Lucas 22:20 - Biblia Mixe de Quetzaltepec

²⁰ Näyjyëtu'un tuuny ko y'a'ux'ajtaay ets tkoonë'ky ja a'ukën ets y'ënäny: Ëjts ya'atë nne'pny mëti'ipë miits mtuk'oy'atantëpën ets ja Tios ja käjpxytyu'unën tyaj'ëtukëty.

Biblia Dc en Mixe de Quetzaltepec

²⁰ Näyjyëtu'un tuuny ko y'a'ux'ajtaay ets tkoonë'ky ja a'ukën ets y'ënäny: Ëjts ya'atë nne'pny mëti'ipë miits mtuk'oy'atantëpën ets ja Dios ja käjpxytyu'unën tyaj'ëtukëty.

Lucas 22:20 ပူးပေါင်းရင်းမြစ်များ

Éxodo 24:8

Ënät ojts ja Moisés ja ne'pny tkëëyi'iky, mëti'ipë ënäty jap ijtpën a'ukënjoty ets ojts tuknixijkxta'ay ja mayjyä'äy, tääts t'ënëmaay: Ya'atë ne'pny yë'ë jëtu'un nyikäjpxyp ja käjpxytyu'unën, mëti'ipë ja Tios të tunyën mëët miitsëty, jëtu'un ijxtëm yap këxja'ay myinyën.

Jeremias 31:31

Jëtu'un yë Wintsën y'ënä'äny: Pyätyp ja xëëw maas ntuna'anyën jempyë käjpxytyu'unën mëët yë Israel ja'ayëty ets Judá ja'ayëty.

Zacarías 9:11

Jëtu'un yë Wintsën y'ënä'äny: Jerusalén, mëët ja käjpxytyu'unën mëti'ipë ja ne'pny myë'ijtypyën, njuutäämpyës jap nëëjutjoty yë ja'ayëty mëti'ipë jap tsumy matsy ijtëpën.

Mateo 26:28

jëtu'un ya'atë uuky nyäxy tääjës yë ne'pnyën, ma y'atëyën ja käjpxytyu'unën, ja ne'pny mëti'ipë täämp jä'tspën ets ja naaxwiinyëtë ja'ay yajpokymyä'kxtëty.

Marcos 14:24

Jëtu'un ja Jesús ojts y'ënë'ëmxëtë: Ëjts ya'atë ne'pny mëti'ipë tsunaanp xä'kxaanpën ets tyiytyëkëty ja käjpxytyu'unën mëti'ipë ja mayjyä'äy tyuk'oy'atëpën.

1 Corintios 11:25

Ko ënäty të y'a'ux'ajta'atë, ënät ojts tkoonë'ëky ja a'ukën ets y'ënäny: Yë'ë ya'atë jempyë ja käjpxytyu'unën koos ja ne'pny tyunëty xyä'kxëty. Ko miits tëkok tëkok xy'uuktëty, jëtu'un xyjyaamyätstëtyës.

2 Corintios 3:6

Yë'ë të xyajwij të xyajkäjëm ets ja käjpxytyu'unën nkuuytyu'unmëty; ka'ap yë'ëjëty mëti'ipë Moisés yajmooyën, yë'ë mëti'ipë ja Kënu'kxymyëkajtën tyuunpyën. Yë ënä'ämën tëyajtën je'eyë nyi'ënä'ämë ets n'o'kmëty, e yë Kënu'kxymyëkajtën yäjkpy yë juukyajtën.

Hebreos 12:24

tëë ja Jesús xymyëwinkontë, mëët ko ja Tios të tuny ja jempyë käjpxytyu'unën ja Jesús mëti'ipë nye'pyny y'ëxmajtsën ko ojts tyäxy jyä'äy ets wäänë oy nimëtyä'äky këtiinëm ja Abel ja nye'pyny.

Hebreos 13:20

Ja Tios mëti'ipë yäjkpyën ja jotkujk'ajtën ets mëti'ipë ojts tyajjuukpyikyën ja Wintsën Jesús, jëtu'unpë yajpaatyën tä kupixyny këwent'ajtpën, mëti'ipë mëët ja nye'pny ja käjpxytyu'unën të tyaj'apaatën xëmëkyëjxm,

Hebreos 9:15

Paaty ja Kristë yë'ë të tnikopk'aty ja jemypyë ja käjpxytyu'unën ets ja jempë ja noky mëti'ipë ja tëyajtën myëët'ajtypyën, jä'ä ko mëët yë'ëkyëjxm ko të y'ooky tëë tyaj'ëwaatsëpëtsëmy ja naaxwiinyëtë ja'ay pokyjoty ko të yajpaaty ma ja mëjëwyiinpë ja käjpxytyu'unënën, jëtu'un'äämpy ja naaxwiinyëtë ja'ay të t'ëxajëtë ja kyuma'ayënëty xëmëkyëjxmëpë mëti'ipë të yajtukwinwanëtën.

Hebreos 9:17

Tu'uk ja noky, mëti'ipë myëët'ajtypyën ja tëyajtën, ka'ap nyatunyëm pën jaakjuuky'ajtpnëm ja nyija'ay mëti'ipë yajkojëpën, ënätnëm tyuuntsoony ko ënäty të y'o'knë ja nyija'ay.