Lucas 22:19 - Biblia Mixe de Quetzaltepec

¹⁹ Tääts ja tsajpkääky tkoonë'ky ets näjyëtu'un ja Tios ojts tkukajpxë, tääts ojts tujkwä'kxy ets tmooy ja y'ijxpëjkpëtëjk ets y'ënäny: Ëjts ya'atë ni'kx nkopk mëti'ipës nyäjkpyën ets miits xytyuk'oy'atëty, yë'ë tuntë ets xytyukja'amyätstëtyës.

Biblia Dc en Mixe de Quetzaltepec

¹⁹ Tääts ja tsajpkääky tkoonë'ky ets näjyëtu'un ja Dios ojts tkukajpxë, tääts ojts tujkwä'kxy ets tmooy ja y'ijxpëjkpëtëjk ets y'ënäny: Ëjts ya'atë ni'kx nkopk mëti'ipës nyäjkpyën ets miits xytyuk'oy'atëty, yë'ë tuntë ets xytyukja'amyätstëtyës.

Lucas 22:19 ပူးပေါင်းရင်းမြစ်များ

Salmos 111:4

Yë myëj'ajtën mëti'ipë të tyaj'ixyën ka'ap tjëkyepy nijëna'a yaja'atyëkoyëty. Yë Wintsën yujy tëtä'äky yë'ë ets pa'ëyoop najts'ëyo'owëp.

Cantares 1:4

Yajjaamkojkës pojën. Japës yajnëjkxk mijts yajkutujkpë ma m'ityën mtsëënën. Mëët mijts jotkujkës nyajpaata'antë, yë'ëjës ni'ik n'oyjya'awëtyëp yë mwiin mjëjp këtiinëm yë tsatym nyëë. Paatyëmën to'oxytyëjk mtsokëtë.

Ezequiel 37:11

Ënät ja Wintsën xy'ënëmaayës: Yë Israel ja'ayëty jëtu'un tä ya'atë maypyajkën. Jëtu'un y'ëna'antë: Yë npajk'ajtëm tëë tyëtstaaynyë; ëëtsajtëm ka'ap nitii n'ëk jëjp'ijxënë, tëë ntëko'oyënë.

Ezequiel 5:5

Ëjts, mëti'ipë Wintsën'ajtpën, jëtu'unës n'ëna'any: Ixtë ja Jerusalén kajpn. Ëjts ojts mpëjktä'äky ma wiinkëtypë ja naax kajpnën ets wiinkëtypë ja it naaxwiinyëtën.

Daniel 2:38

ets mijts m'ënä'ämtääpy tëkokyë yë ja'ay, yë jëyujk yë joon ets wä'än timy tyiijëty, yë Tios yë'ë të mo'oyë mëk'ajtën ets mijts winë xy'ënä'ämta'ajëty, yë'ë jëtu'un të xywyin'ixy tä ja pu'ts pujxn tkëpajk'atyën.

Mateo 14:19

Ënät ni'ënä'ämëy ets ja mayjyä'äy nyaaxwäätstëty ujtskëjxy. Tääts tkoonë'ky ja mëkoxkpë ja tsajpkääky ets mäjtsk ja ajkx. Ënät pya'at'ijxy tsajpkëjxm ets ojts tkënu'kxy. Tääts ojts tujkwä'kxy ja tsajpkääky ets tmooy ja y'ijxpëjkpëtëjk, e ja y'ijxpëjkpëtëjk ots tkumaaytya'atë ja mayjyä'äy.

Mateo 15:36

ets tkoonë'ky ja wëxtujkpë ja tsajpkääky ets ja ajkx. Ko ja Tios tkukajpxëy, tääts ojts tujkwä'kxy ets tmooy ja y'ijxpëjkpëtëjk. Ja y'ijxpëjkpëtëjk jä'ä kyumaaytyë ja mayjyä'äy.

Lucas 22:17

Tääts ja Jesús tu'uk tkoonë'ky ja a'ukën ets ja Tios tkukajpxëy ets y'ënäny: Ëxajëtë ya'atë ets xy'uukwa'kxtëty.

Lucas 22:20

Näyjyëtu'un tuuny ko y'a'ux'ajtaay ets tkoonë'ky ja a'ukën ets y'ënäny: Ëjts ya'atë nne'pny mëti'ipë miits mtuk'oy'atantëpën ets ja Tios ja käjpxytyu'unën tyaj'ëtukëty.

Lucas 24:30

Ko ënäty jam y'u'unyëtë ma ja kaaypyäjnën, tääts ja tsajpkääky ojts nixajë ets ja Tios tkukajpxëy ets ojts myo'ojëtë.

Juan 6:23

Ënät ojts wiinkpë kepy nëëwinye'eyë jya'të mëti'ipë tso'ontëpën Tiberias, ma ënäty ja tsajpkääky të tkaytyën ko ja Wintsën jëyëjp tkukajpxëy ma Tiosën.

Juan 6:51

Ëjts ja tsajpkääky mëti'ipë juukyajtën yäjkpyën ets tsajpjotmëpë të tsyoonyën, ko pën ya'atë tsajpkääky tkay, xëmëkyëjxm jyuuky'ata'any. Ja tsajpkääky mëti'ipës nyakäämpyën, ni'kx nkopkës ntijpy, mëti'ipës nyakäämpyën ets ja naaxwiinyëtë ja'ay tmëët'atëty ja juukyajtën xëmëkyëjxmëpë.

1 Corintios 10:16

Ko ojts n'ukëm ja kënu'kxynyëë a'ukënjoty ets ojts nyajmëjnajxëmë ja Tios, tu'ukyë ënäty tpaaty n'ijtëmë mëët ja Kristë ja nye'pyny, ko ojts nka'ayëm ja tsajpkääky mëti'ipë ojts ntujkwa'kxëmën, tsojk ni'ëmukë ntukjotkujk'ajtëmë ja Kristë ja jyot nyini'kx.

1 Corintios 10:4

nän yë'ë nëë y'uktë mëti'ipë tsaajoty pëtsëëmën. Ja tsaa yë'ë ja Kristë, mëti'ipë ënäty mëët tyu'uye'eytyën.

Gálatas 1:4

Mëti'ipë të tku'ookën ja npoky'ajtëmë, ijxtëm ja Tios tsokyën ets n'ëwaatsëpëtsë'ëmëty ma tyampë tiempën ëxëëkpë tsaatsypyën.

Gálatas 4:25

Yë'ë ja Agar kyutënääpy ja Sinaí Kopk jam Arabië, mëti'ipë tyam nyitënääpyën ja Jerusalén, ya'atë kajpn ëne'emy tyam y'ity mëët yë y'u'unk y'ëna'k.

Efesios 5:2

Nätsyokëtë nixim niyam ijxtëm ja Kristë të xytsyojkëmën ets të nyäkyë'ëyäkyë ma të wyintsë'kën'atëtyën ëëts'ajtëmkyëjxm, jëtu'un tä ja wintsë'kënën mëti'ipë oy xu'kp jojkpën Tios wintum.

1 Tesalonicenses 5:18

Kukajpxëtë ja Tios oytyiijëty, jä'ä ko yë'ë ja Tios tsyojkpy xytyuntëty ko tu'ukyë m'itëty mëët ja Jesukristë.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

1 Pedro 2:24

Kristë ojts ja npoky'ajtëm tmënëjkx ma ja nyi'kx kyopkën jam kruutskëjxm ets jëtu'un nyäjxy ijxtëm jeexyë ja poky të nku'o'këmën ets ënät njuuky'ajtmëty mëtëy. Yë Kristë ojts tsyëtyuty wyintëkoy ets miits mtsoktë.