaat'atyën. Yë'ë të tuknipëky tu'uk ja ja'ay mëti'ipë të twin'ixyën; ets tëë xytyuk'ijxëmë ja myëk'ajtën ko ojts tyajjuukpyiky jatëkok oy ënäty të y'ëk'ooky.